କନକ ବ୍ୟୁରୋ: ଋଷ ଓ ୟୁକ୍ରେନ୍ ଭିତରେ ଜାରି ରହିଥିବା ଯୁଦ୍ଧକୁ ନେଇ ବଡ ବୟାନ ଦେଇଛି ଆମେରିକାର । ହ୍ୱାଇଟ୍ ହାଉସ୍ ଦାବି କରିଛି ଯେ, ଗତ ୫ ମାସ ଭିତରେ ଯୁଦ୍ଧରେ ଋଷର ବଡ କ୍ଷତି ଘଟିଛି । ଗତ ୫ ମାସ ଭିତରେ ଋଷର ୨୦ ହଜାରରୁ ଅଧିକ ସୈନିକ ଯୁଦ୍ଧରେ ମୃତ୍ୟୁବରଣ କରିଥିବାବେଳେ, ୮୦ ହଜାର ସୈନିକ ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରୀୟ ସୁରକ୍ଷା ପରିଷଦର ମୁଖପାତ୍ର, ଜନ୍ କିର୍ବୀ ରବିବାର ଦାବି କରିଛନ୍ତି ଯେ, ୟୁକ୍ରେନ୍ ଯୁଦ୍ଧରେ ନିଜର ସୈନିକଙ୍କ ମୃତ୍ୟୁର କୌଣସି ତଥ୍ୟ ଦେଉନାହିଁ । ଯେହେତୁ ଋଷ ୟୁକ୍ରେନ୍ ଉପରେ ଆକ୍ରମଣ କରିଛି, ସେହି କାରଣରୁ ୟୁକ୍ରେନ୍ ଏହି ତଥ୍ୟ ଦେଉନାହିଁ । ହେଲେ ଗତ ନଭେମ୍ବର ମାସରେ ଏକ ରିପୋର୍ଟ ଜାରି ହୋଇଥିଲା । ଯେଉଁଥିରେ କୁହାଯାଇଥିଲା ୟୁକ୍ରେନ-ଋଷ ଯୁଦ୍ଧରେ ୟୁକ୍ରେନରର ପାଖାପାଖି ୧ ଲକ୍ଷ ଲୋକ ମୃତ୍ୟୁ ବରଣ କରିଥିଲେ ।
ଅନ୍ୟପଟେ ଋଷ-ୟୁକ୍ରେନ୍ ଯୁଦ୍ଧକୁ ଋଷ ଯେତେ ସହଜରେ ଜିତିଯିବ ବୋଲି ଭାବୁଥିଲା, ତାହା ସେତେଟା ସହଜ ହୋଇନି । ଯୁଦ୍ଧରେ ଋଷର ପ୍ରାୟ ୨୦ ହଜାରରୁ ଅଧିକ ସୈନିକ ମୃତ୍ୟୁବରଣ କରିଥିବାବେଳେ, ୮୦ ହଜାର ସୈନିକ ଆହତ ହୋଇଛନ୍ତି ବୋଲି ସୂଚନା ରହିଛି । ତେବେ ଆମେରିକାର ଏହି ଦାବିକୁ କିନ୍ତୁ ଋଷ ମିଛ ବୋଲି କହିଛି । ଯୁଦ୍ଧରେ ଏବେ ସୁଦ୍ଧା ଋଷର ମାତ୍ର ୯୪ ଜଣ ସଦସ୍ୟ ମୃତ୍ୟୁବରଣ କରିଥିବା ଋଷ ପକ୍ଷରୁ ତଥ୍ୟ ଦିଆଯାଉଛି ।