କନକ ବ୍ୟୁରୋ : ଦେଶରେ କୁହୁଡିପାଗ ଲାଗି ରହିଥିବାରୁ ଏୟାର ଇଣ୍ଡିଆ ତାର ଯାତ୍ରୀମାନଙ୍କ ସୁବିଧା ପାଇଁ ଫଗକେୟାର ନାମକ ଏକ ଯୋଜନା ଆରମ୍ଭ କରିଛି । ଏନେଇ ଏୟାରଲାଇନ ପକ୍ଷରୁ କୁହାଯାଇଛି କି, ଏୟାରଲାଇନ ପକ୍ଷରୁ ଯାତ୍ରା କରିବାକୁ ଟିକେଟ କରିଥିବା ଯାତ୍ରୀଙ୍କ ସହ ସଂପର୍କ କରାଯାଇ ସେମାନଙ୍କ ବିକଳ୍ପକୁ ପ୍ରାଧାନ୍ୟ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଟାଟା ଗ୍ରୁପ ମାଲିକାନାରେ ଚାଲିଥିବା ଏୟାର ଇଣ୍ଡିଆ କୁହୁଡି ପାଗ କାରଣରୁ ଯାତ୍ରୀମାନଙ୍କ ସମସ୍ୟାକୁ ଧ୍ୟାନରେ ରଖି ଫଗକେୟାର ନାମକ ଏକ ଯୋଜନା ଆରମ୍ଭ କରିଛି । ଏହା ପ୍ରଥମେ ଦିଲ୍ଲୀ ବିମାନବନ୍ଦର ଦେଇ ଯାତାୟତ କରୁଥିବା ଯାତ୍ରୀଙ୍କ ପାଇଁ ଲାଗୁ କରାଯାଇଛି ।
ଏୟାର ଲାଇନ ପକ୍ଷରୁ କୁହାଯାଇଛି କି, ଏହି ଯୋଜନା ଫଳରେ ଟିକେଟ କାଟିଥିବା ଯାତ୍ରୀମାନେ ନିର୍ଣ୍ଣୟ କରିବେ କି ସେମାନେ ଏବେ ଯାତ୍ରା କରିବେ କି ନାହିଁ । ଏହି ଯୋଜନା ମାଧ୍ୟମରେ ଯାତ୍ରୀମାନେ ସେମାନଙ୍କ ଯାତ୍ରା କ୍ୟାନସଲ କରିପାରିବେ କିମ୍ବା ସେମାନଙ୍କ ଯାତ୍ରା ତାରିଖ ଘୁଞ୍ଚାଇ ପାରିବେ । ଏଥିପାଇଁ ସେମାନଙ୍କୁ କୌଣସି ଅତିରିକ୍ତ ଶ୍ଳୁକ ଦେବାକୁ ପଡିବ ନାହିଁ ବା ଟିକେଟ କ୍ୟାନସଲ କଲେ କୌଣସି ଚାର୍ଜ ଲାଗିବ ନାହିଁ । ଯାତ୍ରୀମାନେ ଟିକେଟ କ୍ୟାନସଲ କଲେ ସେମାନେ ଟିକେଟ ବାବଦରେ ପୈଠ କରିଥିବା ସମସ୍ତ ଟଙ୍କା ଫେରିପାଇବେ ।
ଏୟାର ଲାଇନ ତରଫରୁ ଏକ ବିଜ୍ଞପ୍ତିରେ କୁହାଯାଇଛି କି,ଏହି ପ୍ରଚେଷ୍ଠା ଫଳରେ ବିମାନବନ୍ଦରରେ ଭିଡ କମହେବ । ଏହାସହ ବିମାନର ଉଡାଣ ରଦ୍ଦ ହେଲେ ଯାତ୍ରୀମାନଙ୍କୁ ଇ-ମେଲ, ଫୋନକଲ କିମ୍ବା ମେସେଜ ମାଧ୍ୟମରେ ସୂଚନା ଦିଆଯିବ ।