ପ୍ରଶାନ୍ତ କିଶୋରଙ୍କ ବଡ ବୟାନ । କହିଲେ, ବିଜେପି ଜିତିବ ୩୦୦ ଆସନ । ୪୦୦ ପାର୍ କରିବା ଅସମ୍ଭବ ।
କନକ ବ୍ୟୁରୋ: ବିଜେପିର ବିଜୟକୁ ନେଇ ବଡ ବୟାନ ଦେଲେ ରାଜନୈତିକ ରଣନୀତିକାର ପ୍ରଶାନ୍ତ କିଶୋର । ମଙ୍ଗଳବାର ଏକ ଜାତୀୟ ଗଣମାଧ୍ୟମକୁ ପ୍ରତିକ୍ରିୟା ଦେଇ ପ୍ରଶାନ୍ତ କିଶୋର କହିଛନ୍ତି, ବିଜେପିକୁ ଏଥର ଲୋକସଭା ନିର୍ବାଚନରେ ପାଖାପାଖି ୩୦୦ ସିଟ୍ ମିଳିବାର ସମ୍ଭାବନା ଅଛି । ବିଜେପି ନିଜ ଦମରେ ୩୭୦ ସିଟ୍ ଜିତିବା ଅସମ୍ଭବ । ଅନ୍ୟପଟେ ଭାରତୀୟ ଜନତା ପାର୍ଟି ୩ ଶହ ପାଖାପାଖି ସିଟ୍ ଜିତିବ ବୋଲି କହିଛନ୍ତି ପ୍ରଶାନ୍ତ କିଶୋର ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ଯେ, ଯେଉଁଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଜେପିକୁ ୩୭୦ ସିଟ୍ ମିଳିବ ବୋଲି କହିଥିଲେ ଏବଂ ଏନଡିଏ ୪ ଶହ ପାର୍ କରିବ ବୋଲି କରିଥିଲେ, ସେହିଦିନ ହିଁ ଏହା ଅସମ୍ଭବ ବୋଲି ସେ କହିଥିଲେ । କେବଳ କାର୍ଯ୍ୟକର୍ତ୍ତମାନଙ୍କର ମନୋବଳ ବଢାଇବା ପାଇଁ ମୋଦୀ ଏପରି କହିଥିଲେ ବୋଲି ପ୍ରଶାନ୍ତ କିଶୋର କହିଛନ୍ତି ।
ସେପଟେ ଏହା ନିଶ୍ଚିତ ଯେ, ବିଜେପି ୨୭୦ରୁ କମ୍ ସିଟ୍ ଜିତିବନି । ଗତ ନିର୍ବାଚନ ଭଳି ଏଥର ମଧ୍ୟ ଏନଡିଏ ୩୦୩ ପାଖାପାଖି ସିଟ୍ ଜିତିବ । ଖାସ୍ କରି ବିଜେପି ଉତ୍ତର ଏବଂ ପଶ୍ଚିମ କ୍ଷେତ୍ରରେ କ୍ଷତି ସହିବ । ଦକ୍ଷିଣ ଏବଂ ପୂର୍ବ କ୍ଷେତ୍ରରେ ବିଜେପିକୁ ଫାଇଦା ମିଳିବ ବୋଲି କହିଛନ୍ତି ପ୍ରଶାନ୍ତ କିଶୋର । ବିହାର, ପଶ୍ଚିମବଙ୍ଗ, ଓଡିଶା, ତେଲେଙ୍ଗାନା, ଆନ୍ଧ୍ରପ୍ରଦେଶ, ତାମିଲନାଡୁ ଏବଂ କେରଳରେ ବିଜେପିର ସିଟ୍ ବୃଦ୍ଧି ପାଇବ ବୋଲି ସେ କହିଛନ୍ତି ।