କନକ ବ୍ୟୁରୋ : ଖାଲି ଭାରତବର୍ଷ ନୁହେଁ ବିଶ୍ୱର ଅନେକ ରାଷ୍ଟ୍ରରେ ଦେଖିବାକୁ ମିଳିଛି କ୍ଷମତା ସଂକଟ । ମହାରାଷ୍ଟ୍ରରେ ଯେଭଳି ଭାବେ ନିଜ ଦଳର ବିଧାୟକଙ୍କ ବିଦ୍ରୋହ ପାଇଁ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଇସ୍ତଫା ଦେବାକୁ ପଡିଥିଲା ଏବେ ସମାନ ସ୍ଥିତି ଦେଖିବାକୁ ମିଳିଛି ବ୍ରିଟେନରେ । ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନ ନିଜ ଦଳର ମନ୍ତ୍ରୀମାନଙ୍କ ବିଦ୍ରୋହ ଓ ପରେ ଇସ୍ତଫା ଫଳରେ ଆଜି ବାଧ୍ୟ ହୋଇ ଇସ୍ତଫା ଦେଇଛନ୍ତି । ସେ କେବଳ ପ୍ରଧାନମନ୍ତ୍ରୀ ପଦରୁ ନୁହେଁ ବରଂ ନିଜ ଦଳ କଞ୍ଜରଭେଟିଭ ପାର୍ଟିର ମୁଖିଆ ପଦରୁ ବି ଇସ୍ତଫା ଦେଇଛନ୍ତି । କୁହାଯାଉଛି କି ତାଙ୍କ ମନ୍ତ୍ରୀମଣ୍ଡଳରୁ ୫୦ ରୁ ଅଧିକ ମନ୍ତ୍ରୀ ବି ଇସ୍ତଫା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
UK PM Boris Johnson confirms he will be stepping down and that his Conservative party will elect a new leader and Prime Minister
“I am immensely proud of my achievements, I will continue till a new leader is in place,” said UK PM Boris Johnson pic.twitter.com/KtqboPnVzK
— ANI (@ANI) July 7, 2022
ବୋରିସଙ୍କ ଇସ୍ତଫା ପରେ ଏବେ କିଏ ହେବ ବ୍ରିଟେନର ପ୍ରଧାନମନ୍ତ୍ରୀ ତାହାକୁ ନେଇ ଚର୍ଚ୍ଚା ଜୋର ଧରିଛି । ଏହି ଚର୍ଚ୍ଚା ମଧ୍ୟରେ ସବୁଠୁ ଆଗରେ ରହିଛନ୍ତି ଭାରତୀୟ ବଂଶୋଦ୍ଭବ ଋଷି ସୁନକ । ଋଷି ହେଉଛନ୍ତି ଇନଫୋସିସର ସହ ପ୍ରତିଷ୍ଠାତା ତଥା ପ୍ରତିଷ୍ଠ ବ୍ୟବସାୟୀ ନାରାୟଣ ମୂର୍ତ୍ତୀଙ୍କ ଜ୍ୱାଇଁ । ଋଷି ବୋରିସଙ୍କ ମନ୍ତ୍ରୀମଣ୍ଡଳରେ ଅର୍ଥମନ୍ତ୍ରୀ ଥିଲେ । ହେଲେ କିଛି କାରଣ ଯୋଗୁଁ ତାଙ୍କୁ ବିରୋଧ କରାଯିବାରୁ ସେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।