କନକ ବ୍ୟୁରୋ : ଖ୍ରୀଷ୍ଟମାସ ପାଇଁ ଋଷ ରାଷ୍ଟ୍ରପତି ଭ୍ଲାଦମିର ପୁଟିନ୍ ୩୬ ଘଂଟିଆ ଯୁଦ୍ଧବିରତିି ଘୋଷଣା କରିବା ସହ ଏହି ନିର୍ଦ୍ଦେଶ ପାଳନ କରିବାକୁ ତାଙ୍କ ପ୍ରତିରକ୍ଷା ମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି । ଶୁକ୍ରବାର ରାତି ୧୨ଟାରୁ ୩୬ ଘଂଟା ଯୁଦ୍ଧବିରତିରେ ସହଯୋଗ କରିବାକୁ ୟୁକ୍ରେନକୁ କହିଛନ୍ତି ପୁଟିନ୍ । ହେଲେ ପୁଟିନଙ୍କ ଯୁଦ୍ଧବିରତି ଘୋଷଣାକୁ ପ୍ରତ୍ୟାଖାନ କରିଛି ୟୁକ୍ରେନ୍ । ୟୁକ୍ରେନ ରାଷ୍ଟ୍ରପତି ଭ୍ଲାଦମିର ପୁଟିନ୍ କହିଛନ୍ତି, ଏଭଳି ଯୁଦ୍ଧବିରତିି ୟୁକ୍ରେନ ସେନାର ପରାକ୍ରମକୁ ରୋକିବାର ଏକ ପ୍ରୟାସ । ଏହା ଦ୍ୱାରା ଋଷ ସେନା ବିତାଡିତ ହୋଇଥିବା ପୂର୍ବ ଡୋନାବାସ ପ୍ରଦେଶକୁ ଋଷ ଅଧିକ ସେନା, ଅସ୍ତ୍ରଶସ୍ତ୍ର ଏବଂ ଅନ୍ୟ ମିଲିଟାରୀ ସରଞ୍ଜାମ ପଠାଇପାରିବ । ଯୁଦ୍ଧ ସେବେ ସରିବ ଯେବେ ଋଷ ସେନା ୟୁକ୍ରେନ ଛାଡି ଚାଲିଯିବେ ନଚେତ୍ ଯେବେ ଆମେ ତାଙ୍କୁ ବିତାଡିତ କରିଦେବୁ ବୋଲି କହିଛନ୍ତିି ୟୁକ୍ରେନ ରାଷ୍ଟ୍ରପତି ଭୋଲଦାମିର ଜେଲେନସ୍କି ।
Kanak News is now on WhatsApp
Join and get latest news updates delivered to you via WhatsApp
ପୁଟିନ୍ ଯୁଦ୍ଧବିରତି ନେଇ ଘୋଷଣା କରିବା ପରେ ଆମେରିକା ରାଷ୍ଟ୍ରପତି ଜୋ ବାଇଡେନ କହିଛନ୍ତି, ୧୦ ମାସର ଯୁଦ୍ଧ, ହଜାର ହଜାର ଲୋକଙ୍କ ଜୀବନ ଯିବା ପରେ ଯୁଦ୍ଧବିରତି ଘୋଷଣା ପୁଟିନଙ୍କୁ ଅକ୍ସିଜେନ ଯୋଗାଇଛି । ପୁଟିନ୍ଙ୍କ ଏଭଳି କଟାକ୍ଷର ଯବାବ ରଖି ଆମେରିକାରେ ଥିବା ଋଷ ରାଷ୍ଟ୍ରଦୂତ ଆନଟୋଲି ଆନଟୋନୋଭ କହିଛନ୍ତି, ୟୁକେନ୍ ଶେଷ ବ୍ୟକ୍ତି ବଂଚିଥିବା ଯାଏ ୱାସିଙ୍ଗ୍ଟନ୍ ଆମ ସହ ଏଭଳି ବିବାଦ କରିବ । ଖ୍ରୀଷ୍ଟମାସ ପାଇଁ ପୁଟିନ୍ ୟୁକେନ ସହ ଥିବା ପ୍ରକୃତ ସୀମାରେଖା ଅଂଚଳରେ ୩୬ ଘଂଟା ଯୁଦ୍ଧ ନ କରିବାକୁ ସେନାକୁ ନିର୍ଦ୍ଦେଶ ଦେଇଛନ୍ତି । ଋଷରେ ଜାନୁଆରୀ ୭ ତାରିଖରେ ଖ୍ରୀଷ୍ଟମାସ ପାଳନ କରାଯାଉଥିବା ବେଳେ ୟୁକ୍ରେନରେ ଡିସେମ୍ବର ୨୫ ତାରିଖରେ ଖ୍ରୀଷ୍ଟମାସ ପାଳନ କରାଯାଏ ।