କନକ ବ୍ୟୁରୋ: କେସିଆର ଲଞ୍ଚ କରିବେ ନ୍ୟାସନାଲ ପାର୍ଟି । ତେଲେଙ୍ଗାନାର ମୁଖ୍ୟମନ୍ତ୍ରୀ ତଥା ଟିଆରଏସର ନେତା କେ ଚନ୍ଦ୍ରଶେଖର ରାଓ ଖୁବଶୀଘ୍ର ଏକ ଜାତୀୟ ରାଜନୈତିକ ଦଳ ଗଠନ କରିବେ ବୋଲି ଘୋଷଣା କରିଛନ୍ତି । ତେବେ ବର୍ତ୍ତମାନ ପାର୍ଟିର ନୀତି ନିୟମ ବନେଇବା କାମ ଜାରି ରହିଛି ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କେସିଆରଙ୍କ କାର୍ଯ୍ୟାଳୟ ତରଫରୁ ମିଳିଥିବା ସୂଚନା ମୁତାବକ, ବିଭିନ୍ନ କ୍ଷେତ୍ରର ବୁଦ୍ଧିଜୀବୀ, ଅର୍ଥଶାସ୍ତ୍ରୀ ତଥା ବିଶେଷଜ୍ଞଙ୍କ ସହ ଲମ୍ବା ଚର୍ଚ୍ଚା ହୋଇଛି । ତେଲେଙ୍ଗାନା ଆନ୍ଦୋଳନବେଳେ ଯେଭଳି କରାଯାଇଥିଲା, ବର୍ତ୍ତମାନ ନୂଆ ଜାତୀୟ ରାଜନୈତିକ ଦଳ ଗଠନ ପାଇଁ ମଧ୍ୟ ସମସ୍ତଙ୍କ ସହ ବିଚାର ବିମର୍ଶ ଚାଲିଛି । ଖୁବଶୀଘ୍ର ଏକ ରାଷ୍ଟ୍ରୀୟ ରାଜନୈତିକ ପାର୍ଟିର ଗଠନ ହେବ ବୋଲି ସେ ସୂଚନା ଦେଇଛନ୍ତି ।
ତେବେ ରବିବାର ଦ୍ୱିପହରରେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚ ଡି କୁମାର ସ୍ୱାମୀ ହାଇଦ୍ରାବାଦରେ କେସିଆରଙ୍କୁ ଭେଟିଥିଲେ । ମିଳିଥିବା ସୂଚନା ମୁତାବକ ଦୁଇ ନେତାଙ୍କ ଭିତରେ ଜାତୀୟ ରାଜନୀତିକୁ ନେଇ ଚର୍ଚ୍ଚା ହେଇଛି । ଖାଲି ସେତିକି ନୁହେଁ, ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ସହିତ ମଧ୍ୟ କେସିଆର୍ ଭେଟଘାଟ୍ କରିଛନ୍ତି । ତେଣୁ ଆଗାମୀ ଦିନରେ କେସିଆର୍ ଦିଲ୍ଲୀ ରାଜନୀତିରେ ଏକ ବଡ ଭୂମିକା ଗ୍ରହଣ କରିପାରନ୍ତି ।
୨୦୨୪ ଲୋକସଭା ପାଇଁ ଏବେଠୁ ରାଜନୈତିକ ଅଙ୍କକଷା ଆରମ୍ଭ ହେଇସାରିଲାଣି । ଗୋଟିଏ ପଟେ ବିଜେପି ଥିବାବେଳେ, ଅନ୍ୟପଟେ ବିରୋଧୀମାନେ ଏକତ୍ରିତ ହେବା କଥା କହୁଛନ୍ତି । ହେଲେ କେସିଆରଙ୍କ ଏହି ନୂଆ ଜାତୀୟ ଦଳ ଗଠ. ବିରୋଧୀଙ୍କୁ ଏକଜୁଟ୍ କରୁଛି ନା ବିରୋଧୀଙ୍କ ଭିତରେ ଫାଟ ସୃଷ୍ଟି କରୁଛି ତାହା ଦେଖିବା ବାକି ରହିଲା ।