ଟ୍ରାକ୍ କରି ୟୁକ୍ରେନ୍ର ମିସାଇଲ ମାଡ଼, ଶତାଧିକ ଋଷ ଯବାନଙ୍କ ମୃତ୍ୟୁ !
କନକ ବ୍ୟୁରୋ : ଋଷ-ୟୁକ୍ରେନ୍ ଯୁଦ୍ଧ ପୁଣି ଥରେ ଭୟଙ୍କର ରୂପ ଧାରଣ କରିଛି । ଯୁଦ୍ଧ ପ୍ରଥମରୁ ଋଷ ସେନା ଯେପରି ଭାବେ ୟୁକ୍ରେନ ଉପରେ ଭାରି ପଡୁଥିଲା ଏବେ ତାର ବିପରିତ ସ୍ଥିତି ଦେଖିବାକୁ ମିଳିଛି । ଋଷ ସେନାକୁ ଟାର୍ଗେଟ କରି ମିଶାଇଲ ମାଡ ଜୋରଦାର କରିଛି ୟୁକ୍ରେନ୍ । ଆକ୍ରମଣରେ ୮୯ ଋଷ ଯବାନଙ୍କର ମୃତ୍ୟ ହୋଇଥିବା କୁହାଯାଉଛି । ଋଷ ଯବାନମାନେ ଧରୁଥିବା ମୋବାଇଲର ଲୋକେସନରୁ ସେମାନଙ୍କ ଗତିବିଧ ଲକ୍ଷ୍ୟ କରି ୟୁକ୍ରେନ ମିଶାଇଲ ମାଡ କରିଥିବା ଅଭିଯୋଗ ଆଣିଛି ଋଷ । ବାରଣ ସତ୍ୱେ ବେଆଇନ୍ ଭାବେ ମୋବାଇଲ ବ୍ୟବହାର କରୁଥିବାରୁ ସେନା କ୍ୟାମ୍ପକୁ ଟାର୍ଗେଟ କରି ୟୁକ୍ରେନ ଆକ୍ରମଣ କରିଥିବା କହିଛି ଋଷ ପ୍ରତିରକ୍ଷା ମନ୍ତ୍ରଣାଳୟ ।
Kanak News is now on WhatsApp
Join and get latest news updates delivered to you via WhatsApp
ୟୁକ୍ରେନର ପ୍ରମୁଖ ସହରରେ ଆକ୍ରମଣ ପରେ ସେଠାରେ ଭାଙ୍ଗିପଡିଥିବା ଟ୍ୟାଙ୍କ, ମିଲିଟାରୀ ବେସରେ ରହି ଭିଡିଓ ଉତୋଳନ କରିବା ସହ ଏହାକୁ ଟିକଟକ ଭଳି ସୋଶିଆଲ ମିଡିଆରେ ପୋଷ୍ଟ କରିଥିଲେ ଋଷର ଯବାନମାନେ । ଆଉ ଏହି ସୋଶିଆଲ ମିଡିଆରୁ ଋଷ ଯବାନଙ୍କ ବ୍ୟକ୍ତିଗତ ତଥ୍ୟ ହାସଲ କରିବା ସହ ସେମାନଙ୍କ ଲୋକସେନ୍ ଟ୍ରାକ୍ କରି ମିଶାଇଲ ମାଡ କରୁଛି ୟୁକ୍ରେନ । ପୂର୍ବ ୟୁକ୍ରେନର ଡୋନେସ୍କ ପ୍ରଦେଶର ରାଜଧାନୀ ମାକିଭିକାରେ ଥିବା ଏକ ଧନ୍ଦାମୁଳକ କଲେଜକୁ ଅସ୍ଥାୟୀ ବେସ ବନାଇ ରହୁଥିଲେ ଋଷ ଯବାନ । ଯାହା ମିଶାଇଲ ମାଡରେ ଛାରଖାର ହୋଇଯାଇଛି । ଏଥିରେ ୪୦୦ ଋଷ ଯବାନଙ୍କ ମୃତ୍ୟୁ ହୋଇଥିବା ଦାବି କରିଛି ୟୁକ୍ରେନ୍ ।
ମାକିଭିକାରେ ପ୍ରାଣ ହରାଇଥିବା ଯବାନଙ୍କ ପାଇଁ ଗୁରୁବାର ଋଷରେ ଏକ ଶ୍ରଦ୍ଧାଞ୍ଜଳୀ ସଭାର କରାଯାଇଛି । ତେବେ ପ୍ରଥମ ଥର ପାଇଁ ଏତେ ସଂଖ୍ୟକ ଯବାନଙ୍କ ମୃତ୍ୟୁ ହୋଇଥିବା ନେଇ ନେଇ ସ୍ୱୀକାର କରିଛି ରଷ । ଯାହା ୟୁକ୍ରେନର ବଡ ବିଜୟ ବୋଲି କୁହାଯାଉଛି ।