ପାକିସ୍ତାନରେ ଭୟଙ୍କର ଆର୍ଥିକ ସଙ୍କଟ, ମଲ ଓ ବଜାର ଶିଘ୍ର ବନ୍ଦ ରଖିବାକୁ ନିର୍ଦ୍ଦେଶ
କନକ ବ୍ୟୁରୋ: ଦେଶ ଭୟଙ୍କର ଆର୍ଥର୍କ ସଙ୍କଟର ସାମ୍ନାକୁ କରୁଥିବା ବେଳେ ଏଥିରୁ ମୁକୁଳିବା ପାଇଁ ଅଭିନବ ପନ୍ଥା ଆପଣାଇଛି ପଡୋସୀ ପାକିସ୍ତାନ । ଦେଶରେ ଥିବା ସବୁ ବଡ ବଡ ମଲ ଏବଂ ବଜାର ଶିଘ୍ର ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ପାକିସ୍ତାନ ସରକାର । ଏହାଦ୍ୱାରା ପ୍ରାୟ ୬୧ ବିଲିୟନ ପାକିସ୍ତାନ ଡଲାର , ଭାରତୀୟ ମୁଦ୍ର୍ରାରେ ପ୍ରାୟ ୨ ହଜାର ୨୫୭ କୋଟି ଟଙ୍କା ଖର୍ଚ୍ଚ ସଂଚୟ କରିବାକୁ ଲକ୍ଷ୍ୟ ରଖାଯାଇଥିବା କହିଛନ୍ତି ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖାୱାଜା ଅସିଫ । ପାକିସ୍ତାନରେ ଅଧିକାଂଶ ପାୱାର ପ୍ଲାଂଟ୍ ଆମଦାନୀ ହେଉଥିବା ଫୋସିଲ ଇନ୍ଧନରେ ଚାଲୁଛି । ଆଉ ଏବେ ଏହି ଇନ୍ଧନ ଦର ବଢୁଥିବାରୁ ପାକିସ୍ତାନ ଉପରେ ଚାପ ମଧ୍ୟ ବଢିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ଏଭଳି ଆର୍ଥିକ ଏବଂ ଶକ୍ତି ସଙ୍କଟ ସ୍ଥିତିରେ ଦେଶର ଗଚ୍ଛିତ ବୈଦେଶିକ ମୁଦ୍ରା ପାଣ୍ଠି ଚିନ୍ତାକୁ ଆହୁରୀ ବଢାଇ ଦେଇଛି । ଗତ ବର୍ଷ ପାକିସ୍ତାନର ବୈଦେଶିକ ମୂଦ୍ରା ପାଣ୍ଠି ୫୦ ପ୍ରତିଶତ ତଳକୁ ଖସିଥିଲା । ଏବେ ତାହା ମାତ୍ର ୧୧ ଦଶମିକ ୭ ବିଲିୟନ ଡଲାର ରହିଛି । ହିସାବ ମୁତାବକ, ପାକିସ୍ତାନ ତୁଳନାରେ ଭାରତର ୫୦ ଗୁଣା ଅର୍ଥାତ ୫ଶହ ୫୦ ବିଲିୟନ ଡଲାର ବୈଦେଶିକ ମୁଦ୍ରା ଗଚ୍ଛିତ ଅଛି । ଏଭଳି ଆର୍ଥିକ ସଙ୍କଟ ସମୟରେ ଦେଶରେ ଆସିଥିବା ବନ୍ୟା ବୋଝ ଉପରେ ନଳିତା ବିଡା ସଦୃଶ୍ୟ କାର୍ଯ୍ୟ କରୁଛି । ନିକଟ ଅତିତରେ ପାକିସ୍ତାନରେ ହୋଇଥିବା ପଳୟଙ୍କାରୀ ବନ୍ୟାରେ ଲକ୍ଷ ଲକ୍ଷ ପୀଡ଼ିତଙ୍କୁ କୌଣସି ସରକାରୀ ସହାୟତା ମିଳିନାହିଁ । ରନ୍ଧନ ଗ୍ୟାସର ଅଭାବ ଦେଖାଦେଇଥିବାରୁ ଲୋକଙ୍କୁ ବହୁ ଅସୁବିଧାର ସାମ୍ନା କରିବାକୁ ପଡୁଛି ।