ଶ୍ରୀମନ୍ଦିର ରାଜନଅରରେ ପାରମ୍ପରିକ ପୌଷପୂର୍ଣ୍ଣମୀ ପର୍ବ : ଗଜପତି ମହାରାଜଙ୍କ ମୁଦିରସ୍ତଙ୍କ ସମ୍ପର୍ଣ୍ଣ ହେଲା ଶାଢ଼ୀ ବନ୍ଧା ନୀତି
ଠାକୁର ରାଜାଙ୍କ ଅନୁପସ୍ଥିତିରେ ରଥରେ କରିବେ ଛେରା ପହଁରା
କନକ ବ୍ୟୁରୋ : ପୁରୀ ଶ୍ରୀମନ୍ଦିରରେ ରାଜନଅରରେ ଆଜି ପାଳିତ ହୋଇଛି ପୌଷପୂର୍ଣ୍ଣମୀ ଉତ୍ସବ । ପରମ୍ପରା ଅନୁସାରେ ଏହି ଦିନ ବର୍ଷଟିଏ ପାଇଁ ଗଜପତି ମହାରାଜ ମୁଦିରସ୍ତଙ୍କୁ ଚିହ୍ନଟ କରିଥାନ୍ତି । ଗଜପତି ମହରାଜଙ୍କ ପ୍ରତିନିଧି ଭାବରେ ମୁଦିରସ୍ତଙ୍କ ଶାଢ଼ୀ ବନ୍ଧା ନୀତି କରାଯାଏ । ଗଜପତିଙ୍କ ଅନୁପସ୍ଥିତିରେ ମୁଦିରସ୍ତ ମହାପ୍ରଭୁଙ୍କ ରଥରେ ଛେରା ପହଂରା ନୀତି ସମ୍ପର୍ଣ୍ଣ କରିଥାନ୍ତି । ଗଜପତି ମହାରାଜ ଦିବ୍ୟସିଂହ ଦେବଙ୍କ ଉପସ୍ଥିରେ ଏହି ଶାଢ଼ୀ ବନ୍ଧା ନୀତି ଓ ମୁଦିରସ୍ତ ଚୟନ ନୀତି ସମ୍ପର୍ଣ୍ଣ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମୁଦିରସ୍ତ ବା ମୁଦିରଥ ହେଉଛନ୍ତି ଶ୍ରୀମନ୍ଦିର ବହୁ ପୂର୍ବରୁ ଜଗନ୍ନାଥଙ୍କ ସେବାକରି ଆସୁଥିବା ପୁଷ୍ପାଳକ ପରିବାରର ଜଣେ ବାରବର୍ଷରୁ କମ ବୟସର ବାଳକ । ଗଜପତି ମହାରାଜ ନିଜେ ସେହି ବାଳକକୁ ମୁଦିରଥ ଭାବେ ମନୋନୀତ କରିଥାନ୍ତି । ଗଜପତି ମହାରାଜାଙ୍କ ଅନୁପସ୍ଥିତିରେ ତାଙ୍କର ପ୍ରତିନିଧି ରୂପେ ମୁଦିରଥ ଶ୍ରୀମନ୍ଦିରରେ ଗଜପତିଙ୍କ ଅନୁମତି କ୍ରମେ ସମସ୍ତ ସେବା କରିପାରିବେ । ମହାରାଣୀଙ୍କ ସହିତ ମୁଦିରଥ ଶ୍ରୀମନ୍ଦିରରେ ମହାରଣୀଙ୍କୁ ସେବା କାର୍ଯ୍ୟରେ ସାହାଯ୍ୟ କରିବା ବିଧି ଥିବାରୁ ତାଙ୍କୁ ନାବାଳକ ବୟସରେ ସେବକ ଭାବେ ନିଯୁକ୍ତ କରାଯାଏ । ପ୍ରତିବର୍ଷ ମୁଦିରଥ ସେବକଙ୍କୁ ନିଯୁକ୍ତ ଦିଆଯାଏ । ମୁଦିରଥ ପ୍ରତିବର୍ଷ ପୁଷ୍ୟାଭିଷେକରୁ ପୁଷ୍ୟାଭିଷେକ ପର୍ଯ୍ୟନ୍ତ ମାତ୍ର ଏକ ବର୍ଷ ପାଇଁ ନିଯୁକ୍ତ ପାଇଥାନ୍ତି । ଗଙ୍ଗବଂଶର ରାଜା ନରସିଂହ ଦେବଙ୍କ ସମୟରୁ ଏହି ମୁଦିରସ୍ତ ସେବକର ପରମ୍ପରା ଆରମ୍ଭ ହୋଇଥିଲା ।