ପ୍ୟାରିସରେ ପହଞ୍ଚିଲେ ପ୍ରଧାନମନ୍ତ୍ରୀ ମୋଦୀ । ଫ୍ରାନ୍ସ ପ୍ରଧାନମନ୍ତ୍ରୀ କଲେ ସ୍ୱାଗତ । ଜାଣନ୍ତୁ, କଣ ରହିଛି ପୂରା କାର୍ଯ୍ୟକ୍ରମ…
କନକ ବ୍ୟୁରୋ: ପ୍ୟାରିସରେ ପ୍ରଧାନମନ୍ତ୍ରୀ ମୋଦୀ । ଆଜି ବାୟୁସେନାର ସ୍ୱତନ୍ତ୍ର ବିମାନରେ ଯାଇ ଫ୍ରାନ୍ସରେ ପହଞ୍ଚିଛନ୍ତି ନରେନ୍ଦ୍ର ମୋଦୀ । ତେବେ ପ୍ରଧାନମନ୍ତ୍ରୀଙ୍କର ଏହା ଷଷ୍ଠ ଫ୍ରାନ୍ସ ଯାତ୍ରା । ପ୍ରଧାନମନ୍ତ୍ରୀ ପ୍ୟାରିସରେ ପହଞ୍ଚିବା ପରେ ଫ୍ରାନ୍ସ ପ୍ରଧାନମନ୍ତ୍ରୀ ଏଲିଜାବେଥ୍ ତାଙ୍କୁ ସ୍ୱାଗତ କରିଛନ୍ତି ।
ଫ୍ରାନ୍ସରେ ପ୍ରଧାନମନ୍ତ୍ରୀ ମୋଦୀ ପ୍ରଥମେ ଫ୍ରାନ୍ସ ପ୍ରଧାନମନ୍ତ୍ରୀଙ୍କୁ ଭେଟିବେ । ଏହାପରେ ସିନେଟର ଅଧ୍ୟକ୍ଷଙ୍କ ସହ କଥାବାର୍ତ୍ତା କରିବେ । ଏହାପରେ ଯାଇ ମୋଦୀ ଭାରତୀୟ ସମୁଦାୟର ଲୋକଙ୍କୁ ଭେଟିବା ସହିତ, ଏଲିସିୟନ ପ୍ୟାଲେସରେ ରାତ୍ରିଭୋଜନରେ ଯୋଗ ଦେବେ ।
Kanak News is now on WhatsApp
Join and get latest news updates delivered to you via WhatsApp
Atterri à Paris. Je me réjouis de pouvoir renforcer la coopération entre l’Inde et la France au cours de cette visite. Mes différents programmes comprennent une interaction avec la communauté indienne plus tard dans la soirée. pic.twitter.com/XM5j2xhEs6
— Narendra Modi (@narendramodi) July 13, 2023
ଭାରତୀୟ ସମୟ ମୁତାବକ, ମୋଦୀ ଆଜି ଅପରାହ୍ନ ୪ଟାରେ ଫ୍ରାନ୍ସରେ ପହଞ୍ଚିଛନ୍ତି । ଫ୍ରାନ୍ସରେ ପହଞ୍ଚିବା ପରେ ତାଙ୍କୁ ସ୍ୱାଗତ କରାଯାଇଛି । ଭାରତୀୟ ସମୟ ମୁତାବକ ସନ୍ଧ୍ୟା ସାଢେ ୭ଟାରେ ମୋଦୀ ସିନେଟରେ ପହଞ୍ଚିବେ । ସେଠାରେ ସେ ସିନେଟର ଅଧ୍ୟକ୍ଷ ଗେରାଡ୍ ଲାର୍ଚରଙ୍କୁ ସାକ୍ଷାତ କରିବେ । ରାତି ପ୍ରାୟ ୮ଟା ୪୫ ମିନିଟରେ ମୋଦୀ ଫ୍ରାନ୍ସ ପ୍ରଧାନମନ୍ତ୍ରୀଙ୍କ ସହ ବୈଠକ କରିବେ । ଏହପରେ ମୋଦୀ ମୋଦୀ ଲା ସିନ୍ ମ୍ୟୁଜିକାଲ କଳାକେନ୍ଦ୍ରରେ ଭାରତୀୟ ସମୁଦାୟଙ୍କ ଆଗରେ ଅଭିଭାଷଣ ରଖିବେ । ତେବେ ରାତ୍ରି ପ୍ରାୟ ସାଢେ ୧୨ଟା ସମୟରେ ମୋଦୀ ଫ୍ରାନ୍ସ ରାଷ୍ଟ୍ରପତିଙ୍କ ଦ୍ୱାରା ଆୟୋଜିତ ଏକ ରାତ୍ରି ଭୋଜନରେ ଭାଗନେବେ ବୋଲି ଜଣାପଡିଛି ।
#WATCH | PM Narendra Modi arrives in Paris, France; received by French PM Élisabeth Borne
PM Modi has been invited as the Guest of Honour at the Bastille Day Parade at the invitation of French President Emmanuel Macron. pic.twitter.com/mPY3qAm6vo
— ANI (@ANI) July 13, 2023
ମୋଦୀଙ୍କର ଏହି ଫ୍ରାନ୍ସ ଗସ୍ତ ସମୟରେ ସେ ବାଷ୍ଟିଲ୍ ଡେ ପାରେଡରେ ଭାଗନେବେ । ଯେଉଁଥିରେ ସ୍ୱତନ୍ତ୍ର ଅତିଥି ଭାବେ ତାଙ୍କୁ ନିମନ୍ତ୍ରଣ କରାଯାଇଛି । ଏଥର ବାଷ୍ଟିଲ ଡେ ପରେଡରେ, ପିଏମ୍ ମୋଦୀ ଏକମାତ୍ର ଗଣମାନ୍ୟ ବ୍ୟକ୍ତି ଭାବେ ଯୋଗଦେବେ । ସୂଚନା ମୁତାବକ, ଏହି ଯାତ୍ରା ଏପରି ସମୟରେ ହେଉଛି ଯେତେବେଳେ ଭାରତ-ଫ୍ରାନ୍ସ ଦ୍ୱି-ପାକ୍ଷିକ ସମ୍ପର୍କକୁ ୨୫ ବର୍ଷ ପୂରିବାକୁ ଯାଉଛି । ଏହି ଗସ୍ତ ସମୟରେ ଭାରତର ପ୍ରତିରକ୍ଷାକୁ ନେଇ ମଧ୍ୟ ଦୁଇ ରାଷ୍ଟ୍ରମୁଖ୍ୟଙ୍କ ଭିତରେ ଅନେକ ଚୁକ୍ତି ସ୍ୱାକ୍ଷର ହେଇପାରେ ।