ସହିଦଙ୍କ ପରିବାର ପାଇଁ ଟଙ୍କାବର୍ଷା ! କଳାକାରଙ୍କ ସଙ୍ଗୀତ ପରିବେଷଣ ବେଳେ ସହିଦଙ୍କ ପରିବାରଙ୍କ ସହାୟତା ପାଇଁ ଟଙ୍କା ଉଡାଇଲେ ଲୋକେ ।
ପୁଲୱାମା ଆତ୍ମଘାତୀ ଆକ୍ରମଣରେ ଭାରତ ଦେଶର ବୀର ୪୦ ରୁ ଅଧିକ ଯବାନଙ୍କୁ ହରାଇଛି । ଭାରତୀୟଙ୍କ ମନରେ କ୍ରୋଧ ଏବଂ ଆକ୍ରୋଶର ନିଆଁ ଜଳୁଛି । ସହିଦ୍ ଯବାନଙ୍କ ପରିବାରକୁ ଆର୍ଥୀକ ସହାୟତା ଯୋଗାଇ ଦେବା ପାଇଁ ଲୋକଙ୍କ ଚାରିଆଡୁ ସାହାଯ୍ୟର ହାତ ବଢୁଛି । ତେବେ ସେଲେବ୍ରିଟିଙ୍କ ଠାରୁ ଆରମ୍ଭ କରି ସାଧାରଣ ଜନତା ମଧ୍ୟ ସହିଦ୍ ପରିବାରଙ୍କୁ ଆର୍ଥୀକ ସାହାଯ୍ୟର ହାତ ବଢାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁଲୱାମା ସହିଦଙ୍କ ପରିବାରକୁ ସହାୟତା ପାଇଁ ପାଣ୍ଠି ଯୋଗାଡ କରିବାକୁ ଗୁଜୁରାଟ ସୁରଟରେ ଆୟୋଜିତ ହୋଇଛି ଭଜନ ସମାରୋହ । ଏହି ଅବସରରେ ଦର୍ଶକମାନେ ଲୋକଗୀତ କଣ୍ଠଶିଳ୍ପୀଙ୍କ ଉପରେ ଟଙ୍କାର ବର୍ଷା କରିଛନ୍ତିି । ସହିଦଙ୍କ ପରିବାରକୁ ଆର୍ଥିକ ସହାୟତା ଦେବା ପାଇଁ ଲୋକମାନେ ସ୍ୱତଃଫୁର୍ତ ଭାବେ ଟଙ୍କା ବର୍ଷା କରିଛନ୍ତି । ଗତରାତିରେ ଏହି ଆୟୋଜନ କରାଯାଇଥିଲା । ଗୁଜୁରାଟ, ରାଜସ୍ଥାନ ଓ ପଞ୍ଜାବରେ ବିଭିନ୍ନ ସମୟରେ ଲୋକଗୀତ କାର୍ଯ୍ୟକ୍ରମ ଆୟୋଜନ ସମୟରେ ଏହିଭଳି ଟଙ୍କା ବର୍ଷା ହୋଇଥାଏ । କିନ୍ତୁ ସହିଦଙ୍କ ପାଇଁ ପାଣ୍ଠି ଯୋଗାଡ କରିବାକୁ ଏହା ପ୍ରଥମ ଥର ପାଇଁ ଆୟୋଜନ କରାଯାଇଛି ।