ସାଂପ୍ରଦାୟିକ ହିଂସା ନେଇ ପ୍ରଧାନମନ୍ତ୍ରୀ ମୋଦୀଙ୍କ ନିରବତା ଉପରେ ପ୍ରଶ୍ନ ଉଠାଇଲେ ବିରୋଧୀ, ଜାଣନ୍ତୁ ମିଳିତ ଭାବେ କଣ ଦେଲେ ବୟାନ
କନକ ବ୍ୟୁରୋ : ଦେଶରେ ଗୋଟିଏ ପଟେ ମହଙ୍ଗାମାଡ ସାଧାରଣ ଲୋକଙ୍କ ଅଣ୍ଟା ଭାଙ୍ଗି ଦେଇଛି । ଇନ୍ଧନ ଠାରୁ ଆରମ୍ଭ କରି ଖାଦ୍ୟ ସାମଗ୍ରୀର ଦର ଅଚାନକ ଆକାଶ ଛୁଆଁ ହେବାରେ ଲାଗିଛି । ଏନେଇ ନା ପ୍ରଧାନମନ୍ତ୍ରୀ ନା ବିଭାଗୀୟ ମନ୍ତ୍ରୀ କେହି ବି ସନ୍ତୋଷଜନକ ଉତ୍ତର ଦେବାରେ ବିଫଳ ହୋଇଛନ୍ତି । ସେପଟେ ଏସବୁ ଭିତରେ ଆଉଏକ ବଡ ଘଟଣା ହେଉଛି କିଛିଦିନ ହେବ କିଛି ରାଜ୍ୟରେ ଧର୍ମ ନାମରେ ହିଂସା ଓ ଅରାଜକତା ଦେଖିବାକୁ ମିଳିଛି । କେଉଁଠି ମନ୍ଦିର ଭଙ୍ଗା ହେଉଛି ତ କେଉଁଠି ମସଜିଦ ଉପରେ ହିନ୍ଦୁ ଧର୍ମର ପତାକା ଲଗାଯାଉଛି । କେଉଁଠି ଆମିଷ ଖାଇବାକୁ ନେଇ ଦଙ୍ଗା ହେଉଛି ତ କେଉଁଠି ପ୍ରାର୍ଥନା ଓ ନମାଜ ପଢିବାକୁ ନେଇ ହିଂସା ଦେଖିବାକୁ ମିଳୁଛି । ଏସବୁ ଭିତରେ କିନ୍ତୁ ପ୍ରଧାନମନ୍ତ୍ରୀ ନିରବତା ଅବଲମ୍ବନ କରିଛନ୍ତି । ନା ଦରବୃଦ୍ଧିକୁ ନେଇ ନା ସାଂପ୍ରଦାୟିକ ଦଙ୍ଗାକୁ ନେଇ କିଛି ବି କହିବାକୁ ପ୍ରସ୍ତୁତ ନୁହଁନ୍ତି ପ୍ରଧାନମନ୍ତ୍ରୀ । ଏସବୁ ଭିତରେ ଆଜି ଦେଶର ଅନେକ ବିରୋଧୀ ଦଳ ମିଳିତ ଭାବେ ଏକ ବୟାନ ଜାରି କରିଛନ୍ତି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ, ଏନସିପି ମୁଖ୍ୟ ଶରଦ ପାୱାର, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାର୍ଲିନ, ବିହାର ବିରୋଧୀଦଳ ନେତା ତେଜସ୍ୱୀ ଯାଦବ ଓ ଅନ୍ୟ ବିରୋଧୀଦଳର ନେତାମାନେ ଲୋକମାନଙ୍କୁ ଶାନ୍ତି ବଜାୟ ରଖିବାକୁ ଅନୁରୋଧ କରିବା ସହ ସାଂପ୍ରଦାୟିକ ହିଂସା କରୁଥିବା ଅପରାଧୀଙ୍କୁ କଠୋର ଦଣ୍ଡରେ ଦଣ୍ଡିତ କରିବାକୁ ସରକାରଙ୍କ ଠାରେ ଅନୁରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସଂଯୁକ୍ତ ବିରୋଧୀଦଳ ପକ୍ଷରୁ ଜାରି କରାଯାଇଥିବା ବୟାନରେ କୁହାଯାଇଛି କି, ଖାଦ୍ୟପାନୀୟ, ପୋଷାକ, ବିଶ୍ୱାସ ଓ ପର୍ବପର୍ବାଣୀକଚ ନେଇ ସମାଜରେ ଲୋକମାନଙ୍କୁ ଭାଗ ଭାଗ କରିବାକୁ ଚେଷ୍ଟା କରାଯାଉଛି । ଏହାକୁ ନେଇ ବିରୋଧୀ ଚିନ୍ତା ପ୍ରକଟ କରିବା ସହ ଏହା ପଛରେ ରହିଥିବା ଅପରାଧିକ ତତ୍ତ୍ୱଙ୍କୁ ତୁରନ୍ତ କଠୋରେ ଦଣ୍ଡରେ ଦଣ୍ଡିତ କରିବାକୁ ସରକାରଙ୍କ ଠାରେ ଦାବି କରାଯାଇଛି ।
Opposition leaders including Sonia Gandhi, Sharad Pawar, Mamata Banerjee, MK Stalin, Hemant Soren, Tejashwi Yadav and others issue joint appeals to people to maintain peace and harmony and demand stringent punishment for perpetrators of communal violence pic.twitter.com/o4AnWlR9Gy
— ANI (@ANI) April 16, 2022
ଏହି ବୟାନରେ କୁହାଯାଇଛି କି, ଏବେ ଦେଶର ଅନେକ ରାଜ୍ୟରେ ସାଂପ୍ରଦାୟିକ ହିଂସା ଦେଖିବାକୁ ମିଳିଛି । ହେଲେ ଏନେଇ ପ୍ରଧାନମନ୍ତ୍ରୀ ଚୁପ ରହୁଥିବାରୁ ଏହାର କାରଣ ପଚାରିଛନ୍ତି ବିରୋଧୀ