ଜିଓ ଆଣିଲା ଏମିତି ଅଫର, ଏତେ ଟଙ୍କାରେ ରିଚାର୍ଜ କଲେ ମାଗଣା ମିଳିବ ଫୋନ
କନକ ବ୍ୟୁରୋ : ଦେଶର ସର୍ବ ବୃହତ ୪ଜି ଟେଲିକମ୍ କମ୍ପାନୀ ଜିଓ ସର୍ବଦା ତାର ଗ୍ରାହକମାନଙ୍କ ପାଇଁ ଆକର୍ଷଣୀୟ ଅଫର ଦେଇଥାଏ । କମ ଦାମରେ ପ୍ରିପେଡ ପ୍ଲାନ ଠାରୁ ଆରମ୍ଭ କରି ଦୀର୍ଘକାଳୀନ ଭେଲିଡିଟି ପ୍ଲାନରେ ସବୁଠୁ ଆଗରେ ଜିଓ । ଏବେ ଜିଓ ଏମିତି ଏକ ରିଚାର୍ଜ ପ୍ଲାନ ଆଣିଛି ଯାହା ମାଧ୍ୟମରେ ଆପଣ ରିଚାର୍ଜ କଲେ ଆପଣଙ୍କୁ ମାଗଣାରେ ଏକ ୪ଜି ଫୋନ ମିଳିବ । ଏହି ଅଫର କେବଳ ଜିଓ ଫୋନ ବ୍ୟବହାରକାରୀଙ୍କ ପାଇଁ ଆଣିଛି କମ୍ପାନୀ ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣଙ୍କୁ ସ୍ମାର୍ଟଫୋନ ସହିତ ଜଡିତ ଆବଶ୍ୟକତା କମ ରହିଛି, ତେବେ ଏହି ଅଫର ଆପଣଙ୍କ ପାଇଁ ବେଶ ଲାଭବାନ । ଏବେ ଜିଓ ତରଫରୁ ଏକ ଏଭଳି ପ୍ଲାନ ଅଣାଯାଇଛି କି, ଯାହାଦ୍ୱାରା ଆପଣ ଥରେ ରିଚାର୍ଜ କଲେ ୨ ବର୍ଷ ପର୍ଯ୍ୟନ୍ତ ଅନଲିମିଟେଡ କଲିଂର ସୁବିଧା ପାଇବା ସହ ଏକ ଜିଓ ଫୋନ ମଧ୍ୟ ମାଗଣାରେ ପାଇପାରିବେ ।
ଏହି ଅଫର କ୍ରମରେ ଯଦି ଆପଣ ଜିଓ ଫୋନ ଉପଭୋକ୍ତା ତେବେ ଆପଣ ୧୯୯୯ ଟଙ୍କାରେ ରିଚାର୍ଜ କଲେ ଆପଣଙ୍କୁ ମାଗଣାରେ ଏକ ଜିଓ ଫୋନ ମିଳିବ । ଏହାସହ ଆପଣ ସେହି ୧୯୯୯ ଟଙ୍କାରେ ୨ ବର୍ଷ ପର୍ଯ୍ୟନ୍ତ ଅସିମୀତ ଭଏସ କଲ ବି କରିପାରିବେ । ହେଲେ ଏହି ରିଚାର୍ଜ ଉପରେ ଆପଣଙ୍କୁ କମ ଡାଟା ମିଳିବ । ଅର୍ଥାତ ଆପଣଙ୍କୁ ୨ ବର୍ଷରେ ମାତ୍ର ୪୮ ଜିବି ଡାଟା ମିଳିବ ।
ଅନ୍ୟପଟେ ଏହି ପ୍ଲାନରେ ଯଦି ଆପଣ ୧୪୯୯ ଟଙ୍କା ରିଚାର୍ଜ କରୁଛନ୍ତି ତେବେ ଆପଣଙ୍କୁ ଗୋଟିଏ ବର୍ଷ ପାଇଁ ଅସିମୀତ କଲର ସୁବିଧା ସହ ୨୪ ଜିବି ଡାଟା ମିଳିବ ।