ୟୁକ୍ରେନ ସହ ଯୁଦ୍ଧ ମଧ୍ୟରେ ଉତ୍ତରକୋରିଆଠାରୁ ଯୁଦ୍ଧାସ୍ତ୍ର କିଣିବ ଋଷ । ପୁତିନଙ୍କୁ ଭେଟିବାକୁ ମସ୍କୋ ଯିବେ କିମ ଜୋଙ୍ଗ
କନକ ବ୍ୟୁରୋ : ଉତ୍ତରକୋରିଆ ରାଷ୍ଟ୍ରପତି କିମ ଜୋଙ୍ଗ ଉନ୍ ଋଷ ରାଷ୍ଟ୍ରପତି ଭ୍ଲାଦିମିର ପୁତିନଙ୍କୁ ଭେଟିବାକୁ ମସ୍କୋ ଯାଇପାରନ୍ତି । ଦୁଇ ରାଷ୍ଟ୍ର ମୁଖ୍ୟଙ୍କ ମଧ୍ୟରେ ଯୁଦ୍ଧାସ୍ତ୍ର କିଣାକୁ ନେଇ ବଡ ଡିଲ୍ ହୋଇପାରେ ବୋଲି ଆମେରିକା ଅଧିକାରୀ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି ଯେ, କିମ୍ ଜୋଙ୍ଗ ଚଳିତ ମାସରେ ଋଷ ଗସ୍ତ କରିପାରନ୍ତି । ଯଦିଓ ଦୁହିଁଙ୍କ ମଧ୍ୟରେ ବୈଠକ କେଉଁଠି ହେବ ସେ ନେଇ କୌଣସି ନିର୍ଦ୍ଦିଷ୍ଟ ସୂଚନା ନାହିଁ କିନ୍ତୁ ଏହା ବନ୍ଦର ସହର ବ୍ଲାଦିବୋସ୍ତୋକଠାରେ ହେବ ବୋଲି ଆଶା କରାଯାଉଛି । ଆମେରିକା ଏଜେନ୍ସିର ସୂଚନା ମୁତାବକ, ରାଷ୍ଟ୍ରୀୟ ସୁରକ୍ଷା ପରିଷଦର ମୁଖପାତ୍ର ଏଡ୍ରିଏନ୍ ଓି୍ୱଟସନ ସୋମବାର ସୂଚନା ଦେଇଛନ୍ତି ଯେ, ଋଷ ରକ୍ଷାମନ୍ତ୍ରୀ ସର୍ଗେଇ ଶୋଇଗୁ ନିକଟରେ ଉତ୍ତରକୋରିଆ ଯାଇ ଗୋଳବାରୁଦ ଡିଲ୍ ପାଇଁ କିମ ଜୋଙ୍ଗଙ୍କୁ ମନାଇବାକୁ ଚେଷ୍ଟା କରିଥିଲେ ।