ହିମାଚଳ ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ଝଟକା, ରାଜ୍ୟ ସଂଚାଳନ ସମିତି ଅଧ୍ୟକ୍ଷ ପଦ ଛାଡିଲେ ଆନନ୍ଦ ଶର୍ମା
କନକ ବ୍ୟୁରୋ : ହିମାଚଳ ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ପୁଣି କଂଗ୍ରେସକୁ ଝଟକା ଦେଇଛନ୍ତି ଆନନ୍ଦ ଶର୍ମା । ରବିବାର ଦିନ ସେ ପାର୍ଟିର ସଞ୍ଚାଳନ ସମିତି ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି । ଏନେଇ ସେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ଚିଠି ଲେଖିଛନ୍ତି । ଚିଠି ମାଧ୍ୟମରେ ସେ ଜଣାଇଛନ୍ତି କି ଦଳ ତରଫରୁ ତାଙ୍କୁ ଅଣଦେଖା କରାଯାଉଛି । ହିମାଚଳ ପ୍ରଦେଶରେ ହେବାକୁ ଥିବା ନିର୍ବାଚନରେ ଦଳ ତରଫରୁ ନିଆଯାଉଥିବା ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ତାଙ୍କ ମତ ଗ୍ରହଣ କରାଯାଉ ନଥିବା ଅଭିଯୋଗ କରି ସେ ଇସ୍ତଫା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଜି-୨୩ ନେତାମାନନଙ୍କ ମଧ୍ୟରେ ସାମିଲ ଥିବା ଗୁଲାମନବୀ ଆଜାଦ ବି ଜମ୍ମୁ-କାଶ୍ମୀର ଅଭିଯାନ ସମିତି ଅଧ୍ୟକ୍ଷ ପଦରୁ ଇସ୍ତଫା ଦେବାର କିଛିଦିନ ଆଜି ଆନନ୍ଦ ଶର୍ମା ବି ତାଙ୍କ ପଦରୁ ଇସ୍ତଫା ଦେଇଛନ୍ତି । ଆନନ୍ଦ ଶର୍ମା ସୋନିଆ ଗାନ୍ଧୀଙ୍କ ଲେଖିଥିବା ଚିଠିରେ ଉଲ୍ଲେଖ କରିଛନ୍ତି କି, ପରାମର୍ଶ ପ୍ରକ୍ରିୟାରେ ତାଙ୍କୁ ଅଣଦେଖା କରାଯାଉଛି । ହେଲେ ଏବେ ବି ସେ ରାଜ୍ୟର ଆଶାୟୀ ପ୍ରାର୍ଥୀଙ୍କ ପାଇଁ ପ୍ରଚାର ଅଭିଯାନ ଜାରି ରଖିବେ ବୋଲି ସ୍ପଷ୍ଟ କରିଛନ୍ତି । ଆନନ୍ଦ ଶର୍ମା ୨୦୨୨ ଏପ୍ରିଲ ମାସରେ ଦଳର ଷ୍ଟିୟରିଙ୍ଗ କମିଟିର ଅଧ୍ୟକ୍ଷ ଭାବେ ନିଯୁକ୍ତ ହୋଇଥିଲେ ।
Congress leader Anand Sharma in a letter to party’s interim President Sonia Gandhi, resigns from the post of chairman of Steering Committee for Himachal assembly polls. However, Sharma has assured he will participate in campaigns for the Congress candidates
(File photo) pic.twitter.com/ZLyYN6Q8kC
— ANI (@ANI) August 21, 2022
କହିରଖୁ କି ଆନନ୍ଦ ଶର୍ମାଙ୍କୁ ହିମାଚଳ ପ୍ରଦେଶ କଂଗ୍ରେସର ଜଣେ ବଡ ନେତା ଭାବେ ଗଣତି କରାଯାଏ । ଏହାସହ ଗୁଲାମନବୀ ଆଜାଦ ଓ ଆନନ୍ଦ ଶର୍ମା ଜି-୨୩ ଗ୍ରୁପର ପ୍ରମୁଖ ନେତା ଥିଲେ । ଯେଉଁମାନେ କି ପାର୍ଟି ନେତୃତ୍ୱଙ୍କ ନିଷ୍ପତ୍ତିକୁ ସମାଲୋଚନା କରୁଥିଲେ ।