ଧରାପୃଷ୍ଠକୁ ବିରାଜିବେ ମା’ ଦଶଭୂଜା : ରାତି ପାହିଲେ ଆରମ୍ଭ ହେବ ମା’ଙ୍କ ଷଷ୍ଠୀ ପୂଜା ନ୍ୟୁଜ୍ By Pranjna Parimita Behera On Oct 4, 2019 - 4:25 PM Last updated Oct 4, 2019 - 4:33 PM http://www.bssnews.net/ 427 Share କନକ ବ୍ୟୁରୋ : ରାତି ପାହିଲେ ଆରମ୍ଭ ହେବ ମା’ଙ୍କ ଷଷ୍ଠୀ ପୂଜା । ମଣ୍ଡପରେ ମା ଜଗଦାତ୍ରୀଙ୍କୁ ପୂଜାର୍ଚ୍ଚନା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ ପହଂଚିଛି । ମା’ଙ୍କର ଆଗମନ ପାଇଁ ସଜେଇ ହୋଇଛି ପୁରପଲ୍ଲୀ । ଦୁର୍ଗାଙ୍କ ଆବାହନ ଲାଗି ପ୍ରସ୍ତୁତ ହୋଇଛନ୍ତି ପୂଜା କମିଟି । ଷଷ୍ଠୀଠାରୁ ହିଁ ଆରମ୍ଭ ହୋଇଯିବ ମା’ଙ୍କର ଆରଧାନା । ସପ୍ତମୀ, ମହାଅଷ୍ଟମୀର ସନ୍ଧିପୂଜା, ନବମୀ ପୂଜା ଓ ଦଶହରାରେ ବ୍ରାହ୍ମଣ ସେବାୟତ ମା’ଙ୍କୁ କରିବେ ଆରଧାନା । କେବଳ ପୂଜାମଣ୍ଡପରେ ନୁହେଁ ଘରେ ଘରେ ମଧ୍ୟ ମା’ଙ୍କୁ ଅନେକ କରନ୍ତି ଅର୍ଚ୍ଚନା । ଦୁର୍ଗାପୂଜା ଲାଗି ସାରା ରାଜ୍ୟରେ ପ୍ରସିଦ୍ଧ ଲାଭ କରିଛି କଟକ ସହର । Kanak News is now on WhatsApp Join and get latest news updates delivered to you via WhatsApp Join Now ଚାନ୍ଦି ଓ ସୁନା ମେଢରେ ଝଲସିଉଠିବ ମା’ଙ୍କର ମୁଣ୍ମୟୀ ମୂର୍ତ୍ତୀ । ଦେବୀଙ୍କ ଆଶିଶ ଲାଭ କରିବେ ଶ୍ରଦ୍ଧାଳୁ । ଦୁର୍ଗାପୂଜା ଲାଗି ସାରା ରାଜ୍ୟରେ ପ୍ରସିଦ୍ଧ ଲାଭ କରିଛି କଟକ ସହର । କେବଳ ଯେ, କଟକ ସହର ତାହା ନୁହେଁ ରାଜ୍ୟର ଅନେକ ସହର ତଥା ରାଜଧାନୀ ଭୁବନେଶ୍ୱର, ରାଉରକେଲା, ପୁରୀ, ବାଲେଶ୍ୱର, ଯାଜପୁର ଆଦି ଅନେକ ସହରରେ ବେଶ ଯାକଜମକରେ ପୂଜା କରିବା ପାଇଁ ଚାଲିଛି ପ୍ରସ୍ତୁତି । ପୂଜାମଣ୍ଡପ ସହ ବିଭିନ୍ନ ଦେବୀ ପୀଠରେ ବି ମା’ଙ୍କର ଚାଲିଛି ଷୋଡଶ ଉପଚାର ପୂଜା । ଯାଜପୁରର ମା’ବିରଜା, ଝଂକଡର ମା’ ଶାରଳା, କାକଟପୁରର ମା’ ମଙ୍ଗଳା, ବାଙ୍କୀର ମା’ ଚର୍ଚ୍ଚକା, ବାଣପୁରର ଭଗବତୀ, ପୁରୀର ମା’ ବିମଳା, ଘଟଗାଁର ମା’ ତାରିଣୀ ଓ ସମ୍ବଲପୁରର ମା’ ସମଲେଶ୍ୱରୀ ପୀଠରେ ବି ଚାଲିଛି ଷୋଡଶ ଉପଚାର ପୂଜା । କହିବାକୁ ଗଲେ ପାର୍ବଣ ଋତୁରେ ସାରା ରାଜ୍ୟ ଉତ୍ସବ ମୁଖର ହୋଇଉଠିଛି । ଚଳିତଥର ପାଗ ଭଲ ଥିବାରୁ ପୂଜା ବଜାର ବେଶ ଜମିବ ବୋଲି ଆଶା ରଖିଛନ୍ତି ବିଭିନ୍ନ ପୂଜା କମିଟି । 427 Share FacebookTwitterGoogle+WhatsAppTelegramEmailPrint