ଜୀବନ ନେଲା ଯୌତୁକ ରାକ୍ଷସ : ପ୍ରେମ ବିବାହର ୨ ମାସ ପରେ ଆତ୍ମହତ୍ୟା କଲେ ଦମ୍ପତି
କନକ ବ୍ୟୁରୋ : ଯୌତୁକକୁ ନେଇ ଝଗଡ଼ା ହେବାପରେ ନବବିବାହିତ ଦମ୍ପତିଙ୍କ ଆତ୍ମହତ୍ୟା । ଖୋର୍ଦ୍ଧା ଜିଲ୍ଲା ଅନ୍ତର୍ଗତ ଚିଲିକା ବ୍ଲକର ଅଂଚଳରେ ସାନ ନଇରି ଗ୍ରାମରେ ଜଣେ ନବ ଦମ୍ପତିଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ମିଳିଥିବା ସୂଚନା ଅନୁଯାୟୀ ବାଣପୁର ଥାନା ଚିଲିକା ବ୍ଲକ ଅନ୍ତର୍ଗତ ସାନ ନଇରି ଗାମର ସ୍ବର୍ଗତ ସନାତନ ସାହୁ(୨୨) ପୁରୀ ଜିଲ୍ଲା ଅନ୍ତର୍ଗତ କଣାସ ଥାନାର ବସନ୍ତପୁରର ବାଆଜୀ ଜେନାଙ୍କ ଝିଅ ଶିବାନୀଙ୍କୁ ଦୁଇ ମାସ ତଳେ ପ୍ରେମ ବିବାହ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଉଭୟ ସ୍ବାମୀ-ସ୍ତ୍ରୀଙ୍କ ମଧ୍ୟରେ ଯୌତୁକକୁ ନେଇ ଝଗଡ଼ା ହୋଇଥିଲା । କିଛି ସମୟପରେ ସନାତନ ଘରୁ ବାହାରି ଚାଲିଯାଇଥିଲେ । ଏହି ସମୟରେ ରାତି ପ୍ରାୟ ୧ଟା ବେଳକୁ ରାଗିଯାଇ ଶିବାନୀ ବେକରେ ଦଉଡ଼ି ଦେଇ ଆତ୍ମହତ୍ୟା କରିଥିଲେ । ଘରକୁ ଫେରିବାପରେ ସନାତନ ଦେଖିଲେ ଶିବାନୀ ବେକରେ ଦଉଡ଼ି ଦେଇ ଆତ୍ମହତ୍ୟା କରିଛନ୍ତି ।