ରସୁଲଗଡ ଛକରେ ବନ୍ଧୁକ ଦେଖାଇ ଆତଙ୍କ ଖେଳାଇଲେ ନକଲି ସାମ୍ବାଦିକ : କାବୁ କରି ନିସ୍ତୁକ ଛେଚିବା ପରେ ବନ୍ଧୁକ ସହ ପୋଲିସରେ ଜିମା ଦେଲେ ସ୍ଥାନୀୟ ଲୋକ
କନକ ବ୍ୟୁରୋ : ବନ୍ଧୁକ ଦେଖାଇଲେ ଛେଚା ଖାଇଲେ ଯୁବକ । ଏଭଳି ଅଭାବନୀୟ ଘଟଣା ଘଟିଛି ରସୁଲଗଡ ଛକରେ । ଯୁବକ ଜଣଙ୍କ ବନ୍ଧୁକ ଦେଖାଇ ଛକରେ କିଛି ସମୟ ପାଇଁ ଆତଙ୍କ ଖେଳାଇଥିଲେ । ତାପରେ ସମ୍ପୃକ୍ତ ଯୁବକଙ୍କୁ କାବୁ କରି ନିସ୍ତୁକ ଛେଚିଥିଲେ ସ୍ଥାନୀୟ ଲୋକେ । ତାପରେ ବନ୍ଧୁକ ସହ ସେହି ଯୁବକଙ୍କୁ ପୋଲିସରେ ଜିମା ଦେଇଛନ୍ତି ସ୍ଥାନୀୟ ଲୋକେ । ତେବେ ମାଡ ଖାଇବା ପରେ ଯୁବକ ଜଣଙ୍କ ନିଜକୁ ସାମ୍ବାଦିକ ବୋଲି ପରିଚୟ ଦେଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ପ୍ରଦ୍ୟୁମ୍ନ କୁମାର ଶ୍ରୀଚନ୍ଦନ ରାୟ ନାମକ ଜଣେ ବ୍ୟକ୍ତି ଆମ୍ବୁଲାନ୍ସ ପାଇଁ ବାଟ ଦେଖାଉଥିବା ବେଳେ ଭୁଲବଶତଃ ଗାଡ଼ିକୁ ରାସ୍ତାରେ ପାର୍କ କରିଦେଇଥିଲେ । ଆଉ ଏଥିପାଇଁ ଅଭିଯୁକ୍ତ ଯୁବକ ପ୍ରଦ୍ୟୁମ୍ନଙ୍କ ସହ ଯୁକ୍ତି ଆରମ୍ଭ କରିଦେଇଥିଲେ । ତୁରନ୍ତ ରାସ୍ତାରୁ ଗାଡ଼ି କାଢ଼ିବା ପାଇଁ ବନ୍ଧୁକ ଦେଖାଇ ଧମକାଇଥିଲେ । ଏପରି ଘଟଣା ଦେଖି ଦେଖଣାହାରୀ ଘଟଣାସ୍ଥଳରେ ଘଡ଼ିଏ ଅଟକି ଯାଇଥିଲେ । ତେବେ ରୁଣ୍ଡ ହୋଇଥିବା ଲୋକଙ୍କ ମୁଣ୍ଡରେ ମଧ୍ୟ ବନ୍ଧୁକ ରଖି ଆତଙ୍କିତ କରବାକୁ ଚେଷ୍ଟା କରିଥିଲେ ନକଲି ସାମ୍ବାଦିକ ।
ତେବେ ଏକାଧିକ ଲୋକ ଠୁଳ ହେବାରୁ ଅଭିଯୁକ୍ତ ଜଣକ ବନ୍ଧୁକ ଲୁଚାଇବାକୁ ଚେଷ୍ଟା କରିଥିଲା । ତେବେ ସ୍ଥାନୀୟ ବାସୀ ଅଭିଯୁକ୍ତଙ୍କୁ ମାଡ଼ ମାରି କାବୁ କରିବା ସହ ପୋଲିସର ଜିମା ଦେଇଥିଲେ ।