ଅଷ୍ଟ୍ରେଲିଆ କ୍ରିକେଟର କମିନ୍ସଙ୍କ ମା’ଙ୍କ ଦେହାନ୍ତ । ଶୋକପ୍ରକାଶ କଲେ ସାଥୀ ଖେଳାଳୀ, ବୋର୍ଡ ଜଣାଇଲା ଶ୍ରଦ୍ଧାଞ୍ଜଳି ।
କନକ ବ୍ୟୁରୋ : ଅଷ୍ଟ୍ରେଲିଆ ଟିମ୍ ପାଇଁ ଆସିଲା ଦୁଃଖଦ ଖବର । ଅଷ୍ଟ୍ରେଲିଆ ଟେଷ୍ଟ ଟିମର ଅଧିନାୟକ ପ୍ୟାଟ୍ କମିନ୍ସଙ୍କ ଦେହାନ୍ତ ହୋଇଛି । ଗତ କିଛି ଦିନ ହେବ କ୍ୟାନସରରେ ପୀଡିତ ଥିଲେ କମିନ୍ସଙ୍କ ମା’ । ଦିଲ୍ଲୀ ଟେଷ୍ଟରେ ପରାଜିତ ହେବା ପରେ କମିନ୍ସ ଅଷ୍ଟ୍ରେଲିଆ ଫେରି ଆସିଥିଲେ । ଅହମ୍ମଦାବାଦ ଟେଷ୍ଟ ପୂର୍ବରୁ କମିନ୍ସ ଫେରି ଆସିବେ ବୋଲି କୁହାଯାଉଥିଲା । କିନ୍ତୁ ମା’ଙ୍କ ଦେହ ଅଧିକ ଖରାପ ହେବାରୁ ଚତୁର୍ଥ ଟେଷ୍ଟ ପୂର୍ବରୁ ଫେରିପାରିନଥିଲେ କମିନ୍ସ । ମା’ଙ୍କ ସ୍ୱାସ୍ଥ୍ୟବସ୍ଥାକୁ ନଜରରେ ରଖି ସିଡନୀରେ ରହିବାକୁ ନିଷ୍ପତ୍ତି ନେଇଥିଲେ କମିନ୍ସ ।
Kanak News is now on WhatsApp
Join and get latest news updates delivered to you via WhatsApp
We are deeply saddened at the passing of Maria Cummins overnight. On behalf of Australian Cricket, we extend our heartfelt condolences to Pat, the Cummins family and their friends. The Australian Men’s team will today wear black armbands as a mark of respect.
— Cricket Australia (@CricketAus) March 10, 2023
କମିନ୍ସଙ୍କ ବଦଳରେ ଦଳର ମଙ୍ଗ ଧରିଥିଲେ ପୂର୍ବତନ ଅଧିନାୟକ ଷ୍ଟିଭ ସ୍ମିଥ୍ । ତୃତୀୟ ଟେଷ୍ଟରେ ଦଳ ବିଜୟୀ ମଧ୍ୟ ହୋଇଥିଲା । ଏସବୁ ଭିତରେ ଅଷ୍ଟ୍ରେଲିଆ କ୍ରିକେଟ ବୋର୍ଡ ପକ୍ଷରୁ ଏକ ଟ୍ୱିଟ୍ ସେୟାର କରାଯାଇଛି । ଯେଉଁଥିରେ କମିନ୍ସଙ୍କ ମା’ଙ୍କ ବିୟୋଗରେ ବୋର୍ଡ, ସାଥୀ ଖେଳାଳୀ ଶୋକବ୍ୟକ୍ତ କରିବା ସହ କମିନ୍ସଙ୍କ ପରିବାରକୁ ସମବେଦନା ଜଣାଇଛନ୍ତି । କମିନ୍ସଙ୍କ ମା’ଙ୍କ ଶ୍ରଦ୍ଧାଞ୍ଜଳି ଜଣାଇବାକୁ ଅଷ୍ଟ୍ରେଲିଆ କ୍ରିକେଟର ଅହମ୍ମଦାବାଦ ଟେଷ୍ଟର ଦ୍ୱିତୀୟ ଦିନରେ କଳାପଟି ପିନ୍ଧି ମୈଦାନକୁ ଓହ୍ଲାଇଛନ୍ତି ।