କନକ ବ୍ୟୁରୋ : ଭାରତୀୟ କ୍ରିକେଟ ଦଳର ପୂର୍ବତନ ବୋଲର ଅଜିତ ଅଗରକର ଏବେ ଟିମ ଇଣ୍ଡିଆର ନୂଆ ମୁଖ୍ୟ ଚୟନକର୍ତ୍ତାଭାବେ ନିଯୁକ୍ତ ହୋଇଛନ୍ତି । ଏହି ପଦବୀରେ ଅଗରକର ରହିବା ପରେ ୱେଷ୍ଟ ଇଣ୍ଡିଜ ବିପକ୍ଷ ଟି-୨୦ ସିରିଜ ପାଇଁ ଦଳ ଚୟନ କରିଛନ୍ତି । ଚୟନ କମିଟିରେ ରହିଥିବା ବାକି ସଦସ୍ୟ ତୁଳନାରେ ଅଗରକରଙ୍କ ଆନ୍ତର୍ଜାତୀୟ କ୍ୟାରିୟର ବହୁ ଆଗରେ ରହିଛି । ତେବେ ଏହି ପଦ ପାଇଁ ପ୍ରଥମେ ରାଜି ନଥିଲେ ଅଗରକର । ଦରମା ଏହାର ମୁଖ୍ୟ କାରଣ ରହିଥିଲା । ମୁଖ୍ୟ ଚୟନକର୍ତ୍ତାଙ୍କ ଦରମା ଥିଲା ବାର୍ଷିକ ୧ କୋଟି । ଚେତନ ଶର୍ମା ଏହି ଦରମା ପାଉଥିଲେ । କିନ୍ତୁ ଏତିକି ଦରମା ପାଇଁ ରାଜି ନଥିଲେ ଅଗରକର । ପରେ ୨୦୦ ପ୍ରତିଶତ ବୃଦ୍ଧି କରିବାକୁ ନିଷ୍ପତ୍ତିି ନେଇଛି ବିସିସିଆଇ । ପୂର୍ବରୁ ମୁଖ୍ୟ ଚୟନକର୍ତ୍ତାଙ୍କ ଦରମା ବାର୍ଷିକ ୧ କୋଟି ଥିବାବେଳେ ଏବେ ଅଗରକରଙ୍କୁ ମିଳିବ ୩ କୋଟି ଟଙ୍କା ।
Kanak News is now on WhatsApp
Join and get latest news updates delivered to you via WhatsApp
ଟିମ ଇଣ୍ଡିଆର ମୁଖ୍ୟ ଚୟନକର୍ତ୍ତାଭାବେ ଅଗରକର ଯୋଗ ଦେବା ପୂର୍ବରୁ ଆଇପିଏଲ ଟିମ ଦିଲ୍ଲୀ କ୍ୟାପିଟାଲ୍ସର ଆସିଷ୍ଟାଣ୍ଡ କୋଚ ରହିଥିଲେ । ଏହାପୂର୍ବରୁ ମୁମ୍ବାଇର ସିନିୟର ଦଳର ମୁଖ୍ୟ ଚୟନକର୍ତ୍ତାଭାବେ ର୍କ୍ୟା ମଧ୍ୟ କରିଛନ୍ତି । କେବଳ ଏତିକି ନୁହେଁ ଭାସ୍ୟକାରଭାବେ ମଧ୍ୟ କାମ କରିବା ଏବଂ ପ୍ରଫେସନାଲ କ୍ୟାରିୟର ସହ ଜଡ଼ିତ ଅନେକ କାମ ମଧ୍ୟ କରୁଥିଲେ । ସବୁଠାରୁ ବଡ଼ କଥା ହେଉଛି କି, ବିସିସିଆଇ ତାଙ୍କ ବରିଷ୍ଠତା, ଅଭିଜ୍ଞତା ହେତୁ ତାଙ୍କୁ ଏହି ପଦବୀ ଦେଇଛି । ଏପରିକି ବୋର୍ଡ ଚାହୁଁଥିଲା କି, ମୁଖ୍ୟ ଚୟନକର୍ତ୍ତା ତାଙ୍କ କ୍ୟାରିୟରରେ ଟି-୨୦ ଖେଳିଥିବେ । ୨୦୦୭ ଟି-୨୦ ବିଶ୍ୱକରେ ଅଜିତ ଅଗରକର ଦଳର ସଦସ୍ୟ ରହିଥିଲେ । ଏହି କାରଣରୁ ମୁଖ୍ୟ ଚୟନର୍ତ୍ତା ଦ ପାଇଁ ଆବେଦନ କରିଥିବା ସମସ୍ତଙ୍କଠାରୁ ଆଗରେ ରହିଥିଲେ । ବିସିସିଆଇ ସମସ୍ତ ମାନଦଣ୍ଡକୁ ଅଗରକର ମାନିଥିବାବେଳେ ତାଙ୍କ ଦରମା ବଢ଼ାଇବାରେ ବିଳମ୍ବ କରିନଥିଲା । ସେଟେ ଅନ୍ୟ ଚୟନକର୍ତ୍ତାଙ୍କ ଦରମା ବାର୍ଷିକ ୯୦ ଲକ୍ଷ ରହିଛି ।