ନେପାଳରୁ ଯାତ୍ରୀବାହି ବିମାନ ନିଖୋଜ ହେବା ଘଟଣା, ବିମାନ ଠାବ ହୋଇଥିବା ନେଇ ତ୍ରିଭୂବନ ଅନ୍ତର୍ଜାତୀୟ ବିମାନବନ୍ଦର ମୁଖ୍ୟଙ୍କ ସୂଚନା
କନକ ବ୍ୟୁରୋ : ନେପାଳ ବିମାନବନ୍ଦରରୁ ୨୨ ଜଣ ଯାତ୍ରୀଙ୍କୁ ନେଇ ଉଡାଣ ଭରିଥିବା ଏକ ଯାତ୍ରୀବାହୀ ବିମାନ ସକାଳେ ନିଖୋଜ ହୋଇଯାଇଥିବା ନେଇ ଖବର ଆସିଥିଲା । ହେଲେ ଏବେ ତ୍ରିଭୂବନ ଅନ୍ତର୍ଜାତୀୟ ବିମାନବନ୍ଦର ମୁଖ୍ୟଙ୍କ ସୂଚନା ମୁତାବକ ବିମାନଟିକୁ ଠାବ କରାଯାଇଥିଲେ ବି ତାର ସ୍ଥିତି ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜାତୀୟ ଗଣମାଧ୍ୟମର ସୂଚନା ମୁତାବକ ବିମାନଟି ଦୁର୍ଘଟଣାରେ ଶିକାର ହୋଇଛି । ସ୍ଥାନୀୟ ଲୋକଙ୍କ କହିବା ମୁତାବକ ପାହାଡ ପାଦଦେଶରେ କିଛି ନିଆଁ ଓ ଧୂଆଁ ଦେଖା ଦେଇଥିବାରୁ ଏହା ହିଁ ବିମାନ ଜଳିବାର ଚିତ୍ର ବୋଲି ଅନୁମାନ କରାଯାଇଛି ।
ସେପଟେ ପାଗ ଖରାପ ଥିବାରୁ ଉଦ୍ଧାର କାର୍ଯ୍ୟରେ ପଠାଯାଇଥିବା ହେଲିକପ୍ଟର ଫେରି ଆସିଛି । ଏହାସହ ସେନାର ହେଲିକପ୍ଟର ବି ଦୁର୍ଘଟଣା ସ୍ଥଳରେ ପହଂଚିପାରି ନଥିବା କୁହାଯାଉଛି । ହେଲେ ନେପାଳ ସରକାରଙ୍କ ତରଫରୁ ନେପାଳୀ ସେନା ଓ କିଛି ନେପାଳ ପୋଲିସ କର୍ମୀ ପାଦରେ ଚାଲି ଚାଲି ଦୁର୍ଘଟଣା ସ୍ଥଳରେ ପହଂଚିବାକୁ ଚେଷ୍ଟା କରୁଛନ୍ତି ।
#UPDATE | Aircraft found at Kowang of Mustang. The status of the aircraft is yet to be ascertained: Tribhuvan International Airport chief
— ANI (@ANI) May 29, 2022
ନେପାଳ ଗଣମାଧ୍ୟମର ସୂଚନା ମୁତାବକ ରବିବାର ସକାଳ ୯.୫୫ ରେ ଏହି ଯାତ୍ରୀବାହି ବିମାନଟି ୨୨ ଜଣ ଯାତ୍ରୀଙ୍କୁ ଧରି ପୋଖରା ବିମାନବନ୍ଦରରୁ ଉଡାଣ ଆରମ୍ଭ କରିଥିଲା । ହେଲେ ମାତ୍ର ୩୫ ମିନିଟ ପରେ ବିମାନବନ୍ଦର କେଣ୍ଟ୍ରୋଲ ରୁମ ସହ ବିମାନର ସଂପର୍କ ଛିନ୍ନ ହୋଇଥିଲା । ଏହାପରେ ବିମାନକୁ ନେଇ ଖୋଜା ଖୋଜି ଆରମ୍ଭ ହୋଇଥିଲା ।