ଅରୁଣାଚଳ ପ୍ରଦେଶର ମୁଖ୍ୟମନ୍ତ୍ରୀ ପେମା ଖାଣ୍ଡୁ ଦିଲ୍ଲୀରେ ଏକ ସାକ୍ଷାତକାରରେ ଚୀନ୍‌ ଦ୍ୱାରା ୟାରଲୁଙ୍ଗ ସାଙ୍ଗପୋ ନଦୀ ଯାହା ଭାରତରେ ବ୍ରହ୍ମପୁତ୍ର ନାମରେ ଜଣା ନଦୀ  ଉପରେ ନିର୍ମାଣାଧୀନ ବିଶ୍ଵର ସବୁଠାରୁ ବଡ଼ ଜଳବିଦ୍ୟୁତ ଡ୍ୟାମକୁ ଏକ ‘ ଓ୍ଵାଟର ବମ୍ବ’ ବୋଲି କହିଛନ୍ତି । ଏହି ପ୍ରୋଜେକ୍ଟ, ଯାହା ୬୦,୦୦୦ ମେଗାୱାଟ୍‌ ବିଦ୍ୟୁତ୍‌ ଉତ୍ପାଦନ କରିବ, ଅରୁଣାଚଳ ସୀମା ନିକଟରେ ନିର୍ମାଣ ହେଉଛି । ରିପୋର୍ଟ ଅନୁଯାୟୀ, ଚୀନ୍ ୨୦୨୪ ମସିହାରେ ୧୩୭ ବିଲିୟନ୍‌ ଆମେରିକୀୟ ଡଲାରର ଏହି ପାଞ୍ଚବର୍ଷୀୟ ପ୍ରକଳ୍ପ ନିର୍ମାଣକୁ ଅନୁମୋଦନ କରିଥିଲା ।