କନକ ବ୍ୟୁରୋ : ଦେଶରେ ଲାଗି ରହିଥିବା ଆର୍ଥିକ ସଂକଟକୁ ମୁକାବିଲା କରି ନପାରି ଶେଷରେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ ଦେଶଛାଡି ମାଳଦୀପ ପଳାୟନ କରିଛନ୍ତି । ରାଷ୍ଟ୍ରପତି ଦେଶଛାଡି ପଳାଇଯାଇଥିବା ଖବର ପ୍ରଚାରିତ ହେବାପରେ ଦେଶରେ ନାଗରିକମାନେ ହଜାର ହଜାର ସଂଖ୍ୟାରେ ଏକଜୁଟ ହୋଇ ରାଜଧାନୀ କଲମ୍ବୋ ରାସ୍ତାରେ ପ୍ରଦର୍ଶନ ଜାରି ରଖିଛନ୍ତି । ଏହାସହ କିଛି ପ୍ରଦର୍ଶନକାରୀ ରାଷ୍ଟ୍ରପତିଙ୍କ ବାସଭବନରେ ପଶି ଉତ୍ପାତ କରୁଥିବା ବେଳେ କିଛି ପୁରୁଣା ସଂସଦଗୃହରେ ପଶି ଆରାମ କରୁଛନ୍ତି । ଏସବୁକୁ ନଜରରେ ରଖି ଦେଶରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ୧୩୯ ଦିନ ଧରି ରାଷ୍ଟ୍ରପତିଙ୍କ ବିରୋଧରେ ଜାରି ରହିଥିବା ପ୍ରଦର୍ଶନ ଚାପରେ ଶ୍ରୀଲଙ୍କା ରାଷ୍ଟ୍ରପତି ନିଜ ପଦରୁ ଇସ୍ତଫା ଦେଇଛନ୍ତି । ଆଜି ସଂସଦ ଗୃହରେ ତାଙ୍କ ଇସ୍ତଫା ନେଇ ଘୋଷଣା କରାଯିବ ବୋଲି ଅନୁମାନ କରାଯାଇଛି । କେବଳ ସେତିକି ନୁହେଁ ଗୋଟାବାୟାଙ୍କ ପରେ କିଏ ହେବ ଦେଶର ଅନ୍ତରୀଣ ରାଷ୍ଟ୍ରପତି ତାହା ଉପରେ ଆଜି ସଂସଦରେ ନିଷ୍ପତ୍ତି ହୋଇପାରେ ।
ସବୁଠାରୁ ବଡ କଥା କି ପ୍ରଥମଥର ପାଇଁ ଶ୍ରୀଲଙ୍କା ସେନା ଦେଶର ନାଗରିକଙ୍କ ଆଗରେ ହାର ମାନିଛି । ନାଗରିକମାନଙ୍କ ପ୍ରଦର୍ଶନକୁ ନଜରରେ ରଖି ସେନା ତରଫରୁ ଅସ୍ତ୍ର ବିରତି କରାଯାଇଛି । ଏହି ପ୍ରଦର୍ଶନ ସମୟରେ ବିଭିନ୍ନ ସ୍ଥାନରେ ସେନା, ପୋଲିସ ଓ ସାଧାରଣ ଲୋକଙ୍କ ମଧ୍ୟରେ ଗଣ୍ଡଗୋଳ ଦେଖିବାକୁ ମିଳିଥିଲା ।
#WATCH | Sri Lanka: Protest breaks out again in Colombo as the crisis in the country deepens after Sri Lankan President Gotabaya Rajapaksa fled the country, earlier today
As per Sri Lanka’s Speaker of Parliament, Rajapaksa is yet to give his resignation pic.twitter.com/drHWzaDyVv
— ANI (@ANI) July 13, 2022
ଅନ୍ୟପଟେ ଆଇନ ମୁତାବକ ଯଦି ଦେଶର ରାଷ୍ଟ୍ରପତି ତାଙ୍କ କାର୍ଯ୍ୟକାଳ ସମାପ୍ତ ହେବା ପୂର୍ବରୁ ଗାଦି ଛାଡୁଛନ୍ତି ତେବେ ସଂସଦର କୌଣସି ସଦସ୍ୟଙ୍କୁ ତାଙ୍କ ଗାଦିରେ ବସାଇବାର ପ୍ରାବଧାନ ରହିଛି । ଏହି କାର୍ଯ୍ୟ ରାଷ୍ଟ୍ରପତି ପଦ ଛାଡିବାର ଗୋଟିଏ ମାସ ମଧ୍ୟରେ ହୋଇଥାଏ । ଏହାସହ ରାଷ୍ଟ୍ରପତି ପଦ ଛାଡିବାର ୩ ଦିନ ମଧ୍ୟରେ ସଂସଦରେ ଅଧିବେଶନ ଡାକିବେ ବାଚସ୍ପତି । ଏହାପରେ ରାଷ୍ଟ୍ରପତି ପଦ ପାଇଁ ନାମାଙ୍କନ ଭରିବାର ତାରିଖ ସ୍ଥିର କରାଯାଇଥାଏ । ହେଲେ ଶ୍ରୀଲଙ୍କା ନାଗରିକଙ୍କ ଭାରିମାତ୍ରାରେ ପ୍ରଦର୍ଶନ ଦେଖି ଏବେ ପ୍ରଧାନମନ୍ତ୍ରୀଙ୍କ ଠାରୁ ବାଚସ୍ପତି ପର୍ଯ୍ୟନ୍ତ କଣ କରିବେ ତାହା ସ୍ଥିର କରିପାରି ନାହାଁନ୍ତି ।