ଚର୍ଚ୍ଚାରେ ୫୦ବର୍ଷୀୟ ଡାକ୍ତର ସର୍ଦ୍ଦାର ଜନ୍ : ନିକଟରେ ୬୦ତମ ସନ୍ତାନକୁ କଲେ ସ୍ୱାଗତ; ଏବେ ୪ର୍ଥ ସ୍ତ୍ରୀ ସନ୍ଧାନରେ…
କନକ ବ୍ୟୁରୋ : ପାକିସ୍ତାନର ୫୦ବର୍ଷୀୟ ଡାକ୍ତର ସର୍ଦ୍ଦାର ଜନ୍ ମହମ୍ମଦ ଖାନ୍ । ଏବେ ନିକଟରେ ତାଙ୍କର ୬୦ତମ ସନ୍ତାନକୁ ସ୍ୱାଗତ କରିଛନ୍ତି । । ତାଙ୍କର ତିନୋଟି ସ୍ତ୍ରୀ ଥିବା ପରେ ବି ଏବେ ଚତୁର୍ଥ ସ୍ତ୍ରୀ ସନ୍ଧାନରେ ରହିଛନ୍ତି । ନିଜର ବନ୍ଧୁ ପରିଜନ ମାନଙ୍କୁ ଏନେଇ ସହଯୋଗ କରିବାକୁ ସେ ଅନୁରୋଧ କରିଛନ୍ତି । ଅଧିକରୁ ଅଧିକ ବିବାହ କରି ଅଧିକ ପିଲା ଜନ୍ମ କରିବାକୁ ସେ ଇଚ୍ଛୁକ ଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରଙ୍ଗିଲା ଡାକ୍ତର ଜଣକ କ୍ୱେଟା ସିଟିର ଇଷ୍ଟର୍ଣ୍ଣ ବାଇପାସ ନିକଟରେ ନିଜର ଏହି ବଡ ପରିବାର ସହିତ ରୁହନ୍ତି । ପିଲା ସଂଖ୍ୟା ୬୦ ହୋଇଥିଲେ ବି ବିବାହ କରିବା ଓ ପିଲା ଜନ୍ମ କରିବା ଭଳି ତାଙ୍କର ନିଶା ଛାଡିନି । ଚତୁର୍ଥ ବିବାହ କରି ସେ ଅଧିକ ସନ୍ତାନ ଜନ୍ମ କରିବାକୁ ବେଶ ଆଗ୍ରହୀ ଥିବା କୁହନ୍ତି । ପୁଅ ଅପେକ୍ଷା ତାଙ୍କୁ ଅଧିକ ଝିଅ ଦରକାର ବୋଲି ସେ ଚତୁର୍ଥ ବିବାହ କରିବେ ।
ପରିବାର ଯେତେ ବଢିଲେ ବି ସେହି ଘରେ ସମସ୍ତେ ରହିବାକୁ ତାଙ୍କର ଇଚ୍ଛା । ଏବେ ପାକିସ୍ତାନରେ ଅତ୍ୟାବଶକୀୟ ସମଗ୍ରୀର ଦାମ୍ ବୃଦ୍ଧି ହୋଇଛି । କହିବାକୁ ଗଲେ ତିନିଗୁଣା ବୃଦ୍ଧି ହୋଇଛି । ପାକିସ୍ତାନର ଅବସ୍ଥା ଏବେ ଶୋଚନୀୟ ହୋଇଥିଲେ ବି ହାରି ଭିିତରେ ଚତୁର୍ଥ ବିବାହ କରି ପରିବାର ବଢାଇବା ସହ ଭରଣ ପୋଷଣ କରିବାକୁ ଆଗଭର ହୋଇଛନ୍ତି ଏହି ଡାକ୍ତର ଅହମ୍ମଦ ।