କନକ ବ୍ୟୁରୋ : ଶିକ୍ଷା ଓ ରୋଜଗାର ପ୍ରସଙ୍ଗରେ ବିରୋଧୀମାନେ ସର୍ବଦା ମୋଦୀ ସରକାରଙ୍କୁ ଘେରୁଛନ୍ତି । ବିଜେପି ସରକାର ଆରମ୍ଭରୁ ଦେଶର ବିରୋଧୀଦଳମାନେ ଶିକ୍ଷାକୁ ମୋଦୀ ପ୍ରାଧାନ୍ୟ ଦେଉନଥିବା କଥା ଅଭିଯୋଗ କରୁଛନ୍ତି । ଏନେଇ ସରକାର ଅନେକ ଥର ଏନେଇ ବିରୋଧୀଙ୍କ ପ୍ରଶ୍ନରେ ବି ଉତ୍ତର ଦେଇଛନ୍ତି । ସରକାର ତାଙ୍କ ଉତ୍ତରରେ କହୁଛନ୍ତି କି କ୍ରମାଗତ ଭାବେ ଛାତ୍ର ଛାତ୍ରୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସ୍କୁଲ, କଲେଜ ଓ ବିଶ୍ୱବିଦ୍ୟାଳୟ ନିର୍ମାଣ କରାଯାଇଛି । ଏହାଦ୍ୱାରା ସମସ୍ତଙ୍କ ପାଖରେ ଶିକ୍ଷା ପହଂଚାଇବାକୁ ଚେଷ୍ଟା କରାଯାଉଥିବା କଥା ସରକାର କହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀଙ୍କ ଘେରାଓ ସରକାରଙ୍କ ସ୍ପଷ୍ଟିକରଣ ମଧ୍ୟରେ ଏକ ଜାତୀୟ ଗଣମାଧ୍ୟମ ଏହାର ବାସ୍ତବ ଚିତ୍ର ଜାଣିବାକୁ ସରକାରଙ୍କ ଠାରୁ ସୂଚନା ଅଧିକାର ଆଇନରେ ତଥ୍ୟ ମାଗିଥିଲେ । ଏଥିରେ ପ୍ରଶ୍ନ କରାଯାଇଥିଲା କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ୮ ବର୍ଷ କାର୍ଯ୍ୟକାଳ ମଧ୍ୟରେ କେତୋଟି କେନ୍ଦ୍ରୀୟ ବିଦ୍ୟାଳୟ ଓ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ୮ ବର୍ଷ କାର୍ଯ୍ୟକାଳ ମଧ୍ୟରେ କେତୋଟି କେନ୍ଦ୍ରୀୟ ବିଦ୍ୟାଳୟ ଖୋଲା ଯାଇଛି ।
ଏହି ପ୍ରଶ୍ନର ଉତ୍ତର ଦେଇ ସରକାର ଯେଉଁ ସୂଚନା ଦେଇଛନ୍ତି ସେହି ସୂଚନା ମୁତାବକ ନରେନ୍ଦ୍ର ମୋଦୀଙ୍କ ୮ ବର୍ଷ ଶାସନକାଳରେ ଦେଶରେ ମୋଟ ୧୫୯ ଟି କେନ୍ଦ୍ରୀୟ ବିଦ୍ୟାଳୟ ଖୋଲା ଯାଇଥିବା ବେଳେ ମନମୋହନ ସିଂଙ୍କ ୮ ବର୍ଷର କାର୍ଯ୍ୟକାଳରେ ୨୦୨ ଟି କେନ୍ଦ୍ରୀ ବିଦ୍ୟାଳୟ ଖୋଲାଯାଇଥିଲା । କହିରଖୁ କି କେନ୍ଦ୍ରୀୟ ବିଦ୍ୟାଳୟରେ ଛାତ୍ର ଛାତ୍ରୀମାନଙ୍କୁ ରିହାତି ଦାମରେ ଉଚ୍ଚମାନର ଶିକ୍ଷା ପ୍ରଦାନ କରାଯାଇଥାଏ ।