କନକ ବ୍ୟୁରୋ : ଶ୍ରୀନଗରରେ ସୁରକ୍ଷାକର୍ମୀଙ୍କୁ ବଡ ସଫଳତା । ଏନକାଉଣ୍ଟରରେ ଲସ୍କର ଆତଙ୍କବାଦୀ । ନିହତ ହର୍ୱାନ୍ ଅଞ୍ଚଳରେ ସୁରକ୍ଷାକର୍ମୀଙ୍କ ପକ୍ଷରୁ ସର୍ଚ୍ଚ ଅପରେସନ ଜାରି । ଏ ନେଇ ରାତି ୪.୦୯ରେ ଟୁଇଟ୍ କରି କଶ୍ମୀର ଜୋନ୍ ପୁଲିସ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କଶ୍ମୀର ପୁଲିସ ମୁଖ୍ୟ କହିଛନ୍ତି, ପୁଲିସ ସଂଗ୍ରହ କରିଥିବା ସୁନିର୍ଦ୍ଦିଷ୍ଟ ସୂଚନାକୁ ଆଧାର କରି ପୁଲିସ ଏବଂ ‘ସିଆର୍ପିଏଫ୍’ର ମିଳିତ ଦଳ ହର୍ୱାନ୍ ଅଞ୍ଚଳରେ ‘କର୍ଡନ୍-ଆଣ୍ଡ୍-ସର୍ଚ’ ଅଭିଯାନ ଆରମ୍ଭ କରିଥିଲେ । ତଲାସକାରୀ ନିରାପତ୍ତା ବଳ ଘେରି ଯିବାରୁ ଆତ୍ମଗୋପନ କରିଥିବା ଆତଙ୍କବାଦୀ ସେମାନଙ୍କ ଉପରକୁ ଗୁଳି ଚଳାଇଥିଲା । ଆତ୍ମରକ୍ଷା ପାଇଁ ନିରାପତ୍ତା ବଳ ପାଲଟା ଗୁଳି ଚଳାଇବାରୁ ଏନ୍କାଉଣ୍ଟର୍ର ସୂତ୍ରପାତ ହୋଇଥିଲା ।
ସଦ୍ୟତମ ରିପୋର୍ଟ ଅନୁସାରେ, ନିହତ ଆତଙ୍କବାଦୀଜଣକ ବିଦେଶୀ ବୋଲି ଜଣାପଡୁଛନ୍ତି । କିନ୍ତୁ, ତାଙ୍କର ପ୍ରକୃତ ପରିଚୟ ଜାଣିବା ଲାଗି ଉଦ୍ୟମ ଜାରି ରହିଛି । ସୂଚନାଯୋଗ୍ୟ, ଏ ସପ୍ତାହର ପ୍ରାରମ୍ଭରେ ଦକ୍ଷିଣ ଶ୍ରୀନଗରର ରଙ୍ଗରେଥ୍ ଅଞ୍ଚଳରେ ମଧ୍ୟ ସଂକ୍ଷିପ୍ତ ଏନ୍କାଉଣ୍ଟର୍ରେ ଦୁଇଜଣ ‘ଲଶ୍କର୍-ଏ-ତୈବା’ ଆତଙ୍କବାଦୀ ନିପାତ କରିଥିବା କଥା ପୁଲିସ ଘୋଷଣା କରିଥିଲା ।