କନକ ବ୍ୟୁରୋ : କର୍ଣ୍ଣାଟକର ଚିତ୍ରଦୂର୍ଗା ଜିଲ୍ଲାରେ ଥିବା ପ୍ରସିଦ୍ଧ ଲିଙ୍ଗାୟତ ଶୈବ ମଠ ମୁରୁଗା ମଠର ମୁଖ୍ୟ ମହନ୍ତ ଡ. ଶିବମୂର୍ତୀ ମୁରୁଗା ଶରଣରୁ ଗିରଫ । ଗତକାଲି ବିଳମ୍ବିତ ରାତିରେ କର୍ଣ୍ଣାଟକ ପୁଲିସ ତାଙ୍କୁ ଗିରଫ କରିଛି । ଶିଶୁ ଯୌନ ନିର୍ଯାତନା ମାମଲାରେ ତାଙ୍କୁ ଗିରଫ କରାଯାଇଛି । ସେ ଓ ଅନ୍ୟ ୪ ଜଣଙ୍କ ନାଁରେ ୨ ଜଣ ହାଇସ୍କୁଲ ଛାତ୍ରୀଙ୍କୁ ନିର୍ଯାତନା ଦେଉଥିବାର ଅଭିଯୋଗ ହୋଇଛି । ପୁଲିସ ପକସୋ ଆଇନ ଅଧିନରେ ଏହି ମାମଲାର ତଦନ୍ତ କରୁଛି । ଦୁଇ ନାବାଳିକାଙ୍କ ଅଭିଯୋଗ ଆଧାରରେ ମିସୁରୁ ନଗର ପୋଲିସ ମାମଲା ରୁଜୁ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁଯାୟୀ, ଏହି ମହନ୍ତ ଜଣଙ୍କ ଜଣେ ୧୫ ବର୍ଷ ଏବଂ ୧୬ ବର୍ଷର ଦୁଇ ଝିଅଙ୍କୁ ତିନି ବର୍ଷ ଧରି ଦୁଷ୍କର୍ମ କରିଥିବା ଅଭିଯୋଗ ରହିଛି । ଅଗଷ୍ଟ ୨୬ରେ ନାଜରବାଦ ପୋଲିସ ଷ୍ଟେସନରେ ଏହି ମହନ୍ତଙ୍କ ବିରୋଧରେ ଏକ ଏଫଆଇଆର ଦେଇଥିଲେ ପୀଡିତା । ବିବାଦ ବଢିବା ପରେ ମୁରୁଗାର କହିଥିଲେ ଯେ ତାଙ୍କୁ ଏକ ଷଡଯନ୍ତ୍ରରେ ସମ୍ପୃକ୍ତ କରାଯାଇଛି । ମହନ୍ତ ସୋମବାର ଜାମିନ ପାଇଁ ଆବେଦନ କରିଥିଲେ ।
କିନ୍ତୁ ମଙ୍ଗଳବାର ଦିନ ଏସସି / ଏସଟି (ପ୍ରିଭେନସନ୍ ଅଫ୍ ଆଟ୍ରୋସିଟିସ୍) ଅଧିନିୟମ ଅନୁଯାୟୀ ତାଙ୍କ ବିରୋଧରେ ଅତିରିକ୍ତ ଅଭିଯୋଗ ମଧ୍ୟ ଯୋଡା ହୋଇଥିଲା । ପୀଡିତଙ୍କ ମଧ୍ୟରୁ ଜଣେ ଅନୁସୂଚିତ ଜାତିର । ଲିଙ୍ଗାୟତ ସଂପ୍ରଦାୟ କର୍ଣ୍ଣାଟକରେ ଏକ ପ୍ରଭାବଶାଳୀ ସଂପ୍ରଦାୟ ଭାବେ ଜଣାଶୁଣା । କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ୟୁଦ୍ୟୁରାପ୍ପା ଏବଂ ଏବେର ମୁଖ୍ୟମନ୍ତ୍ରୀ ବାସବରାଜ ବୋମାଇ ଏହି ସଂପ୍ରଦାୟର ।