କନକ ବ୍ୟୁରୋ : କଳାହାଣ୍ଡି ଜିଲ୍ଲାରେ କପା ଚାଷ କରି ଭାରତରେ ସୁନାମ ଅର୍ଜନ କରିଥିବା ଚାଷିଙ୍କ ଦୁର୍ଦ୍ଦଶା ଏବେ ସମସ୍ୟାର କାରଣ ପାଲଟିଛି । ବ୍ୟୟବହୁଳ ଏହି ଚାଷ କରି କପା ଅମଳ କରି ଘରକୁ ନେଇଥିଲେ ମଧ୍ୟ କପା ବିକ୍ରୀ କରିପାରୁନାହାଁନ୍ତି ଚାଷୀ । ଧାର କରଜ କରି ଏହି ଅର୍ଥକାରୀ ଫସଲ କରିଥିଲେ ମଧ୍ୟ ମଣ୍ଡି ନହେବା ଯୋଗୁଁ ଚାଷି କପା ବିକ୍ରୀ କରିପାରୁନାହାଁନ୍ତି । ଫଳରେ କମ ଦରରେ ଦଲାଲ ମାନଙ୍କୁ କପା ବିକ୍ରୀ କରି ଶୋଷଣର ଶିକାର ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଳମ୍ବିତ ମଣ୍ଡି ଯୋଗୁଁ ଜିଲ୍ଲାରୁ ପ୍ରତିଦିନ ହଜାର ହଜାର କ୍ୱିଂଟାଲ କପା କମ ଦରରେ କିଣା ହୋଇ ଜିଲ୍ଲା ବାହାରକୁ ଚୋରା ଚାଲାଣ ହେଉଛି । ଏହା ଦ୍ୱାରା ଚାଷୀ ତ ଶୋଷଣର ଶିକାର ହେଉଛି ତାହା ସାଙ୍ଗରେ ସରକାର ମଧ୍ୟ ରାଜସ୍ୱ ହରାଉଛନ୍ତି । ଚାଷୀ ନିଜ କପାକୁ କମ ଦରରେ ବିକ୍ରୀ ହେଉଥିବା କଥା ଜାଣୁଥିଲେ ମଧ୍ୟ ପ୍ରଶାସନ କପା ବିକ୍ରୀ ନେଇ ପଦକ୍ଷେପ ନନେବାରୁ ଦଲାଲଙ୍କ ହାତରେ କମ ଦରରେ କପା ବିକ୍ରୀ କରିବାକୁ ବାଧ୍ୟ ହେଉଛି । ଅନ୍ୟପଟେ ୨୪ ତାରିଖରୁ ମଣ୍ଡି ଆରମ୍ଭ ହେବ ଆଉ ଚାଷୀ ମଣ୍ଡିରେ କପା ବିକିବେ ବୋଲି କପା ବିଶେଷଜ୍ଞ ଦୃଢୋକ୍ତି ପ୍ରକାଶ କରିଥିଲେ ସୁଦ୍ଧା ଏଯାଏଁ ମଣ୍ଡି ପାଇଁ କିଛି ବ୍ୟବସ୍ଥା ହୋଇନାହି ।
ତେବେ ବିଭିନ୍ନ ସମୟରେ ଚାଷୀଙ୍କ ପାଇଁ କୁମ୍ଭିର କାନ୍ଦଣା କରୁଥିବା ସରକାର କପା ବିକ୍ରୀ ନେଇ ପଦକ୍ଷେପ ନନେଲେ ବରଗଡ ଭଳି ଚାଷୀ ଆତ୍ମହତ୍ୟା ଘଟଣାକୁ ଏଡାଇ ଦିଆଯାଇନପାରେ ।