କନକ ବ୍ୟୁରୋ: ଗୁଜୁରାଟ ବିଧାନସଭା ନିର୍ବାଚନ ପାଇଁ ବିଜେପି ଦଳୀୟ ପ୍ରାର୍ଥୀଙ୍କ ନାଁ ଘୋଷଣା କରିସାରିଛି । ଏହାପରେ ଦଳକୁ ଲାଗିଛି ବଡ ଝଟକା । କାରଣ ଟିକେଟ ନମିଳିବା ନେଇ ବିଧାୟକ ମଧୁ ଶ୍ରୀବାସ୍ତବଙ୍କ ସମେତ ୪ଜଣ ପୂର୍ବ ବିଧାୟକ ଦଳରୁ ଇସ୍ତଫା ଦେଇଛନ୍ତି । ଏମାନେ ଦଳରୁ ବାହାରି ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢିବାକୁ ଧମକ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେପିର ପୂର୍ବତନ ବିଧାୟକ ତଥା ପାର୍ଟିର ଜଣାଶୁଣା ନେତା ହର୍ଷଦ ବସାବା ଶୁକ୍ରବାର ଅନୁସୂଚିତ ଜାତି ପ୍ରାର୍ଥୀଙ୍କ ପାଇଁ ସଂରକ୍ଷିତ ସନ୍ଦୋଦ୍ ଆସନରୁ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିଛନ୍ତି । ବସାବା ଗୁଜୁରାଟ ବିଜେପିର ଅନୁସୂଚିତ ଜନଜାତି ମୋର୍ଚ୍ଚାର ଅଧ୍ୟକ୍ଷ ଅଛନ୍ତି । ସେ ୨୦୦୨ରୁ ୨୦୧୨ ଯାଏଁ ବିଧାୟକ ଥିଲେ । ଏବେ ସେ ଯେଉଁ ଆସନରୁ ନାମାଙ୍କନ ପତ୍ର ଦାଖଲ କରିଛନ୍ତି ସେ ଆସନରେ କଂଗ୍ରେସର ଦବଦବା ରହିଛି । ଏହି ଅସନରୁ ବିଜେପି ଡାକ୍ତର ଦର୍ଶନା ଦେଶମୁଖଙ୍କୁ ପ୍ରାର୍ଥୀ କରିଛି ।
କହିରଖୁଁ, ଗୁଜୁରାଟର ବିଧାନସଭା ନିର୍ବାଚନର ୧୮୨ ଆସନ ପାଇଁ ୨ଟି ପର୍ଯ୍ୟାୟରେ ମତଦାନ କରାଯିବ । ଡିସେମ୍ବର ପହିଲାରେ ପ୍ରଥମ ପର୍ଯ୍ୟାୟ ଭୋଟିଂ ହେବାକୁ ଥିବାବେଳେ ଡିସେମ୍ବର ୫ ତାରିଖରେ ଦ୍ୱିତୀୟ ପର୍ଯ୍ୟାୟ ଭୋଟିଂ ହେବ ।