ଜୀବନ ନେଉଛି ଅନଲାଇନ୍ ଗେମ୍ । ଏହା ବିରୋଧରେ ଆସିବ କଡା ଆଇନ୍ ।
କନକ ବ୍ୟୁରୋ: ଅନଲାଇନ୍ ଗେମ୍ ଖେଳ ପାଲଟୁଛି କାଳ । ଅନଲାଇନ୍ ଗେମ୍ ଖେଳି ଅପରାଧ ପ୍ରବଣ ହେବା ସହ ମାନସିକ ଭାରସାମ୍ୟ ହରାଇ ପ୍ରାଣ ହାରୁଛନ୍ତି ଅନେକ । ଏନେଇ ଅନେକ ସମୟରେ ଅନେକ ଖବର ଗଣମାଧ୍ୟମରେ ପ୍ରକାଶ ପାଉଛି । ଏପରି ଆଉ ଏକ ଘଟଣା ଘଟିଛି ମଧ୍ୟପ୍ରଦେଶ ଭୋପାଳରେ । ଏଠିକାର ଜଣେ ୧୧ ବର୍ଷର ବାଳକ ଅନଲାଇନ୍ ଖେଳ ଖେଳି ଆତ୍ମହତ୍ୟା କରିଛି । ଏହାପରେ ଚେତିଛନ୍ତି ରାଜ୍ୟ ସରକାର । ଏପରି ଗେମ୍ ଉପରେ କଟକଣା ଲଗାଇବାକୁ ଖୁବ ଶିଘ୍ର କଡା ଆଇନ ବ୍ୟବସ୍ଥା କରିବାକୁ ଘୋଷଣା କରିଛନ୍ତି ରାଜ୍ୟ ସରକାର ।
Kanak News is now on WhatsApp
Join and get latest news updates delivered to you via WhatsApp
ଭୋପାଳର ଏହି ୧୧ ବର୍ଷର ବାଳକ ପରିବାର ଲୋକଙ୍କ ଅଜାଣତରେ ଅନଲାଇନ୍ ଗେମ୍ ଖେଳି ଅନେକ ଟଙ୍କା ହରାଇବା ପରେ ଡରିଯାଇଥିଲା । ଫଳରେ ଆତ୍ମହତ୍ୟା କରିଛି । ଆସିବାକୁ ଥିବା ଆଇନରେ ଅନଲାଇନ୍ ଗେମିଂ, ଜୁଆ, ଏବଂ ବେଟିଂକୁ ଅପରାଧ ଭାବରେ ଘୋଷଣା କରିଯିବ ।ଏହା ଖେଳ ନୁହେଁ ବରଂ ଏକ ନିଶା । ଏପରି ଖେଳ ଆୟୋଜନ କରୁଥିବା ୱେବସାଇଟ୍ ଏବଂ ଆପ୍ଲିକେସନ ଗୁଡିକ ନିଷିଦ୍ଧ କରାଯିବ । ଏହି ଆପ୍ କରୁଥିବା ବ୍ୟକ୍ତି କିମ୍ବା ସଂସ୍ଥା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏମାନଙ୍କୁ ଜେଲ ଦଣ୍ଡ ଏବଂ ଜୋରିମାନା ମଧ୍ୟ ବ୍ୟବସ୍ଥା ଲାଗୁ କରାଯିବ ବୋଲି ମଧ୍ୟପ୍ରଦେଶ ଆଇନ ମନ୍ତ୍ରୀ ନରୋତ୍ତମ ମିଶ୍ରା କହିଛନ୍ତି ।
ପୋଲିସର ସୂଚନା ମୁତାବକ, ଭୋପାଲର ଶଙ୍କରାଚାର୍ୟ୍ୟ କଲୋନୀରେ ରହୁଥିବା ୧୧ ବର୍ଷୀୟ ସୂର୍ୟ୍ୟକାନ୍ତ ଓଝା ଅନଲାଇନରେ ଗେମ ଖେଳି ୬ ହଜାର ଟଙ୍କା ହରାଇଥିଲେ। ଏକଥା ତାଙ୍କ ବାପା ମା’ ଆଦୌ ଜାଣି ପାରି ନଥିଲେ। ତେବେ ଟଙ୍କା ହାରି ଯାଇଥିବାରୁ ସୂର୍ୟ୍ୟକାନ୍ତ ଭୟରେ ଆତ୍ମହତ୍ୟା କରିଛନ୍ତି ।