କନକ ବ୍ୟୁରୋ :୨୦୨୦ରେ ହୋଇଥିବା ଗଲୱାନ୍ ସଂଘର୍ଷରେ ମରିଥିଲେ ୪୨ ଚୀନ୍ ସେନା । ଅଷ୍ଟ୍ରେଲିଆ ନ୍ୟୁଜ୍ ପେପର ‘ଦ କ୍ଲାକ୍ସନ’ରେ ଏନେଇ ରିପୋର୍ଟ ପ୍ରକାଶ ପାଇଛି । ଏଥିରେ କୁହାଯାଇଛି ଭାରତ-ଚୀନ୍ ମଧ୍ୟରେ ସଂଘର୍ଷ ବେଳେ ଚୀନ୍ର ପିପୁଲ୍ସ ଲିବରେସନ୍ ଆର୍ମୀ ବା ପିଏଲ୍ଏର ଯବାନ ଗଲୱାନ୍ ନଦୀରେ ଭାସି ଯାଇଥିଲେ । ଗତବର୍ଷ ଜୁନ୍ ମାସରେ ପୂର୍ବ ଲଦାଖର ଗଲୱାନ୍ ଘାଟୀରେ ଭାରତ ଓ ଚୀନ୍ ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ ଭାରତର ୨୦ ଜଣ ଯବାନ ସହିଦ ହୋଇଥିଲେ । ହେଲେ ଚୀନ୍ର ୪ ଜଣ ସୈନିକଙ୍କ ମୃତ୍ୟୁ ହୋଇଥିବା ସେତେବେଳେ ସ୍ୱୀକାର କରିଥିଲା ଚୀନ୍ ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦେଢ ବର୍ଷ ଧରି ସାରା ଦୁନିଆକୁ ଯେଉଁ ମିଛ କଥା ଚୀନ ଲୁଚାଇ ଆସୁଥିଲା ଏବେ ତା ଉପରକୁ ପର୍ଦ୍ଦା ଉଠାଇଛି ଅଷ୍ଟ୍ରେଲିଆ । ୨୦୨୦ ଜୁନ ୧୫ ଗଲୱାନ ଘାଟି ହିଂସାରେ ଚୀନର ସେନା ୪ଜଣ ସୈନିକ ନୁହେଁ ବଂର ମୋଟ ୪୨ଜଣ ନିହତ ହୋଇଥିବା ଦାବି କରିଛି ଅଷ୍ଟ୍ରେଲିଆ ଖବର କାଗଜ ଦ କ୍ଲାକସନ । ଗଲୱାନ ଘାଟି ସଂର୍ଘଷରେ ଚୀନ ନିଜର ୪ଜଣ ସେନା ନିହତ ହୋଇଥିବା କହି ଆସୁଥିବା ଏହାର ସଂଖ୍ୟା ୪୨ ବୋଲି ବୋଲି ଦେଢ ବର୍ଷର ଅନୁସନ୍ଧାନ ସହ ଦାବି କରିଛି ଦ କ୍ଲାକସନ । ଘଟଣାର ଅନୁସନ୍ଧାନ କରିବା ଅନୁସନ୍ଧାନକାରୀଙ୍କ ଏକ ଦଳ ଗଠନ କରାଯାଇଥିଲା । ଯାହା ଗଲୱାନ ଡିକୋଡେଡ ଶୀର୍ଷକ ଏକ ରିର୍ପୋଟ ପ୍ରକାଶ କରିଥିଲା ।
ରିର୍ପୋଟରେ କୁହାଯାଇଛି କି ୨୦୨୦ ଜୁନ ୧୫ ରାତିରେ ଭାରତ ଓ ଚୀନ ମଧ୍ୟରେ ଗଲୱାନ ଘାଟିରେ ସଂର୍ଘଷ ହୋଇଥିଲା । ଏହି ସମୟରେ ଚୀନର ୩୮ଜଣ ପିଏଲଏ ସୈନିକ ଗଲୱାନ ବରଫ ନଦୀରେ ଭାସିଯାଇଥିଲେ । କିନ୍ତୁ ଚୀନ କହିଥିଲା କି ସଂର୍ଘଷର କେବଳ ୪ଜଣଙ୍କ ମୃତ୍ୟୁ ହୋଇଛି । ଅଷ୍ଟ୍ରେଲିଆର ଏହି ରିର୍ପୋଟ ଚୀନର ମିଛକୁ ଧରାପକାଇଛି । ଭାରତୀୟ ସେନାକୁ ଆକ୍ରମଣ କରିବା ପାଇଁ ଚୀନ ସେନା ଷଡଯନ୍ତ୍ର କରିଥିଲେ । କିନ୍ତୁ ନଦୀର ପ୍ରଖର ସ୍ରୋତରେ ୩୮ଜଣ ପିଏଲଲ ସେନା ଭାସି ଯାଇଥିଲେ । ପୂର୍ବରୁ ଚୀନ ୪ଜଣ ସୈନିକଙ୍କ ମୃତ୍ୟୁ କଥା ସ୍ୱିକାର କରିଥିଲା । ତେଣୁ ମୋଟ ୪୨ଜଣଙ୍କ ମୃତ୍ୟୁ ହୋଇଥିବା ରିର୍ପୋଟରେ ଦାବି କରାଯାଇଛି ।
୨୦୨୦ ମସିହାରେ ଲଦାଖର ଗଲୱାନ ଉପତ୍ୟକାରେ ଭାରତୀୟ ଅଂଚଳକୁ କବଜା କରିବା ପାଇଁ ଚୀନ ଷଡଯନ୍ତ୍ରକୁ ଭାରତ ପଣ୍ଡ କରିଦେବା ପରେ ଚୀନ ରକ୍ତମୁଖା ହୋଇଉଠିଥିଲା । ଗଲୱାନ ଘାଟିରେ ଚୀନ ସେନା ସହିତ ଯେଉଁ ସଂଘର୍ଷ ହୋଇଥିଲା ସେଥିରେ ଆଇଟିବିପିର ୨୧ ଜଣ ଯବାନ ସହିଦ ହୋଇଥିଲେ । ଏଭଳି ଭୟଙ୍କର ଭାବେ ମୁହାଁମୁହିଁ ଗତ ୪୫ ବର୍ଷ ଭିତରେ ଦେଖିବାକୁ ମିଳିନଥିଲା । ପରସ୍ପର ଉପରେ ଲୁହା ଛଡ ଓ ପଥରରେ ଆକ୍ରମଣ କରୁଥିଲେ ।
ଭାରତ-ଚୀନ ଉତେଜନା କମ୍ କରିବାକୁ ବାରମ୍ବାର ପ୍ରୟାସ ଜାରି ରହିଛି । ଚୀନ ଉପରେ କୂଟନୈତିକ ଚାପ ପକାଇବାକୁ ଭାରତ ସରକାର ଅନେକ କଠୋର ପଦକ୍ଷେପ ବି ନେଇଛନ୍ତି । ହେଲେ ଗଲୱାନ ଘାଟିରେ ଚାଲାକ ଚୀନର ବିଶ୍ୱାସଘାତ ପରେ ପ୍ରକୃତ ନିୟନ୍ତ୍ରଣ ରେଖା ନିକଟରେ ଭାରତ ତାର ସାମରିକ ନିୟମ ଓ ସୀମା ପରିଚାଳନା ରଣନୀତିକୁ ପରିବର୍ତନ କରିଛି ।