କନକ ବ୍ୟୁରୋ : ଅନୁସୂଚିତ ଜନଜାତି ଲୋକଙ୍କ ଆବେଦନ ଓ କୋର୍ଟଙ୍କ ଆଦେଶକୁ ନେଇ ଆଦିବାସୀ ସମୁହ ବିରୋଧ ପ୍ରଦର୍ଶନ ଓ ଏହାକୁ ନେଇ ହିଂସା ପରେ ସେନା ହିଂସା ପ୍ରଭାବିତ ଅଞ୍ଚଳରେ ଫ୍ଲାଗମାର୍ଚ୍ଚ କରିଛି । ଇମ୍ଫାଲରେ ହିଂସା ପରେ ଗତ ରାତିରେ ମଣିପୁରର ୮ ଜିଲ୍ଲାରେ କର୍ଫ୍ୟୁ ଲଗାଯାଇଛି । ମଣିପୁର ସରକାର ଆଗାମୀ ୫ ଦିନ ଯାଏ ପୁରା ମଣିପୁରରେ ମୋବାଇଲ ଇଣ୍ଟରନେଟ୍ ବନ୍ଦ କରିଛନ୍ତି । ବଢୁଥିବା ହିଂସାକୁ ରୋକିବା ପାଇଁ ମଣିପୁର ସରକାର ସେନା ଓ ଆସାମ ରାଇଫଲକୁ ଡାକିଛି । ହିଂସା ପରେ ରାଜ୍ୟର ବିଭିନ୍ନ ଅଞ୍ଚଳରୁ ୪ହଜାର ଲୋକଙ୍କୁ ସେନା ଶିବିର ଓ ସରକାରୀ କାର୍ଯ୍ୟାଳୟରେ ଆଶ୍ରୟ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମୌତେଇ ସମୁଦାୟକୁ ଅନୁସୂଚିତ ଜନଜାତି ବର୍ଗରେ ସାମିଲ କରିବା ଦାବିକୁ ବିରୋଧ କରି ଏକ ଛାତ୍ର ସଂଗଠନ ଦ୍ୱାରା ଆହ୍ୱାନ ଦିଆଯାଇଥିଲା । ଏହି ଆଦିବାସୀ ଏକତା ମଂଚ ଦ୍ୱାରା ହିଂସା ଆରମ୍ଭ କରାଯାଇଥିଲା । ଅଲ୍ ଟ୍ରାଇବାଲ ଷ୍ଟୁଣ୍ଡେଣ୍ଟସ୍ ୟୁନିୟନ ଅଫ୍ ମଣିପୁର ତରଫରୁ କୁହାଯାଇଛି କି, ମୌତେଇ ସମୁଦାୟକୁ ଆଦିବାସୀ ଶ୍ରେଣୀରେ ସାମିଲ କରିବା ନେଇ ଯେଉଁ ଦାବି ହେଉଛି ତା ବିରୋଧରେ ସେମାନେ ସଂଗଠିତ ହୋଇଛନ୍ତି ।
All possible assistance being rendered by Army & Assam Rifles to provide succor to population rescued throughout the night. Approximate numbers of people being rendered assistance in various adhoc lodging places in Manipur are- Churachandpur- 5000, Imphal- 2000 and Moreh-2000:… pic.twitter.com/R1BImhnzgX
— ANI (@ANI) May 4, 2023
ଜଣେ ବରିଷ୍ଠ ପୋଲିସ ଅଧିକାରୀଙ୍କ କହିବା ମୁତାବକ ଏହି ରାଲିରେ ହଜାର ହଜାର ଆନ୍ଦୋଳନକାରୀ ସାମିଲ ହୋଇଥିଲେ । ଏହି କ୍ରମରେ ତୋରବଂଗ ଅଞ୍ଚଳରେ ଆଦିବାସୀ ଓ ଅଣ ଆଦିବାସୀଙ୍କ ମଧ୍ୟରେ ହିଂସା ଦେଖିବାକୁ ମିଳିଥିଲା । ଭିଡ ହିଂସାକୁ ନିୟନ୍ତ୍ରଣ କରିବାକୁ ପୋଲିସ ଲୁହବୁହା ଗ୍ୟାସ ପ୍ରୟୋଗ କରିଥିଲା ।