ପିଏମ ରୋଜଗାର ମେଳାରେ ଚାକିରି ପାଇଲେ ୭୧ ଆଶାୟୀ: ନିଯୁକ୍ତିପତ୍ର ପ୍ରଦାନ କରି ସମ୍ବୋଧନ କଲେ ପ୍ରଧାନମନ୍ତ୍ରୀ
କନକ ବ୍ୟୁରୋ: ରୋଜଗାର ମେଳାରେ ୭୧ହଜାର ଯୁବକଯୁବତୀଙ୍କୁ ନିଯୁକ୍ତି ପତ୍ର ଦେଲେ କେନ୍ଦ୍ର ସରକାର । ଗୁରୁବାର ପ୍ରଧାନମନ୍ତ୍ରୀ ମୋଦି ଭିଡିଓ କନଫେରେନ୍ସିରେ ଦେଶର ଯୁବଗୋଷ୍ଠୀଙ୍କୁ ସମ୍ବୋଧିତ କରିବା ସହ ନିଯୁକ୍ତ ପତ୍ର ବାଟିଂଛନ୍ତି । ମୋଦି କହିଛନ୍ତି, ଏକ ବିକଶିତ ଭାରତ ଗଢିବା ପାଇଁ ଯୁବପିଢୀଙ୍କ ପ୍ରତିଭା ଓ ଶକ୍ତିକୁ ଉପଯୁକ୍ତ ସୁଯୋଗ ଦେବାକୁ ସରକାର ପ୍ରତିବଦ୍ଧ । ଆଜିର ନୂତନ ଭାରତ ଯେଉଁ ନୀତି ଓ ରଣନୀତି ଦ୍ୱାରା ପରିଚାଳିତ ହେଉଛି, ତାହା ଦେଶ ପାଇଁ ନୂଆ ସମ୍ଭାବନା ଓ ନୂଆ ସୁଯୋଗର ଦ୍ୱାରା ଖୋଲିଛି । ବତର୍ମାନ ସମୟରେ ଭାରତ ବିଶ୍ୱର ସବୁଠୁ ଦ୍ରୁତ ଗତିରେ ବଢୁଥିବା ଅର୍ଥବ୍ୟବସ୍ଥା ପାଲଟିଛି । ସାରା ବିଶ୍ୱ କୋଭିଡ ମହାମାରୀ ପରେ ଆର୍ଥିକ ସଙ୍କଟ ଦେଇ ଗତି କରୁଛି । ଅଧିକାଂଶ ଦେଶର ଅର୍ଥବ୍ୟବସ୍ଥା ଲଗାତାର ଭାବେ ହ୍ରାସ ପାଇବାରେ ଲାଗିଛି, ଏଭଳିସ୍ଥଳେ ସାରା ବିଶ୍ୱ ଭାରତକୁ ଉଜ୍ୱଳ ତାରକା ଭାବେ ଦେଖୁଥିବା ନେଇ କହିଛନ୍ତି ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ରୋଜଗାର ମେଳାରେ ବିଭିନ୍ନ ରାଜ୍ୟରେ ଚୟନ ହୋଇଥିବା ଯୁବକ ଯୁବତୀଙ୍କୁ କେନ୍ଦ୍ର ସରକାରଙ୍କ ପକ୍ଷରୁ ଇଞ୍ଜିନିୟର, ଲୋକୋ ପାଇଲଟ, ଟେକ୍ସିସିଆନ୍, ନୀରିକ୍ଷକ, ଉପ-ନୀରିକ୍ଷକ, କନେଷ୍ଟବଳ, ନାଗ୍ରାଫର, ସାମାଜିକ ସୁରକ୍ଷା ଅଧିକାରୀ, ଗ୍ରାମୀଣ ଡାକ ସେବକ, ଆୟକର ନିରୀକ୍ଷକ, ଡାକ୍ତର ନର୍ସ, ପିଏ, ଏମଟିଏ ଭଳି ବିଭିନ୍ନ ପଦରେ ନିଯୁକ୍ତି ପାଇଛନ୍ତି । ଗତବର୍ଷ ୨୨ ଅକ୍ଟୋବରରେ ଦେଶରେ ରୋଜଗାର ମେଳାର ଆରମ୍ଭ କରିଥିଲେ କେନ୍ଦ୍ର ସରକାର । ଏପ୍ରିଲ ୧୩କୁ ମିସାଇ ମୋଟ ୩ଟି ପର୍ଯ୍ୟାୟରେ କେନ୍ଦ୍ର ସରକାର ନିଯୁକ୍ତି ପତ୍ର ବାଟିଂ ଦେଶର ଯୁବଗୋଷ୍ଠୀଙ୍କୁ ବିଭିନ୍ନ ବିଭାଗରେ ଚାକିରି ପ୍ରଦାନ କରିଛନ୍ତି ।
ମୋଦୀଙ୍କ ‘ରୋଜଗାର ମେଳା’
• ୨୨ ଅକ୍ଟୋବରରେ ୨୦୨୨୨ରେ ୭୫ହଜାର ନିଯୁକ୍ତି ପତ୍ର ମିଳିଥିଲା
• ୨୨ ନଭେମ୍ବରରେ ୨୦୨୨ରେ ୭୧ ହଜାର ନିଯୁକ୍ତିପତ୍ର ମିଳିଥିଲା
• ୧୩ ଏପ୍ରିଲରେ ୨୦୨୩ରେ ୭୧ହଜାର ନିଯୁକ୍ତି ପତ୍ର ମିଳିଛି
କେନ୍ଦ୍ର ସରକାର, ୨୦୨୩ ଶେଷ ସୁଦ୍ଧା ଦେଶରେ ୧୦ ଲକ୍ଷ ନିଯୁକ୍ତି ଦିଆଯିବା ନେଇ ଘୋଷଣା କରିଛନ୍ତି । ମୋଟ ୧୮ମାସରେ ଏହି ନିଯୁକ୍ତି ପ୍ରକ୍ରିୟା ଶେଷ କରାଯିବ ଓ ବେକାରୀ ଯୁବକଯୁବତୀ ସ୍ୱାଭଲମ୍ବି କରିବାକୁ ଲକ୍ଷ୍ୟ ରଖାଯାଇଛି ।