ପାକିସ୍ତାନ ମନ୍ଦିରରେ ଗୁଞ୍ଜରିତ ହେଲା ଶଙ୍ଖଧ୍ୱନି ! ୭୨ ବର୍ଷ ପରେ ଖୋଲିଲା ଏହି ପୁରାତନ ମନ୍ଦିର, ଲୋକେ କଲେ ପୂଜାର୍ଚ୍ଚନା ।
କନକ ବ୍ୟୁରୋ : ଆଜି ଆଲୋକର ପର୍ବ ଦୀପାବଳି । ଉତ୍ସବମୁଖର ହୋଇପଡିଛି ପୂରପଲ୍ଲୀ । ଆଉ ଏତିକିବେଳେ ପାକିସ୍ତାନ ପଟୁ ଆସିଛି ବଡ ଖବର । ଭାରତ ପାକିସ୍ତାନ ବିଭାଜନ ସମୟରୁ ପାକିସ୍ତାନର ସିଆଲକୋଟରେ ଥିବା ୧ ହଜାର ବର୍ଷ ପୁରୁଣା ଶିବାଲା ତେଜା ସିଂହ ମନ୍ଦିର ବନ୍ଦ ହୋଇପଡିଥିଲା ।
କିନ୍ତୁ ପାକିସ୍ତାନ ସରକାର ଏବେ ପାଖାପାଖି ୫୦ ଲକ୍ଷ ଟଙ୍କା ଖର୍ଚ୍ଚ କରି ୭୨ ବର୍ଷ ଧରି ବନ୍ଦ ହୋଇପଡିଥିବା ଏହି ମନ୍ଦିରକୁ ପୁଣି ଥରେ ଖୋଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଭାଜନ ପରେ ଆଜି ପ୍ରଥମ ଥର ପାଇଁ ଏହି ମନ୍ଦିରରେ ଶଙ୍ଖ ଗୁଞ୍ଜରିତ ହୋଇଛି ଏବଂ ଲୋକମାନେ ପୂଜାର୍ଚ୍ଚନା ମଧ୍ୟ କରିଛନ୍ତି । ସ୍ଥାନୀୟ ହିନ୍ଦୁଙ୍କ କହିବା ଅନୁସାରେ, ମନ୍ଦିରର ସଂରକ୍ଷଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା । ଏନେଇ ଦୀର୍ଘ ଦିନରୁ ମଧ୍ୟ ଦାବି ହୋଇଆସୁଥିଲା ।
ତେବେ ସବୁଠାରୁ ବଡ କଥା ହେଉଛି, ବିଭାଜନ ପରେ ଭାରତ ପାକିସ୍ତାନ ସିନା ଅଲଗା ହୋଇଗଲେ, କିନ୍ତୁ ହିନ୍ଦୁ ମାନ୍ୟତା ସହ ଯୋଡି ହୋଇଥିବା ଏମିତି ଅନେକ ସ୍ମୃତି ଆଜି ବି ପାକିସ୍ତାନରେ ହିଁ ରହିଯାଇଛି । ପାକିସ୍ତାନରେ ଏମିତି ଅନେକ ମନ୍ଦିର ରହିଛି, ଯାହାକି ଅନେକ ପ୍ରସିଦ୍ଧ ଅଟେ । ପାକିସ୍ତାନର ଗୋରଖନାଥ ମନ୍ଦିର ଏହା ମଧ୍ୟରୁ ଅନ୍ୟତମ ଅଟେ । ଏହି ଐତିହାସିକ ମନ୍ଦିର ୧୬୦ ବର୍ଷ ପୁରୁଣା ଅଟେ । ଏହି ମନ୍ଦିର ମଧ୍ୟ ବିଭାଜନ ସମୟରୁ ବନ୍ଦ ହୋଇପଡିରହିଥିଲା, କିନ୍ତୁ ପେଶାବର ହାଇକୋର୍ଟଙ୍କ ଆଦେଶ ପରେ, ୨୦୧୧ ନଭେମ୍ବରରେ ଏହାକୁ ପୁଣି ଥରେ ଖୋଲାଯାଇଥିଲା ।