କନକ ବ୍ୟୁରୋ: ପ୍ରଧାନମନ୍ତ୍ରୀ ମୋଦୀଙ୍କ ସ୍ୱତନ୍ତ୍ର ରେଡିଓ କାର୍ଯ୍ୟକ୍ରମ ‘ମନ କି ବାତ୍@୧୦୦’ ପାଳନ ଅବସରରେ ଦିଲ୍ଲୀରେ ଆୟୋଜିତ ହୋଇଥିଲା ସ୍ୱତନ୍ତ୍ର କନକ୍ଲେଭ୍ । ଏଥିରେ ୧୦୦ ଜଣ ସ୍ୱତନ୍ତ୍ର ଅତିଥିଙ୍କ ମଧ୍ୟରେ ନିମନ୍ତ୍ରିତ ହୋଇଥିଲେ ପୁନମ୍ ଦେବୀ । ଯିଏକି ୯ ମାସର ଗର୍ଭବତୀ ଥିଲେ । ହେଲେ ଆଶ୍ଚର୍ଯ୍ୟକର କଥା ହେଉଛି ଦିଲ୍ଲୀରେ ଉପରାଷ୍ଟ୍ରପତି ,ସମସ୍ତ ମନ୍ତ୍ରୀ ଓ ବିଶିଷ୍ଟ ବ୍ୟକ୍ତିଙ୍କ ଗହଣରେ ଏହି କନକ୍ଲେଭ ଚାଲିଥିବାବେଳେ ପୁନମଙ୍କର ପ୍ରସବ ଯନ୍ତ୍ରଣା ଆରମ୍ଭ ହୋଇଥିଲା । ସେଠାରୁ ତାଙ୍କୁ ତୁରନ୍ତ ରାମ ମନୋହର ଲୋହିୟା ହସ୍ପିଟାଲକୁ ନିଆଯାଇଥିଲା । ସେଠାରେ ସେ ଏକ ସୁସ୍ଥ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁନମ ଦେବୀ ମୋଦୀଙ୍କ ‘ମନ କି ବାତ୍ “୧୦୦ କନକ୍ଲେଭ୍’ ରେ ୧୦୦ ଜଣ ବିଶେଷ ଅତିଥିଙ୍କ ମଧ୍ୟରେ ଜଣେ ଥିଲେ । ପୂର୍ବରୁ ଏକ ‘ମନ କି ବାତ୍’ ଏପିସୋଡରେ ପ୍ରଧାନମନ୍ତ୍ରୀ ମୋଦୀ ଉତ୍ତରପ୍ରଦେଶ ଲଖିମପୁର ବାସିନ୍ଦା ପୁନମ ଦେବୀଙ୍କ କଥା ଦେଶବାସୀଙ୍କୁ କହିଥିଲେ । ପୁନମ୍ ଦେବୀ ଏକ ସ୍ୱୟଂ ସହାୟକ ଗୋଷ୍ଠୀର ପରିଚାଳିକା । ସେ ଜୈବିକ ପଦାର୍ଥକୁ ବିନିଯୋଗ କରି ବିଭିନ୍ନ ଘରକରଣା ପ୍ରସ୍ତୁତ କରି ଲୋକଲୋଚନକୁ ଆସିଥିଲେ । କଦଳୀ ଚେପା ଓ କଦଳୀ ଗଛର ବିଭିନ୍ନ ଅଂଶକୁ ନେଇ ବିଭିନ୍ନ ଘର କରଣା ସାମଗ୍ରୀ ପ୍ରସ୍ତୁତ କରିବା ସହ ମହିଳାଙ୍କୁ ପ୍ରଶିକ୍ଷଣ ଦେଉଥିଲେ । ଏପରି ଭାବେ ସେ ଅନେକ ମହିଳାଙ୍କ ସ୍ୱାବଲମ୍ବୀ କରିପାରିଛନ୍ତି ।