ଆଜି ବିଶ୍ୱ ଦେଖୁଛି ଭାରତର ଶକ୍ତି । କର୍ତ୍ତବ୍ୟପଥରେ ବ୍ରହ୍ମୋସ ଠାରୁ ନେଇ ନାଗ ମିସାଇଲ ସିଷ୍ଟମର ପରାକ୍ରମ ଦେଖାଉଛି ସେନା
କନକ ବ୍ୟୁରୋ : ଦେଶ ଆଜି ୭୪ତମ ଗଣତନ୍ତ୍ର ଦିବସ ପାଳନ କରୁଛି । ଏହି ଜାନୁଆରୀ ୨୬ ତାରିଖ ଦେଶ ଓ ଦେଶବାସୀଙ୍କ ପାଇଁ ଏକ ସ୍ୱତନ୍ତ୍ର ଦିନ । ଆଜିର ଦିନରେ ଭାରତର ସମ୍ବିଧାନ ଲାଗୁ ହୋଇଥିଲା । ଏହି ଅବସରରେ ଆଜି ଭାରତୀୟ ସେନା ଦିଲ୍ଲୀର କର୍ତ୍ତବ୍ୟପଥରେ ସାରା ବିଶ୍ୱକୁ ନିଜର ପରାକ୍ରମ ଦେଖାଇବାକୁ ପ୍ରସ୍ତୁତ ହୋଇଛି । ପରେଡ ସମୟରେ ଭାରତୀୟ ସେନା ବିଶ୍ୱକୁ ସ୍ୱଦେଶୀର ବର୍ତ୍ତା ଦେବାକୁ ଚେଷ୍ଟା କରିଛି । ଅର୍ଥାତ ଆଜିର ପରେଡରେ ଭାରତୀୟ ସେନା ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଅସ୍ତ୍ରଶସ୍ତ୍ର ଉପରେ ଫୋକସ କରିଛି । ପରେଡରେ ଯେଉଁ ୨୧ ତୋପୀ ସଲାମୀ ଦିଆଯାଇଛି ତାହାବି ଭାରତରେ ନିର୍ମିତ ହୋଇଥିବା ୧୦୫ଏମଏମ ଇଣ୍ଡିଆନ ଫିଲ୍ଡ ବନ୍ଧୁକରେ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜିର କାର୍ଯ୍ୟକ୍ରମରେ ଭାରତୀୟ ସେନା ଯେଉଁ ଅସ୍ତ୍ରଶସ୍ତ୍ରର ପ୍ରଦର୍ଶନ କରିବ ତାହା ମଧ୍ୟରେ ରହିଛି ଭାରତରେ ନିର୍ମିତ ବ୍ରହ୍ମୋସ ମିସାଇଲ ସିଷ୍ଟମ ଓ ଆକାଶ ଆର୍ମି ଲଞ୍ଚର । ଏହା ବ୍ୟତୀତ ନାଗ୍ ମିସାଇଲ ସିଷ୍ଟମ, କେ୯ ବଜ୍ର ଆର୍ଟିଲରି ଗନ, ଅର୍ଜୁନ ସାର୍କ ଟ୍ୟାଙ୍କ, ବିଏମପି-୨ସାରଥ, ଶର୍ଟ ସ୍ପିନ୍ ବ୍ରିଜ ସିଷ୍ଟମ, ମୋବାଇଲ ସିକ୍ୟୁରିଟି ସିଷ୍ଟମ ଓ କ୍ୱିକ୍ ଆକ୍ସନ ଟିମ୍ ଭେଇକିଲ ବି ନିଜର ଶକ୍ତି ପ୍ରଦର୍ଶନ କରିବ । ଏହାସହ ପ୍ରଥମଥର ପାଇଁ ଶତ୍ରୁଠାରୁ ସହଜରେ ରକ୍ଷା ପାଇବାକୁ ଦେଶରେ ନିର୍ମିତ ହୋଇଥିବା ଗରୁଡ କମାଣ୍ଡୋ ବି ପରେଡରେ ସାମିଲ ହେବ ।
କେବଳ ସେତିକି ନୁହେଁ ଦିଲ୍ଲୀ କ୍ଷେତ୍ରରେ ଚିଫ୍ ଅଫ ଷ୍ଟାଫ ମେଜର ଜେନରାଲ ଭାବନୀଶ କୁମାର କହିଛନ୍ତି କି , ସେନାର ଫ୍ଲାଇ ପାଷ୍ଟରେ ଦୁଇଟି ସ୍ୱଦେଶୀ ଧୃବ ଉନ୍ନତ ହାଲକା ହେଲିକପ୍ଟର ଓ ଦୁଇଟି ରୁଦ୍ର ହେଲିକପ୍ଟର ସାମିଲ ହେବ । ପରେଡରେ ୬୧ଟି ଫେବଲରୀ, ୯ଟି ମଶିନୀକୃତ କାଲମ, ୬ଟି ମାଚିଂ ଦଳ, ୩ ପରିମବୀର ଚକ୍ର ଓ ୩ ଅଶୋକ ଚକ୍ର ପୁରସ୍କାର ବିଜେତା ସାମିଲ ହେବେ ।
ଦିଲ୍ଲୀ ପୋଲିସର ସୂଚନା ମୁତାବକ ଆଜି ୬୫ ହଜାର ଲୋକ କର୍ତ୍ତବ୍ୟ ପଥରେ ପରେଡ ଦେଖିବେ । ହଜାର ହଜାର ଲୋକଙ୍କୁ ଆଜି ଦେଶରେ ନିର୍ମିତ ହୋଇଥିବା ଅତ୍ୟାଧୁନିକ ଅସ୍ତ୍ରଶସ୍ତ୍ର ଦେଖିବାର ସୁଯୋଗ ମିଳିବ । ଏହାସହ ମୋଟ ୨୩ଟି ମେଢ ଆଜି ଭାଗ ନେଉଛନ୍ତି । ଏହା ଦେଶର ଜୀବିତ ଥିବା ସାଂସ୍କୃତିକ ଇତିହାସର ଏକ ନମୂନା ।