କନକ ବ୍ୟୁରୋ : ସରକାର ବିରୋଧରେ ସାଂଘାତିକ ଅଭିଯୋଗ ଆଣିଲା ରାଜ୍ୟ ବିଜେପି । ପଂଚାୟତ ନିର୍ବାଚନ ଭୋଟର ତାଲିକାରେ ବ୍ୟାପକ ହେରଫେର ହୋଇଥିବା ଅଭିୋଗ କଲେ ବିଜେପି ଉପସଭାପତି ସମୀର ମହାନ୍ତି । ଭୋଟର ଲିଷ୍ଟ ପ୍ରସ୍ତୁତିରେ ବ୍ୟାପକ ଚଂଚକତା ହୋେଇଛି । ହାତରେ ଭୋଟରଙ୍କ ନାଁ ଲେଖାଯାଇ ତାଲିକାରେ ଯୋଡା ଯାଇଥିବା ଅଭିଯୋଗ କରିଛନ୍ତି ସମୀର ।
Kanak News is now on WhatsApp
Join and get latest news updates delivered to you via WhatsApp
ପ୍ରେସମିଟ୍ କରି ବିଜେପି ଉପସଭାପତି ଅଭିଯୋଗ କରିଛନ୍ତି ଯେ ପ୍ରତି ବୁଥରେ ୪୦ରୁ ୫୦ ଜଣ ଭୋଟରଙ୍କ ନାଁ ଅଧିକ ଯୋଡା ଯାଇଛି । ତୃତୀୟ ମହଲା ଇଂଗିତରେ ସ୍ଥାନୀୟ ପ୍ରଶାସନ କାମ କରୁଛି ବୋଲି ଅଭିଯୋଗ କରିଛି ବିଜେପି । ବାଲେଶ୍ୱର ଓରଂଗା-ସାରଙ୍ଗ ଗ୍ରାମପଂଚାୟତ ଏହାର ଉଦାହରଣ ବୋଲି ସମୀର କହିଛନ୍ତି ।
ସେପଟେ ସମୀର ମହାନ୍ତିଙ୍କ ଅଭିଯୋଗ ନେଇ ପ୍ରତିକ୍ରିୟା ରଖିଛନ୍ତି ବିଜେଡି ମୁଖପାତ୍ର ଶଶିଭୁଷଣ ବେହେରା । କହିଛନ୍ତି ଯଦି କିଛି ନିର୍ଦ୍ଧିଷ୍ଟ ଅଭିଯୋଗ ଅଛି ତାହାକୁ ରାଜ୍ୟ ନିର୍ବାଚନ କମିସନଙ୍କ ନିକଟରେ ଉପସ୍ଥାପନ କରନ୍ତୁ । ରାଜ୍ୟ ବିଜେପିର ନିଜ ଉପରେ ଭରଷା ନପାଇବାରୁ କେନ୍ଦ୍ରରୁ ଗଣ୍ଡା ଗଣ୍ଡା ମନ୍ତ୍ରୀ ଆଣି ନିର୍ବାଚନ ପ୍ରଚାର କରୁଛି । ଦ୍ୱିତୀୟ ସ୍ଥାନରେ ରହିବା ପାଇଁ କଂଗ୍ରେସ ଓ ବିଜେପି ପ୍ରତିଦ୍ୱନ୍ଦିତା କରୁଛନ୍ତି ।