ନେହେରୁ ନିଜ ନାଁ ପାଇଁ ନୁହେଁ, କାମ ପାଇଁ ପରିଚିତ ଥିଲେ । କାହିଁକି ଏମିତି କହିଲେ କଂଗ୍ରେସ ସାଂସଦ ରାହୁଲ ଗାନ୍ଧୀ?
କନକ ବ୍ୟୁରୋ : ନେହେରୁ ମେମୋରିଆଲର ନାମ ପରିବର୍ତ୍ତନକୁ ନେଇ ରାଜନୀତି ତେଜିଥିବା ବେଳେ ମୁହଁ ଖୋଲିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ଲଦାଖ ଗସ୍ତ ସମୟରେ ବିମାନବନ୍ଦରରେ ଏନେଇ ଯେତେବେଳେ ପ୍ରଶ୍ନ ପଚରାଯିବାରୁ ରାହୁଲ କହିଛନ୍ତି, ନେହେରୁ ଜୀ ନିଜ ନାଁକୁ ନେଇ ପରିଚିତ ନଥିଲେ ବରଂ କାମକୁ ନେଇ ପରିଚିତ ଥିଲେ । ସେହିଭଳି କଂଗ୍ରେସ ନେତା ସନ୍ଦୀପ ଦୀକ୍ଷିତ ଏହି ପ୍ରସଙ୍ଗରେ ମୋଦୀ ସରକାରକୁ ଟାର୍ଗେଟ କରିବା ସହ କହିଛନ୍ତି, ନାଁ ଏଥିପାଇଁ ବଦଳା ଯାଇନି ଯେ ଅନ୍ୟ ପ୍ରଧାନମନ୍ତ୍ରୀଙ୍କ କାମ ଦେଖାଯାଇପାରିବ । ବରଂ ନେହେରୁଙ୍କର ନାଁକୁ ଚାପି ଦେବାକୁ ଏଭଳି କରାଯାଉଛି । ୧୭ ବର୍ଷ ମଧ୍ୟରେ ଜବାହାରଲାଲ ନେହେରୁ ଯେଉଁ କାର୍ଯ୍ୟ କରିଛନ୍ତି ସେଭଳି କାମ କୌଣସି ପ୍ରଧାନମନ୍ତ୍ରୀ କରିନାହାନ୍ତି । ଯେଉଁଥିପାଇଁ ଅତି ଚାଲାକିର ସହ ନେହେରୁଙ୍କର ନାଁ ପରିବର୍ତ୍ତନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
#WATCH | On Nehru Memorial Museum and Library renamed as Prime Minister’s Museum and Library, Congress leader Rahul Gandhi says “Nehru Ji is known for the work he did and not just his name”
(Nehru Ji ki pehchaan unke karam hai, unka naam nahi) pic.twitter.com/X2otaLJiPa
— ANI (@ANI) August 17, 2023
କେନ୍ଦ୍ର ସରକାର ନେହେରୁ ମେମୋରିଆଲର ନାମ ପରିବର୍ତ୍ତନ କରି ପିଏମ ମ୍ୟୁଜିୟମ ଆଣ୍ଡ ଲାଇବ୍ରେରୀ କରିଛନ୍ତି । ସ୍ୱାଧୀନତା ଦିବସରେ ବିଧିବଦ୍ଧ ଭାବେ ଏହି ନାଁକୁ ପରିବର୍ତ୍ତନ କରାଯାଇଛି । ତେବେ ମୋଦୀ ସରକାରଙ୍କ ଏଭଳି ନିଷ୍ପତ୍ତିକୁ ନେଇ ଏବେ କଂଗ୍ରେସ ନେତା ମୁହଁ ଖୋଲିଛନ୍ତି । ମୋଦୀ ସରକାରକୁ ଟାର୍ଗେଟ କରୁଛନ୍ତି କଂଗ୍ରେସର ବରିଷ୍ଠ ନେତା ।