ଧର୍ମେନ୍ଦ୍ରଙ୍କ ପରାଜୟ ସୁନିଶ୍ଚିତ । କେନ୍ଦ୍ରମନ୍ତ୍ରୀଙ୍କ ଉପରେ ବର୍ଷିଲେ ଭୃଗୁ ବକ୍ସିପାତ୍ର
କନକ ବ୍ୟୁରୋ : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ବର୍ଷିଲା ବିଜେଡି । ନିଯୁକ୍ତି ଓ ଏନଏଚ୍ ପ୍ରସଙ୍କ ଉଠାଇ ଧର୍ମେନ୍ଦ୍ରଙ୍କୁ କଡା ସମାଲୋକନା କରିଛନ୍ତି ଭୃଗୁ ବକ୍ସିପାତ୍ର । ସେ କହିଛନ୍ତି, ଟଙ୍କା ବାଣ୍ଟିବାର ମିଛ ଅଭିଯୋଗ ଆଣୁଛନ୍ତି ଧର୍ମେନ୍ଦ୍ର । ସରକାରୀ କଳର ବ୍ୟବହାର ନେଇ ମିଛି ଅଭିଯୋଗ ଆଣିଛନ୍ତି । ବିଜେପି ଯେତେବେଳେ ହାରିବାକୁ ଯାଏ ସେତେବେଳେ ମିଛ ଅଭିଯୋଗ ଆରମ୍ଭ କରେ । କେନ୍ଦ୍ରମନ୍ତ୍ରୀଙ୍କ ଉପରେ ଲୋକଙ୍କ ଅସନ୍ତୋଷ ରହିଛି । ପରାଜୟ ଭୟରେ ମିଛି ଅଭିଯୋଗ ଆଣି ଭୋଟରଙ୍କୁ ବିଭ୍ରାନ୍ତ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ରାଜପଥ ପ୍ରସଙ୍ଗ ଉଠାଇ ଭୃଗୁ ଆହୁରି କହିଛନ୍ତି କି, ସମ୍ବଲପୁର ଜାତୀୟ ରାଜପଥର ଅବସ୍ଥା ଓଡିଶାବାସୀ ଦେଖିଛନ୍ତି । ଜାତୀୟ ରାଜପଥ ପରିସ୍ଥିତି ବହୁତ ଖରାପ । ସମ୍ବଲପୁରରେ ଗୋଟିଏ ବି କେନ୍ଦ୍ରୀୟ ବିଦ୍ୟାଳୟ ଖୋଲାଯାଇନାହିଁ । ଦକ୍ଷତା ବିକାଶ ପାଇଁ କୌଣସି ଅନୁଷ୍ଠାନ କରିନାହାନ୍ତି ଧର୍ମେନ୍ଦ୍ର । ଜଗନ୍ନାଥ ପରିକ୍ରମା ପ୍ରକଳ୍ପ ଓ ସମଲେଶ୍ୱରୀ ମନ୍ଦିରର ଉନ୍ନୟନ କାମକୁ ବିଜେପି ନେତା ନାପସନ୍ଦ କରିଆସିଛନ୍ତି । ଅନ୍ୟପଟେ ଓଡିଶା କୋଇଲା ସର୍ବ ଭାରତରେ ବ୍ୟବହାର ହେଉଛି କିନ୍ତୁ ଏମସିଏଲରେ ଓଡିଆ ଯୁବକଙ୍କୁ ନିଯୁକ୍ତି ମିଳୁନାହିଁ । ବିହାର ଓ ମଧ୍ୟପ୍ରଦେଶ ଲୋକଙ୍କୁ ନିଯୁକ୍ତି ମିଳୁଛି ବୋଲି କହି ଧର୍ମେନ୍ଦ୍ରଙ୍କୁ ଟାର୍ଗେଟ୍ କରିଛନ୍ତି ଭୃଗୁ ବକ୍ସିପାତ୍ର