କନକ ବ୍ୟୁରୋ: କନକ ନ୍ୟୁଜର ପ୍ରଭାବ । ନୟାଗଡ଼ ସେକ୍ସ ସ୍କାଣ୍ଡାଲ ମାମଲାରେ ଜେଲ୍ ଗଲେ ଅଧ୍ୟାପକ ସୂର୍ଯ୍ୟମଣି ପ୍ରଧାନ ଓରଫ କାଳିଆ ସାର । କନକ ନ୍ୟୁଜରେ ଖବର ପ୍ରସାରଣ ପରେ ପୁଲିସ ନିଜ ଆଡୁ ମାମଲା ରୁଜୁ କରି କାଳିଆ ସାରଙ୍କୁ ଗିରଫ କରି କୋର୍ଟ ଚାଲାଣ କରିଛିି ।
Kanak News is now on WhatsApp
Join and get latest news updates delivered to you via WhatsApp
କାଳିଆ ସାର କଲେଜ ପ୍ରାକ୍ଟିକାଲରେ ମାର୍କ କାଟିଦେବାକୁ ଧମକ ଦେଇ ଛାତ୍ରୀ ମାନଙ୍କ ସହ ଜୋର ଜବରଦସ୍ତ ଯୌନ ସମ୍ପର୍କ ରଖୁଥିଲେ ବୋଲି ଅଭିଯୋଗ ହୋଇଥିଲା । ଏହାକୁ ନେଇ ସୋସିଆଲ ମିଡିଆରେ ମଧ୍ୟ ଏକ ଅଡିଓ ଘୁରି ବୁଲୁଥିଲା । ଏହି ଅଡିଓ ଟେପ୍ ଆଧାରରେ ଗତ ସୋମବାର ଖବର ପ୍ରସାରଣ କରିଥିଲା କନକ ନ୍ୟୁଜ୍ । ଖବର ପ୍ରସାରଣ ପରେ ନୟାଗଡ଼ରେ ନଜର ଆସିଥିଲା ଅସନ୍ତୋଷର ନିଆଁ । ବିଭିନ୍ନ ସଂଗଠନ ରାସ୍ତାକୁ ଓହ୍ଲାଇଥିଲେ । ଏବଂ କାଳିଆ ସାରଙ୍କୁ ଗିରଫ କରିବା ପାଇଁ ଦାବି ଜୋରଦାର ହୋଇଥିଲା । ଅନ୍ୟପଟେ କଲେଜ କର୍ତ୍ତୃପକ୍ଷ ପ୍ରେସମିଟ୍ କରି କହିଛନ୍ତି ପୁଲିସରୁ ରିପୋର୍ଟ ଆସିବା ପରେ ଅଭିଯୁକ୍ତ ଅଧ୍ୟାପକଙ୍କ ବିରୋଧରେ ପରବର୍ତ୍ତି ପଦକ୍ଷେପ ଗ୍ରହଣ କରିବେ ।
ଉଲ୍ଲେଖଯୋଗ୍ୟ କି, ନୟାଗଡ଼ ଜିଲ୍ଲାର ଜଣେ କଲେଜ ଛାତ୍ରୀଙ୍କ ସହ ଘଟିଛି ଏଭଳି ଘଟଣା । ଏ ସଂପର୍କରେ ଛାତ୍ରୀଙ୍କର ଜଣେ ସାଙ୍ଗ ସଂପୃକ୍ତ ଅଧ୍ୟାପକଙ୍କ ସ୍ତ୍ରୀଙ୍କୁ ଏ ବିଷୟ ଜଣାଇବା ପରେ ଘଟଣାର ପର୍ଦାଫାସ୍ ହୋଇଛି। କେବଳ ଏତିକି ନୁହେଁ, ଏହି କଥାବାର୍ତ୍ତାର ଅଡିଓ ଟେପ୍ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ଜିଲ୍ଲାସାରା ଚାଞ୍ଚଲ୍ୟ ସୃଷ୍ଟି ହୋଇଛି ।
ଛାତ୍ରୀ ଜଣକ ଅଧ୍ୟାପକଙ୍କ କଳା କାରନାମା ବର୍ଣ୍ଣନା କରିଛନ୍ତି । ଅଡିଓ ଟେପରେ ଛାତ୍ରୀ ଜଣକ ନୟାଗଡ଼ ନାଁ ଉଚ୍ଚାରଣ କରୁଥିବାରୁ ଏହି ଘଟଣା ନୟାଗଡ଼ ଜିଲ୍ଲାର କୌଣସି ଏକ କଲେଜରେ ହୋଇଥିବା ସନ୍ଦେହ ହେଉଛି । ଛାତ୍ରୀ ଜଣଙ୍କ ସଂପୃକ୍ତ ଅଧ୍ୟାପକଙ୍କ ନାଁ କାଳିଆ ସାର୍ ବୋଲି କହିଛନ୍ତି । କହିଛନ୍ତି, ‘କାଳିଆ ସାର୍ ବହୁ ଝିଅଙ୍କ ଜୀବନ ବରବାଦ୍ କରିଛନ୍ତି, ସେ ସବୁବେଳେ ଫାଇଦା ଉଠାଇବାକୁ ଚାହାଁନ୍ତି । କେହି ଯଦି ତାଙ୍କ କଥାରେ ରାଜି ନହେଲା, ତେବେ ତାକୁ ଉଦ୍ଦେଶ୍ୟମୂଳକ ଭାବେ ହଇରାଣ କରନ୍ତି । ଆମ ଗାଁର ପୂଜା ମୋର ସାଙ୍ଗ । ଦୁଇ ଜଣ ନୟାଗଡ଼ରେ ଯୁକ୍ତ ଦୁଇ ପଢ଼ିବାକୁ ଆସି କାଳିଆ ସାରଙ୍କ ହଷ୍ଟେଲରେ ରହିଥିଲୁ । ହଷ୍ଟେଲ୍ରେ ଯେଉଁ ରୁମରେ ବାସନ ରୁହେ, ସେଠାରେ କାଳିଆ ସାର୍ ପୂଜାକୁ ପ୍ରଥମେ ରେପ୍ କରିଥିଲେ । ପରେ ପ୍ରାକ୍ଟିକାଲରେ ମାର୍କ କମାଇଦେବାକୁ ଧମକାଇ ତା ସହ ବହୁବାର ଶାରୀରିକ ସଂପର୍କ ରଖିଛନ୍ତିଟ୍ଟ.. ।’
୧୮ ମିନିଟ୍ ୬ ସେକେଣ୍ଡର ଏହି ଅଡିଓ ଟେପରେ ଏଭଳି ଅନେକ ଚାଞ୍ଚଲ୍ୟକର କଥା କହିଛନ୍ତି ଛାତ୍ରୀ ଜଣକ । କେବଳ ସେତିକି ନୁହେଁ, ଛାତ୍ରୀ ଜଣକ ଏହି ବାର୍ତାଳାପ ସଂପର୍କରେ କାଳିଆ ସାରଙ୍କୁ କିଛି ନକହିବାକୁ କହିଛନ୍ତି । କାଳିଆ ସାରଙ୍କୁ କହିଲେ ତାଙ୍କ ଜୀବନ ପ୍ରତି ବିପଦ ଥିବା ସେ କହିଛନ୍ତି । ଏପରି ଏକ ସମ୍ବେଦନଶୀଳ ଘଟଣାରେ କଠୋରରୁ କଠୋର କାର୍ଯ୍ୟାନୁଷ୍ଠାନ ହେବା ଦରକାର ବୋଲି ବିଭିନ୍ନ ମହଲରୁ ଦାବି ହୋଇଛି ।