ନିର୍ବାଚନ ଆଚରଣ ବିଧି ଉଲ୍ଲଂଘନ ଅଭିଯୋଗ ! ପ୍ରଚାର ବନ୍ଦ ପରେ ରାହୁଲଙ୍କ ସାକ୍ଷାତକାର ପ୍ରସାରଣ ନେଇ ନିର୍ବାଚନ କମିଶନଙ୍କ ଆଗରେ ବିଜେପିର ଫେରାଦ
କନକ ବ୍ୟୁରୋ: ଗୁଜୁରାଟ ନିର୍ବାଚନ ଆଜି ହେଉଥିବାବେଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନୁଆ ବିବାଦରେ ଫସିଯାଇଚନ୍ତି । ନିର୍ବାଚନ ଆଚରଣ ବିଧି ଉଲ୍ଲଂଘନ ଅଭିଯୋଗ ହୋଇଛି । ତାଙ୍କ ବିରୋଧରେ ମାମଲା ରୁଜୁ କରିବାକୁ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି । ମତଦାନର ୪୮ ଘଂଟା ପୁର୍ବରୁ ରାହୁଲ ଏକ ଜାତୀୟ ଗଣମାଧ୍ୟମକୁ ଇଂଟରଭିୟୁ ଦେଇଥିଲେ । ଯେଉଁଥିରେ ସେ ଭାଜପାକୁ କଡା ଭାଷାରେ ସମାଲୋଚନା କରିଥିଲେ । ଏହାକୁ ବିରୋଧ କରି ଭାଜପା ପକ୍ଷରୁ ନିର୍ବାଚନ ଆୟୋଗଙ୍କ ପାଖରେ ଅଭିଯୋଗ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିୟମ ମୁତାବକ, ନିର୍ବାଚନର ୪୮ ଘଂଟା ପୁର୍ବରୁ ଭୋଟରଙ୍କୁ ପ୍ରଭାବିତ କଲାଭଳି କୌଣସି ଆରୋପ ପ୍ରତ୍ୟାରୋପ କରାଯିବ ନାହିଁ । କିନ୍ତୁ ରାହୁଲ ଏହାକୁ ମାନିନଥିଲେ । ରାହୁଲଙ୍କୁ ଆସନ୍ତା ୧୮ ତାରିଖ ସଂଧ୍ୟା ୫ଟା ସୁଦ୍ଧା ଜବାବ ରଖିବାକୁ ମଧ୍ୟ କମିଶନ କହିଛନ୍ତି । ଏହି ସାକ୍ଷାତକାର ପ୍ରସାରଣ କରିଥିବା ଚ୍ୟାନେଲକୁ ମଧ୍ୟ ନୋଟିସ ଜାରି କରିଛନ୍ତି ନିର୍ବାଚନ କମିଶନ । ଏହି ଚ୍ୟାନେଲ ବିରୋଧରେ ମଧ୍ୟ ମାମଲା ରୁଜୁ କରିବାକୁ କହିଛନ୍ତି କମିଶନ ।
ସେପଟେ ମୋଦିଙ୍କ ବିରୋଧରେ ନିର୍ବାଚନ କମିଶନଙ୍କ ଦ୍ୱାରସ୍ଥ ହୋଇଛି କଂଗ୍ରେସ । ମୋଦିଙ୍କ ବିରୋଧରେ ମାମଲା ରୁଜୁ କରିବାକୁ କଂଗ୍ରେସର ପ୍ରତିନିଧି ଦଳ ନିର୍ବାଚନ କମିଶନଙ୍କୁ ଅନୁରୋଧ କରିଛନ୍ତି । ମୋଦିଙ୍କ ସହ ଅମିତ ଶାହା, ଅରୁଣ ଜୋଟେଲି ଓ ପିୟୁଷ ଗୋଏଲଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ପାଇଁ ଦାବି କରିଛି କଂଗ୍ରେସ ।