ସତରେ ନାଗ ମୃତ୍ୟୁରେ ନାଗୁଣୀ ନେଇଥାଏ କି ପ୍ରତିଶୋଧ ? ଏହା ପଛରେ କ’ଣ ରହିଛି ମୁଖ୍ୟ କାରଣ ? ଚମକାଇ ଦେବ ବିଶେଷଜ୍ଞଙ୍କ ମତ !
କନକ ବ୍ୟୁରୋ : ଆପଣମାନେ ଅନେକ ବଲିଉଡ ଫିଲ୍ମରେ ଦେଖିଥିବେ କି, ନାଗ ମୃତ୍ୟୁର ପ୍ରତିଶୋଧ ନେଇଥାଏ ନାଗୁଣୀ । ୯୦ ଦଶକରେ ନାଗ ନାଗୁଣୀଙ୍କୁ ନେଇ ବହୁ ଫିଲ୍ମ ନିର୍ମାଣ କରାଯାଇଛି । କୁହାଯାଏ ଫିଲ୍ମର କିଛି ଦୃଶ୍ୟ ବା ଚଳଚିତ୍ର ସମାଜରେ ପରିବର୍ତନ ଆଣେ ବା ଶିକ୍ଷା ଦେଇଥାଏ । ତାହା ଭଲ ହେଉ ବା ଖରାବ । ଯାହାକୁ ନେଇ ଅନେକ ସମୟରେ ସମୀକ୍ଷା ମଧ୍ୟ କରାଯାଇଥାଏ । ତେବେ ପିଲାବେଳେ ନାଗ ନାଗୁଣୀ ଫିଲ୍ମ ଦେଖିଥିବା ଅନେକ ଲୋକଙ୍କ ମନରେ ରହିଛି କି, ନାଗକୁ ଯଦି କେହି ମାରି ଦେଇଥାଏ ତାହେଲେ ନାଗୁଣୀ ପ୍ରତିଶୋଧ ନେଇଥାଏ । ତେବେ ଏହି କଥାରେ କେତେ ସତ ରହିଛି? ତାକୁ ନେଇ ଅନେକ ସମୟରେ ଚର୍ଚ୍ଚା ମଧ୍ୟ ହୋଇଥାଏ । କିନ୍ତୁ ଆପଣ ଜାଣନ୍ତି କି ? ସତରେ କଣ ରହିଛି କାରଣ?
Kanak News is now on WhatsApp
Join and get latest news updates delivered to you via WhatsApp
ନାଗର ମୃତ୍ୟୁରେ ନାଗୁଣୀ ପ୍ରତିଶୋଧ ନେଇଥାଏ ବୋଲି ବିଶ୍ୱାସ ରହି ଆସିଥିବାବେଳେ ବିଶେଷଜ୍ଞମାନେ କିନ୍ତୁ ମତ ଭିନ୍ନ ଦିଅନ୍ତି । ଅଷ୍ଟ୍ରେଲିଆର ପ୍ରସିଦ୍ଧ ଭିକ୍ଟୋରିଆ ସଂଗ୍ରାହାଳୟ ସାପସଂଖ୍ୟା ଅଧିକ ରହିଛି । ତେବେ ଏଠାରେ ଥିବା ସାପ ସମ୍ବଦ୍ଧୀୟ ଅଧ୍ୟୟନ କରାଯାଏ । ଅନେକ ସମୟରେ ୱେବସାଇଟରେ ମଧ୍ୟ ଏହି ଅଧ୍ୟୟନ ସମ୍ପର୍କେରେ ସେମାନେ ଅପଲୋଡ କରିଥାନ୍ତି । ତେବେ ଆସନ୍ତୁ ନଜର ପକାଇବା କଣ ବିଶ୍ୱାସ ରହିଛି ଆଉ ଅଧ୍ୟୟନରୁ କଣ ଜଣାପଡ଼ିଛି ।
କୁହାଯାଏ ନାଗ ନାଗୁଣି ଯୁଗଳଭାବେ ଗତି କରନ୍ତି । କିନ୍ତୁ ରିପୋର୍ଟରେ ପ୍ରକାଶ ପାଇଛି କି, ସାପମାନେ କେବଳ ପ୍ରେମ ସମ୍ପର୍କ ସମୟରେ ଏକାଠି ରୁହନ୍ତି ଆଉ ଗତି କରନ୍ତି । କାହିଁକି ନାଁ ବଡ଼ସାପମାନେ ସବୁବେଳେ ସାନ ସାପକୁ ନିଜର ଖାଦ୍ୟଭାବେ ଗ୍ରହଣ କରିଥାନ୍ତି ।
ଆପଣ ଫିଲ୍ମରେ ଅନେକ ସମୟରେ ଦେଖିଥିବେ କ. ସାପ ଆସେ ଆଉ ପାତ୍ରରେ ଥିବା କ୍ଷୀରକୁ ପିଇଥାଏ । କିନ୍ତୁ ବାସ୍ତବରେ ସରୀସୃପମାନେ ଦୁଗ୍ଧଜାତୀୟ ଦ୍ରବ୍ୟ ହଜମ କରିପାରିବେ ନାହିଁ । ତେଣୁ ସେମାନେ କ୍ଷୀର ପିଇବାର କୌଣସି ବିଶେଷ ଇଛା ନଥାଏ । ତଥାପି ଅନେକ ସମୟରେ ଶୋଷିଲା ଥିବାବେଳେ କ୍ଷୀର ପିଇଥାନ୍ତି ।
ଆଜିଯାଏ ଅନେକ ଲୋକ ବିଶ୍ୱାସ କରନ୍ତି କି, ବିପଦ ଥିବାବେଳେ ମା ସାପ ନିଜର ଛୁଆକୁ ଗିଳି ଦେଇଥାଏ । ଆଉ ପରେ ଛୁଆକୁ ବାହାର କରିଥାଏ । କିନ୍ତୁ ବାସ୍ତବରେ ସାପ ଯଦି କାହାକୁ ଗ୍ରାସ କରେ ତାର ହଜମକାରୀ ରସ ଯୋଗୁଁ ଶୀଘ୍ର ଭିତରକୁ ଚାଲିଯାଇଥାଏ । ଆଉ ଭିତରକୁ ଯାଇଥିବା ଜୀବ ମରିଯାଇଥାଏ ।
ବିଶ୍ୱାସ ରହିଛି କି, ସାପର ଯଦି ମୁଣ୍ଡ କଟିଯାଏ ତାହେଲେ ସୂର୍ଯ୍ୟେଦୟ ପର୍ଯ୍ୟନ୍ତ ବଂଚି ରହେ । ବାସ୍ତବରେ କିନ୍ତୁ ସାପର ଶରୀରରୁ ମୁଣ୍ଡ କଟିବାର କିଛି ସମୟ ପାଇଁ ବଚିଂ ରହିଥାଏ ସତ କିନ୍ତୁ ଏତେ ସମୟ ପର୍ଯ୍ୟନ୍ତ ଜୀବନ ରହେନାହିଁ ।
ଆମେ ଅନେକ ଫିଲ୍ମରେ ଦେଖିଛେ କି, ନାଗର ମୃତ୍ୟୁ ପରେ ନାଗୁଣୀ ପ୍ରତିଶୋଧ ନେଇଥାଏ । ବାସ୍ତବରେ କିନ୍ତୁ ସାପମାନଙ୍କର କୌଣସି ସାମାଜିକ ବନ୍ଧନ ନଥାଏ । କିମ୍ବା ଆକ୍ରମଣକାରୀଙ୍କୁ ଚିହ୍ନନ୍ତି ନାହିଁ । କିନ୍ତୁ ବଲିଉଡରେ ଅଧିକ ସମୟରେ ଅନେକ ଫିଲ୍ମରେ ଏଭଳି ସିନମାନ ଦେଖିବାକୁ ମିଳିଥାଏ ।