କନକ ବ୍ୟୁରୋ : ସେନାପତି ବଦଳିବା ପରେ ବଦଳିଛି ପରିସ୍ଥିତି । ଘମାଘୋଟ ଯୁଦ୍ଧ ଭିତରେ ୟୁକ୍ରେନର ଆଉ ସହରକୁ କବଜା କରିଛି ଋଷ । ୟୁକ୍ରେନର ସେଲେଦର ସହର ସହ ବାକମୁଟ ସହର ଅଧିକୃତ ନେଇ ଋଷ ଦାବିକୁ କିଭ ପ୍ରତ୍ୟାଖାନ କରିଛି । ଦୁଇ ଦିନ ପୂର୍ବରୁ ୟୁକ୍ରେନ ଯୁଦ୍ଧ ଚାର୍ଜରେ ଥିବା ଅଫିସରଙ୍କୁ ଅଟାଇ ଚିଫ୍ ଜେନେରାଲ ଷ୍ଟାଫ୍ ଭଲେରୀ ଗେରସିମୋଭଙ୍କୁ ସେନାପତି ନିଯୁକ୍ତ କରିଥିଲେ ପୁଟିନ୍ । ଆଉ ଏବେ ଋଷ ସେନାର ସଫଳତା ପଛରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗତ ତିନି ଦିନ ଯୁଦ୍ଧରେ ୟୁକ୍ରେନର ୭୦୦ରୁ ଅଧିକ ଯବାନଙ୍କ ମୃତ୍ୟୁ ହୋଇଥିବା ବେଳେ ୩୦୦ରୁ ଅଧିକ ଯୁଦ୍ଧାସ୍ତ୍ର ନଷ୍ଟ କରାଯାଇଥିବା ଋଷ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ କୁହାଯାଇଛି । ପୂର୍ବ ୟୁକ୍ରେନର ସୋଲେଦାର ସହରକୁ ଋଷ କବଜା କରିଥିବା ନେଇ ପ୍ରତିରକ୍ଷା ମନ୍ତ୍ରଣାଳୟ କହିଛି । ହେଲେ ଋଷର ଦାବିକରୁ ପ୍ରତ୍ୟାଖାନ କରି ୟୁକ୍ରେନ କହିଛି, ଏବେବି ୟୁକ୍ରେନ ସେନା ସେଲେଦର ସହରରେ ଲଢେଇ ଜାରି ରଖିଛନ୍ତି । ତେବେ ଋଷର ନୂଆ ସେନାପତି ନିଯୁକ୍ତ ପରେ କୁହାଯାଉଛି ପୁଟିନ୍ ଲମ୍ବା ଏବଂ ନିର୍ଣ୍ଣାୟକ ଯୁଦ୍ଧ ପାଇଁ ପ୍ରସ୍ତୁତ ହେଉଛନ୍ତି । ତେବେ ଗତ ୬ ମାସ ଯୁଦ୍ଧରେ ଏହା ଋଷର ବଡ ସଫଳତା ବୋଲି କୁହାଯାଉଛି ।