ବଂଚି ଥାଉ ଥାଉ ମାରିଦେଲେ: ଓଲିଉଡର ବର୍ଷୀୟାନ ଅଭିନେତା ମିହିର ଦାସଙ୍କ ବାବଦରେ ୱିକିପିଡିଆରେ ଭୁଲ ତଥ୍ୟ, ବିବାଦ ବଢିବା ପରେ ସୁଧୁରିଲା ତ୍ରୁଟି
କନକ ବ୍ୟୁରୋ: ଓଡିଶାର ଲୋକପ୍ରିୟ ଅଭିନେତା ମିହିର ଦାସ । ବଂଚି ଥାଉ ଥାଉ ବୁଧବାର ରାତିରେ ମିହିର ଦାସଙ୍କୁ ମାରି ଦେଲା ୱିକିପେଡିଆ । ହେଲେ ଗୁରୁବାର ପୁଣି ମିହିର ଦାସ ଜୀବିତ ଥିବା ୱିକିପେଡିଆରେ ଡାଟା ଅପଡେଟ୍ କରିବା ଚର୍ଚ୍ଚାର ବିଷୟ ହୋଇଛି । ଏହାକୁ ନିନ୍ଦା କରିଛନ୍ତି ତାଙ୍କୁ ଭଲ ପାଉଥିବା ପ୍ରତିଟି ମଣିଷ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ଟିଭି ସ୍କ୍ରିନରେ ରହିଛି ଓଡିଶାର ଲୋକ ପ୍ରିୟ ଅଭିନେତା ମିହିର ଦାସଙ୍କ ବାବଦରେ ୱିକିପେଡିଆର ଦୁଇ ଦିନର ସ୍କ୍ରିନ ସଟ୍ । ପ୍ରଥମଟି ବୁଧବାର ରାତିର ହୋଇଥିବାବେଳେ ଅନ୍ୟଟି ଗୁରୁବାରର । ବୁଧବାର ରାତିରେ ଥିବା ୱିକିପେଡିଆର ତଥ୍ୟ କହୁଛି ମିହିର ଦାସଙ୍କର ୧୪ ତାରିଖରେ ଦେହାନ୍ତ ହୋଇଯାଇଛି । କିନ୍ତୁ ଗୁରୁବାର ଦିନର ସେହି ତଥ୍ୟକୁ ହଟାଇବା ସହ ମିହିର ଦାସ ଜୀବିତ ଥିବା ଦର୍ଶା ଯାଇଛି । ୱିକିପେଡିଆର ତଥ୍ୟ ଉପରେ କୋଟି କୋଟି ଲୋକ ବିଶ୍ୱାସ କରୁଥିବାବେଳେ ଏଭଳି ଏକ ମିଛ ସୂଚନା ପ୍ରକାଶ ପାଇବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହାକୁ ନିନ୍ଦା କରିଛନ୍ତି ଓଡିଶା ସିନେ ଆସୋସିଏସନର ସମ୍ପାଦକ ଶ୍ରୀତମ ଦାସ ।
ମିହିର ଦାସ କିଡନୀ ଜନତୀ ରୋଗରେ ପୀଡିତ ହୋଇ ଗତ କିଛି ଦିନ ହେଲା ଚିକିତ୍ସିତ ହେଉଛନ୍ତି । ତାଙ୍କୁ ଅବସ୍ଥା ଗୁରୁତ୍ୱର ଥିବାରୁ ଏକ ଘରୋଇ ହସ୍ପିଟାଲରେ ଭେଂଟିଲେଟରରେ ରଖାଯାଇଛି । ସ୍ୱତନ୍ତ୍ର ଡାକ୍ତରୀ ଦଳ ତାଙ୍କ ସ୍ୱାସ୍ଥ୍ୟବସ୍ଥା ଉପରେ ନଜର ରଖିଛନ୍ତି । ମିହିିର ଅସୁସ୍ଥ ଥିବା ଖବର ସାମନାକୁ ଆସିବା ପରେ ଓଡିଶା ଓ ଓଡିଶା ବାହାରେ ଥିବା ହଜାର ହଜାର ଲୋକ ତାଙ୍କ ଆଶୁ ଆରୋଗୀ କାମନା କରୁଛନ୍ତି । ଏଭଳି ସମୟରେ ୱିକିପେଡିଆରେ ଏମିତି ତଥ୍ୟ ଆସିବାକୁ ସହଜରେ ଗ୍ରହଣ କରିପାରି ନାହାଁନ୍ତି ତାଙ୍କ ପରିବାର ଓ ଭଲ ପାଉଥିବା ପ୍ରତିଟି ମଣିଷ । ଓ ଏହାର ନିନ୍ଦା କରିଛନ୍ତି ।
ମିହିର ଦାସ ତାଙ୍କ ଲମ୍ବା କ୍ୟାରିୟରରେ ଓଲିଉଡକୁ ଅନେକ ସୁପରହିଟ୍ ଚଳଚିତ୍ର ଭେଟି ଦେବା ସହ ଓଡିଆଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ଏମିତି ସମୟରେ ଏଭଳି ଖବର ସମସ୍ତଙ୍କୁ ସ୍ତବ୍ଦ କରି ଦେଇଛି ।