ଫରେକ୍ସ ଆଇନ ଉଲଙ୍ଘନ କରିବା ପଡିଲା ମହଙ୍ଗା, ସାଓମୀ କମ୍ପାନୀର ୫.୫୫୧ କୋଟି ଟଙ୍କାର ସମ୍ପତି ଜବତ କଲା ଇଡି
କନକ ବ୍ୟୁରୋ : ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଫରେକ୍ସ ଆଇନ ଉଲଙ୍ଘନ କରିବା ଅଭିଯୋଗରେ ସାଓମୀ ଟେକ୍ନୋଲୋଜି ଇଣ୍ଡିଆ ପ୍ରାଇଭେଟ ଲିମିଟେଡର ୫୫୫୧,୨୭ କୋଟି ଟଙ୍କାର ସମ୍ପତି ଜବତ କରିଛି । କହିରଖୁ କି ସାଓମୀ ଇଣ୍ଡିଆ ଚୀନରେ ଥିବା ସାଓମୀ କମ୍ପାନୀର ଏକ ସହାୟକ କମ୍ପାନୀ । ଏବେ ଇଡି ଏହି ସବୁ ଅର୍ଥ କମ୍ପାନୀର ବ୍ୟାଙ୍କ ଖାତାରୁ ଜବତ କରିଛି । ଇଡି ତରଫରୁ ଚଳିିତ ବର୍ଷ ଫେବୃଆରୀ ମାସରେ କମ୍ପାନୀ ଦ୍ୱାରା ଅବୈଧ ନେଣଦେଣକୁ ନେଇ ଯାଂଚ ଆରମ୍ଭ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ୨୦୧୪ ମସିହାରେ କମ୍ପାନୀ ଭାରତରେ ତାର କାମ ଆରମ୍ଭ କରିଥିଲା । ଏହାପରେ ୨୦୧୫ ଠାରୁ ମୂଳ କମ୍ପାନୀ ନିକଟକୁ ଟଙ୍କା ପଠାଇବା ଆରମ୍ଭ କରିଥିଲା । ଏହି କ୍ରମରେ କମ୍ପାନୀ ୩ ଟି ବିଦେଶୀ ସଂସ୍ଥାକୁ ୫୫୫୧.୨୭ କୋଟି ଟଙ୍କାର ସମକକ୍ଷ ବିଦେଶୀ ମୁଦ୍ରା ପଠାଇଥିଲା । ରୟାଲି ନାମରେ ଏତେ ପରିମାଣର ଟଙ୍କା ସେମାନଙ୍କର ଚାଇନାରେ ଥିବା ମୂଳ ଗୋଷ୍ଠୀର ଅନୁଷ୍ଠାନଗୁଡିକର ପରାମର୍ଶରେ ପଠାଇଥିଲା । ଏହା ମଧ୍ୟରେ ଆମେରିକାର ୨ ଟି ସଂସ୍ଥାକୁ ମଧ୍ୟ ଟଙ୍କା ପଠାଯାଇଥିଲା, ଯେଉଁ କମ୍ପାନୀ ଏହା ସହିତ ଜଡିତ ନଥିଲା । ଅନ୍ୟପଟେ ଏହି ଦୁଇ ଆମେରିକୀୟ କମ୍ପାନୀ ସାଓମୀ ଇଣ୍ଡିଆକୁ ସହାୟତା କରିଥିଲା ।
ED has seized Rs 5551.27 crores of Xiaomi Technology India Private Limited, lying in the bank accounts under the provisions of the Foreign Exchange Management Act, 1999 in connection with the illegal outward remittances made by the company: ED pic.twitter.com/6ZmO9Odltg
— ANI (@ANI) April 30, 2022
କହିରଖୁ କି ସାଓମୀ ଇଣ୍ଡିଆ ଏମଆଇ ନାମରେ ଭାରତରେ ମୋବାଇଲ ଫୋନ ବ୍ୟବସାୟ କରୁଥିଲା । ସାଓମୀ ଇଣ୍ଡିଆ ପକ୍ଷରୁ ଭାରତର ନିର୍ମାତାମାନଙ୍କ ଠାରୁ ସମ୍ପୂର୍ଣ୍ଣ ଭାବେ ମୋବାଇଲ ସେଟ୍ ଓ ଅନ୍ୟ ଉତ୍ପାଦ କିଣିଥାଏ । ସେପଟେ ସାଓମୀ ଇଣ୍ଡିଆ ଯେଉଁ ୩ ଟି ବିଦେଶୀ ସଂସ୍ଥା ସହିତ ଅର୍ଥ କାରବାର କରିଛି ସେମାନଙ୍କ ଠାରୁ ସେବା ନେଇ ନଥିବା କଥା ଇଡି ସ୍ପଷ୍ଟ କରିଛି । ନକଲି ଦସ୍ତାବିଜ ଦେଖାଇ କମ୍ପାନୀ ରୟାଲି ଆଳରେ ବିଦେଶର ଏହି ୩ ଟି ସଂସ୍ଥାକୁ ବହୁ ପରିମାଣର ଟଙ୍କା ପଠାଇଥିଲା । ଏହି ଅପରାଧରେ ଏବେ ସାଓମୀ ଇଣ୍ଡିଆର ୫୫୫୧.୨୭ କୋଟି ଟଙ୍କାର ସମ୍ପତ୍ତି ଜବତ କରିଛି ଇଡି ।