ଅନୁଭବ ଆସିଲେ, ବର୍ଷା ଆସିଲେନି । ଫ୍ୟାମିଲି କୋର୍ଟରେ ଅନୁଭବ ହାଜର ।
କନକ ବ୍ୟୁରୋ : ପତ୍ନୀ ବର୍ଷା ପ୍ରିୟଦର୍ଶନୀଙ୍କ ସହ ବିବାଦ ଭିତରେ କଟକ ଫ୍ୟାମିଲି କୋର୍ଟରେ ହାଜର ହୋଇଛନ୍ତି ସାଂସଦ ଅନୁଭବ ମହାନ୍ତି । କିନ୍ତୁ ବର୍ଷା ପ୍ରିୟଦର୍ଶିନୀ ଆସିନଥିଲେ, ତାଙ୍କ ତରଫରୁ ତାଙ୍କ ଓକିଲ କୋର୍ଟରେ ହାଜର ହୋଇଥିଲେ । ପୂର୍ବରୁ କାଉନସେଲିଂ ବିଫଳ ହୋଇଥିବାରୁ ଉଭୟ ଅନୁଭବ ଓ ତାଙ୍କ ପତ୍ନୀ ବର୍ଷାଙ୍କୁ ହାଜର ହେବାକୁ ନିର୍ଦ୍ଦେଶ ଦେଇଥିଲେ କୋର୍ଟ । ଶୁଣାଣି ପରେ କୋର୍ଟ ରାୟ ସଂରକ୍ଷିତ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଏଫଆଇଆର ଦେବା ପରେ ପୁଣି ସୋମବାର ରାତିରେ ସୋସିଆଲ ମିଡିଆରେ ଭିଡିଓ ଜାରି କରି ବର୍ଷା ବିରୋଧରେ ବର୍ଷିଛନ୍ତି ଅନୁଭବ । ଭିଡିଓରେ ସାଂସଦ କହିଛନ୍ତି, ସତ ଶୁଣିବାକୁ ବର୍ଷା ପ୍ରିୟଦର୍ଶନୀ ସାହସ ରଖନ୍ତୁ । ଆମେ ଏକାଠି ରହିପାରିବା ନାହିଁ । ତେଣୁ ଅଲଗା ହୋଇଯିବା ଆବଶ୍ୟକ । ଅନୁଭବ ଆହୁରି କହିଛନ୍ତି, ସେ କେବେ ବି ନଇଁବେ ନାହିଁ । ସୁପ୍ରିମକୋର୍ଟ ଯିବେ ଓ ସତକୁ ସାମ୍ନାକୁ ଆଣିବେ ।
ସେପଟେ ଅନୁଭବଙ୍କ ଅଭିଯୋଗ ଉପରେ ବର୍ଷା ପ୍ରିୟଦର୍ଶିନୀଙ୍କ କୌଣସି ପ୍ରତିକ୍ରିୟା ମିଳି ନାହିଁ । କିନ୍ତୁ ସୋସିଆଲ ମିଡିଆରେ ଘୁରି ବୁଲୁଛି ବର୍ଷା ପ୍ରିୟଦର୍ଶିନୀଙ୍କୁ ସମର୍ଥନ କରି ବର୍ଷା ଫ୍ୟାନ୍ସ କ୍ଲବ ନାଁରେ ଏକାଧିକ ପୋଷ୍ଟ । ଯେଉଁଥିରେ ଲେଖା ଯାଇଛି ୬ ବର୍ଷ ଭିତରେ ସ୍ୱାମୀ ସ୍ତ୍ରୀଙ୍କ ମଧ୍ୟରେ ସଂପର୍କ ନହେବା କଣ ସମ୍ଭବ । ସୋସିଆଲ ମିଡିଆ ମାଧ୍ୟମରେ କାହିଁକି ସ୍ତ୍ରୀକୁ ଚ୍ୟାଲେଞ୍ଜ ଦେଉଛନ୍ତି ଅନୁଭବ । ବାପ ଛେଉଣ୍ଡ ଝିଅକୁ ତଳି ତଳାନ୍ତ କରିବା କେତେ ଠିକ୍ ବୋଲି ପୋଷ୍ଟରେ ଲେଖା ରହିଛି । ଦିନକୁ ଦିନ ବର୍ଷା ପ୍ରିୟଦର୍ଶନୀ ଓ ଅନୁଭବ ମହାନ୍ତିଙ୍କ ସଂପର୍କରେ ତିକ୍ତତା ବଢିବାରେ ଲାଗିଛି । ଓଲିଉଡର ଏହି ହିଟ୍ ଯୋଡିଙ୍କ ପାରିବାରିକ ଭବିଷ୍ୟତ ଏବେ ଫ୍ୟାମଲି କୋର୍ଟର ରାୟ ଉପରେ ନିର୍ଭର କରୁଛି ।