କନକ ବ୍ୟୁରୋ: ବିବାହରେ ବାଧକ ସାଜିଲା ବନ୍ୟା । ବାଙ୍କୀ କଇଁମୁଣ୍ଡି ଗାଁରେ ପସିଗଲା ବନ୍ୟା ପାଣି । ଓଡ୍ରାଫ୍ ବୋଟ୍ରେ କନ୍ୟାକୁ ମୁଖ୍ୟ ରାସ୍ତାକୁ ଆଣିଲେ ଉଦ୍ଧାରକାରୀ ଟିମ୍ । ପୂର୍ବ ନିର୍ଦ୍ଧାରିତ ତିଥି ଅନୁସାରେ କଇଁମୁଣ୍ଡି ଗାଁର ଜଣେ ଝିଅର ଆଜି ବାହାଘର ଥିଲା । ବନ୍ୟା ପାଣିରେ ଗାଁ ଜଳମଗ୍ନ ହେବାରୁ ଓଡ୍ରାଫ ବୋଟ୍ରେ ତାଙ୍କୁ ମୁଖ୍ୟ ରାସ୍ତାକୁ ଆଣିବାକୁ ପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
କଇଁମୁଣ୍ଡି ଗାଁର ଶତାଧିକ ଘର ଏବେ ପାଣିଘେରରେ ଥିବା ବେଳେ ଗମନାଗମନ ପାଇଁ ଓଡ଼୍ରାଫ୍ ବୋଟ୍ ହିଁ ଏକମାତ୍ର ସାହାରା ପାଲଟିଛି । ମୁଖ୍ୟ ରାସ୍ତାରୁ ଗାଁକୁ ଆସିବା ପାଇଁ ବହୁବର୍ଷ ହେଲା ପୋଲ ନିର୍ମାଣ ପାଇଁ ଦାବି କରିଛନ୍ତି ଲୋକେ । ଏପର୍ଯ୍ୟନ୍ତ ପୋଲ ନିର୍ମାଣ ହେଉନଥିବାରୁ ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ଗ୍ରାମବାସୀ ।