କନକ ବ୍ୟୁରୋ: ପରୀକ୍ଷାର୍ଥୀଙ୍କ ଉପରୁ କେମିତି କମିବ ପରୀକ୍ଷା ଚାପ । ପରୀକ୍ଷା ସମୟ ଆସିଲେ ଏ ସମ୍ପର୍କରେ ବିଭିନ୍ନ ଉପାୟ ଓ ସରଳ ପନ୍ଥା ବତାଇଥାନ୍ତି ବିଶେଷଜ୍ଞ । ହେଲେ ଏଥର ସ୍କୁଲ ପିଲାଙ୍କ ଉପରେ ପରୀକ୍ଷା ଚାପ କମାଇବା ପାଇଁ ପ୍ରସ୍ତାବ ଦେଇଛି ଏନସିଏଫ ବା ନ୍ୟାସନାଲ କରିକୁଲମ ଫ୍ରେମୱାର୍କ । ଏନସିଏଫ ପକ୍ଷରୁ ଦିଆଯାଇଥିବା ପ୍ରସ୍ତାବ ଉପରେ ଅଭିଭାବକ ଓ ଜନସାଧାରଣଙ୍କ ମତାମତ ଲୋଡାଯାଇଛି । ଏନସିଏଫର ପ୍ରସ୍ତାବ ଅନୁସାରେ ସ୍କୁଲ ପିଲାଙ୍କ ବାର୍ଷିକ ପରୀକ୍ଷା ବର୍ଷରେ ଥରେ ହେଉଥିବାରୁ ପିଲାଙ୍କ ଉପରେ ପରୀକ୍ଷାକୁ ନେଇ ମାନସିକ ଚାପ ରହୁଛି । ବିଶେଷ କରି ମାଟ୍ରିକ ଓ ପ୍ଲସ-ଟୁ ବୋର୍ଡ ଏକଜାମକୁ ନେଇ ପିଲାଙ୍କ ଭୟ ରହୁଛି । ତେଣୁ ମାଟ୍ରିକ ଓ ପ୍ଲସଟୁ ପାଇଁ ବର୍ଷକୁ ଅତିକମରେ ଦୁଇଟି ସେମିଷ୍ଟାର ପରୀକ୍ଷା କରିବା ପାଇଁ ପ୍ରସ୍ତାବ ଦିଆଯାଇଛି । ଦୁଇଟି ସେମିଷ୍ଟାରର ମାର୍କକୁ ମିଶାଇ ବାର୍ଷିକ ପରୀକ୍ଷା ଫଳ ପ୍ରକାଶିତ ହେବ । ଏପରି ହେଲେ ପିଲାଙ୍କ ମନରୁ ପରୀକ୍ଷା ଭୟକୁ ଦୂରେଇ ଦିଆଯାଇପାରିବ ବୋଲି ଏନସିଏଫ ପ୍ରସ୍ତାବ ଦେଇଛି ।
ପିଲାଙ୍କ ଉପରୁ ଉଠୁ ପରୀକ୍ଷା ଚାପ:
– ମାଟ୍ରିକ ପରୀକ୍ଷାରେ ବର୍ଷକୁ ଦୁଇଟି ବୋର୍ଡ ପରୀକ୍ଷା ହେବ
– ଦୁଇଟି ବୋର୍ଡ ପରୀକ୍ଷାର ମାର୍କ ମିଶି ଚୂଡାନ୍ତ ଫଳ ପ୍ରକାଶ ପାଇବ
– ପାଠ୍ୟଖସଡା ଅନୁସାରେ ପିଲା ପ୍ରସ୍ତୁତ ହୋଇପାରିବେ
– ଯୁକ୍ତ ଦୁଇ ପରୀକ୍ଷା ପାଇଁ ୪ଟି ବୋର୍ଡ ପରୀକ୍ଷା ପାଇଁ ପ୍ରସ୍ତାବ
– ପ୍ଲସ-ଟୁରେ ଆଠଟି ବିଷୟ ଚୟନ କରିପାରିବେ ଛାତ୍ରଛାତ୍ରୀ
– ୧୬ଟି ବିଷୟରୁ ଯେକୌଣସି ୮ଟି ଚୟନ କରିପାରିବେ ଛାତ୍ରଛାତ୍ରୀ
– ପସନ୍ଦର ପାଠ ପଢିବା ନିଷ୍ପତି ନିଜେ ନେଇ ଉପକୃତ ହୋଇପାରିବେ ପିଲା
– ହ୍ୟୁମାନିଟିଜରେ – ଭାଷା, ସାହିତ୍ୟ ଓ ଦର୍ଶନ ଶାସ୍ତ୍ର ପଢାଯିବ
– ସାମାଜିକ ବିଜ୍ଞାନରେ- ଇତିହାସ, ଭୁଗୋଳ, ରାଜନୀତି ବିଜ୍ଞାନ, ମନୋବିଜ୍ଞାନ, ଅର୍ଥନୀତି ଓ ସାମାଜିକ ବିଜ୍ଞାନ ପଢିବେ ପିଲା
– ବିଜ୍ଞାନରେ- ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ବାୟୋଲୋଜି
– ଗଣିତ ଓ କମ୍ପୁଟର – ଗଣିତ, କମ୍ପୁଟର ସାଇନସ, ବିଜନେସ ମ୍ୟାଥ
– କଳା – ସଙ୍ଗୀତ, ନୃତ୍ୟ, ମଂଚ କଳା, ଚିତ୍ରାଙ୍କନ ପଢିବେ ପିଲା
Kanak News is now on WhatsApp
Join and get latest news updates delivered to you via WhatsApp
ସ୍କୁଲ ପାଠ୍ୟକ୍ରମରେ ସବୁ ବିଷୟ ଠାରୁ ଗଣିତ ବିଷୟ ପ୍ରତି ଅଧିକାଂଶ ପିଲାଙ୍କ ଭୟ ରହିଥାଏ । ହେଲେ ଆଗକୁ ଗଣିତ ବିଷୟକୁ ପିଲାଙ୍କ ପାଇଁ ସହଜ କରିବାକୁ ପ୍ରସ୍ତାବ ଦେଇଛି, ଏନସିଏଫ ବା ନେସନାଲ କରିକୁଲମ ଫ୍ରେମୱାର୍କ । ଗଣିତକୁ ସହଜରେ କେମିତି ପିଲାଙ୍କ ବୁଝା ଯାଇପାରିବ ।
ଗଣିତ ହେବ ସହଜ:
– ପିଲାଙ୍କୁ ଗଣିତ ବିଷୟ ଉପରୁ ଭୟ ଦୂରେଇବା ପାଇଁ ପଦକ୍ଷେପ
– ଗଣିତକୁ ଏକ ଖେଳ ଭଳି ରୋଚକ ଢଙ୍ଗରେ ପିଲାଙ୍କୁ ପଢାଯିବ
– ସୋପାନ ପରେ ସୋପାନ, ପିଲା ବୁଝିଲା ଭଳି ଗଣିତ ପଠାଇବାକୁ ପ୍ରସ୍ତାବ
– ଗଣିତ ଶିକ୍ଷା ପ୍ରଥମେ ସଂଖ୍ୟା ପଦ୍ଧତି ଅର୍ଥାତ୍ ନମ୍ବର ସିଷ୍ଟମରୁ ଆରମ୍ଭ ହେବ
– ଏହାପରେ ଯୋଗ, ବିୟୋଗ, ହରଣ, ଗୁଣନ ପଢାଯିବ
– ପରବର୍ତ୍ତୀ ସୋପାନରେ ପିଲାଙ୍କୁ ମାପ ଓ ପରେ ଗଣିତର ସୂତ୍ର ପଠାହେବ
– ପ୍ୟାଟର୍ନ ଖୋଜିବା, ତର୍କ ସହ ସିଦ୍ଧ କରିବା, ଗଣିତ ସମସ୍ୟାର ସମାଧାନ ଶିକ୍ଷା ଦିଆଯିବ
– ପିଲାଙ୍କୁ ସୂତ୍ର ଘୋଷାଇବା ବଦଳରେ ଗଣିତ ବୁଝିବା ଉପରେ ଫୋକସ କରାଯିବ
ଏହି ଡ୍ରାପ୍ଟ ପୂର୍ବତନ ଇସ୍ରୋ ମୁଖ୍ୟ କେ,କସ୍ତୁରୀରଙ୍ଗନଙ୍କ ଅଧ୍ୟକ୍ଷତାରେ ଗଠିତ ହୋଇଥିବା ଷ୍ଟିଅରିଂ କମିଟି ପ୍ରସ୍ତୁତ କରିଛନ୍ତି । ପରୀକ୍ଷାର ଏହି ସରଳୀକରଣ ନିୟମ ଲାଗୁ ହେଲେ ପରୀକ୍ଷାର୍ଥୀଙ୍କୁ ନିଜ ପସନ୍ଦର ସିଲାବସ ବାଛିବା ପାଇଁ ମୌକା ମିଳିବ ଓ ସେହି ଆଧାରରେ ନିଜ ଦକ୍ଷତା ବୃଦ୍ଦି ପାଇଁ ସ୍ୱାଧୀନତା ପାଇପାରିବେ ।