ବଢ଼ିଲା ମେୟରଙ୍କ ଦରମା: ଥିଲା ୮ ହଜାର, ହେଲା ୫୦ହଜାର
କନକ ବ୍ୟୁରୋ: ବଢିଲା ମେୟରଙ୍କ ଦରମା । ରାଜ୍ୟର ୫ଟି ମହାନଗର ନିଗମର ମାସିକ ଦରମା ୮ ହଜାର ଟଂକାରୁ ବୃଦ୍ଧି ପାଇ ୫୦ ହଜାର ଟଂକା ହୋଇଛି । ସେହିପରି ୪୮ଟି ପୌର ପରିଷଦ ଓ ୬୮ଟି ବିଜ୍ଞପିତ ଅଂଚଳ ପରିଷଦର ମେୟର, ଡେପୁଟି ମେୟର, ଅଧ୍ୟକ୍ଷ, ଉପାଧ୍ୟକ୍ଷ, କର୍ପୋରେଟର ଓ କାଉନସିଲରଙ୍କ ଦରମା ଓ ଭତା ବଢାଇବା ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଦରମା ବୃଦ୍ଧି କାମ କରିବା ପାଇଁ ମନବୋଳ ବୃଦ୍ଧି କରିବ ବୋଲି ନେତା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମେୟରଙ୍କ ଦରମା ବଢ଼ି ନିଷ୍ପତି ଆସିବା ପରେ କିଛି ଏଭଳି ମନ୍ତବ୍ୟ ରଖିଛନ୍ତି ରାଜ୍ୟର ତିନି ପ୍ରମୁଖ ମହାନଗର ନିଗମର ମେୟାର । ନିଷ୍ପତିକୁ ସ୍ୱାଗତ ଜଣାଇବା ସହ ନଗରର ବିକାଶ ଦିଗରେ ମେୟରଙ୍କ ମନୋବଳ ବଢ଼ାଇବ ବୋଲି କହିଛନ୍ତି ।-
ରାଜ୍ୟର ୫ଟି ମହାନଗର ନିଗମ, ୪୮ଟି ପୌର ପରିଷଦ ଓ ୬୮ଟି ବିଜ୍ଞପିତ ଅଂଚଳ ପରିଷଦର ମେୟର, ଡେପୁଟି ମେୟର, ଅଧ୍ୟକ୍ଷ, ଉପାଧ୍ୟକ୍ଷ, କର୍ପୋରେଟର ଓ କାଉଁସିଲରଙ୍କ ଦରମା ଓ ଭତା ବଢାଇବା ନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ନଜର ପକାନ୍ତୁ କାହାର କେତେ ଦରମା ବଢ଼ିଛି ।
– ମେୟରଙ୍କ ଦରମା ଥିଲା ୮ ହଜାର ଏବେ ପାଇବେ ୫୦ ହଜାର ଟଙ୍କା
– ଡେପୁଟି ମେୟରଙ୍କ ଦରମା ୫ ହଜାରରୁ ହେଲା ୨୦ ହଜାର
– ପୌର ପରିଷଦ ଅଧ୍ୟକ୍ଷଙ୍କ ମାସିକ ଦରମା ୧୫ ଶହରୁ ହେଲା ୧୫ ହଜାର ଟଙ୍କା
– ପୌର ପରିଷଦ ଉପାଧ୍ୟକ୍ଷଙ୍କ ଦରମା ୧୨ଶହରୁ ୧୦ହଜରା ଟଙ୍କାକୁ ବୃଦ୍ଧି
– ଏନ୍ଏସି ଅଧ୍ୟକ୍ଷଙ୍କ ମାସିକ ଦରମା ୧ ହଜାର ଟଙ୍କାରୁ ବଢ଼ି ହେଲା ୧୦ହଜାର ଟଙ୍କା
– ଏନ୍ଏସି ଉପାଧ୍ୟକ୍ଷଙ୍କ ଦରମା ୮ଶହ ଟଙ୍କାରୁ ୭,୫୦୦ ଟଙ୍କାକୁ ବୃଦ୍ଧି
– ପ୍ରତି ବୈଠକ ପାଇଁ କର୍ପୋରେଟରଙ୍କ ଭତ୍ତା ୭ଶହ ଟଙ୍କାକୁ ୨ ହଜାର ଟଙ୍କାକୁ ବୃଦ୍ଧି
– ପୌର ପରିଷଦ ଓ ଏନ୍ଏସିର କାଉଁସିଲରଙ୍କ ଭତ୍ତା ୧୫୦ ଟଙ୍କାରୁ ବଢ଼ି ହେଲା ୫୦୦ ଟଙ୍କା
ସେହିପରି ମୃତ୍ୟୁ ଏବଂ ଅକ୍ଷମତା କ୍ଷେତ୍ରରେ ମିଳିବ ଅନୁକମ୍ପା ମୂଳକ ରାଶି । ବର୍ତମାନ ରାଜ୍ୟର ବିଭିନ୍ନ ମୁନସିପାଲଟି ଓ ଏନ୍ଏସିରେ ୧୬୯୬ କାଉଁସିଲର ଏବଂ ମହାନଗର ନିଗମରେ ୨୪୪ଜଣ କର୍ପୋରେଟର ନିର୍ବାଚିତ ହୋଇ କାମ କରୁଛନ୍ତି ।