ଜେପି ନଡ୍ଡାଙ୍କ ବଡ ବୟାନ । କହିଲେ, ପ୍ରଥମେ ଆରଏସଏସର ଆବଶ୍ୟକ ଥିଲା, ଏବେ ବିଜେପି ସକ୍ଷମ । କାଶୀ-ମଥୁରାରେ ମନ୍ଦିର ନିର୍ମାଣ ନେଇ କୌଣସି ଯୋଜନା ନାହିଁ
କନକ ବ୍ୟୁରୋ : ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ନିର୍ବାଚନ ଭିତରେ ଏକ ବଡ ବୟାନ ଦେଇଛନ୍ତି । ସେ ଏକ ସାକ୍ଷାତକାରରେ ସେ କହିଛନ୍ତି କି, କିଛି ବର୍ଷ ପୂବେ ବିଜେପିକୁ ସଂଘ ପରିବାରର ସହାୟତା ଆବଶ୍ୟକ ଥିଲା । ହେଲେ ଏବେ ବିଜେପି ନିଜେ ସକ୍ଷମ ହୋଇସାରିଛି । ଏବେ ବିଜେପି ନିଜକୁ ନିଜେ ଚଳାଇବାର କ୍ଷମତା ହାସଲ କରିଛି । କେବଳ ସେତିକି ନୁହେଁ ବିଜେପିର ଅନ୍ୟ ବରିଷ୍ଠ ନେତାମାନେ ନିର୍ବାଚନୀ ସଭାରେ ଯେଉଁ କଥା କହୁଛନ୍ତି କି, ପୁଣି କେନ୍ଦ୍ରରେ ବିଜେପି ସରକାର ଆସିଲେ କାଶୀ-ମଥୁରାରେ ମନ୍ଦିର ନିର୍ମାଣ ହେବ । ଏହା ଉପରେ ନଡ୍ଡା କହିଛନ୍ତି କି, କାଶୀ-ମଥୁରାରେ ମନ୍ଦିର ନିର୍ମାଣ କରିବା ନେଇ ଏବେ କୌଣସି ଯୋଜନା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ନଡ୍ଡା କହିଛନ୍ତି କି, ଆରମ୍ଭରୁ ବିଜେପି ଅକ୍ଷମ ଥିଲା, ସେତେବେଳେ ଆରଏସଏସର ସହାୟତା ଆବଶ୍ୟକ ପଡୁଥିଲା । ହେଲେ ଏବେ ବିଜେପି ନିଜେ ସକ୍ଷମ ହୋଇଛି ଓ ନିଜକୁ ନିଜେ ଚଳାଇବାର କ୍ଷମତା ହାସଲ କରିଛି । ଅନ୍ୟପଟେ କାଶୀ-ମଥୁରାରେ ଥିବା ବିବାଦୀୟ ସ୍ଥଳରେ ମନ୍ଦିର ନିର୍ମାଣ ନେଇ ବିଜେପିର ଅନ୍ୟ ନେତାମାନେ ଦାବି କରୁଥିବା ବେଳେ ଏହାକୁ ନଡ୍ଡା ଖଣ୍ଡନ କରିଛନ୍ତି । ସେ କହିଛନ୍ତି କି, ବିଜେପି ପାଖରେ ଏଭଳି କୌଣସି ବିଚାର, ଯୋଜନା ବା ଇଚ୍ଛା ନାହିଁ । ଏହା ଉପରେ ଏପର୍ଯ୍ୟନ୍ତ କୌଣସି ଚର୍ଚ୍ଚା ହୋଇନାହିଁ । ନଡ୍ଡା କହିଛନ୍ତି କି ପାର୍ଟିର ବିଚାର ପ୍ରକ୍ରିୟା ସଂସଦୀୟ କମିଟର ଚର୍ଚ୍ଚା ପରେ ସ୍ଥିର ହୋଇଥାଏ । ଏହାପରେ ପ୍ରସଙ୍ଗ ଜାତୀୟ କାଉଁସିଲ ପାଖକୁ ପଠାଯାଇଥାଏ । ନଡ୍ଡା କହିଛନ୍ତି କି, ଏବେ ପ୍ରଧାନମନ୍ତ୍ରୀଙ୍କ ଧ୍ୟାନ ଗରିବ, ଶୋଷିତ, ଦଳିତ, ମହିଳା, ଯୁବବର୍ଗ ଓ କୃଷକଙ୍କର ବିକାଶ ଉପରେ ରହିଛି ।